Titu 2:2 - Fanawbuid tagsibaliwas Fakayabian

² Foyungi sat mafagtainan fag ngay mangama te, malukmei tua, ay safuli tua faragangi at sadili ay faksvni tua nu gafanud, ay esugi fagayu taw, ay agwantani.

Titu 2:2 ပူးပေါင်းရင်းမြစ်များ

Ub 12:12

At mafufuama, ngayu tua at fagsafulun. Aroro nu kaaduge wan at leleg, kaugat yay at fagsafulun nu kayu.

Alubad. 92:14

Ay kanya grawvg tua gugat, dewa andanama wan, ay at ngay don melo tua gugat, kata ebi ginan.

Fangatulun 16:31

Mauseganan sik taw at kinfagtainan tua, aroro gfatoglag te, gugali tua gugat at matuyan.

Isayas 65:20

Ay sanya ban fag furuan at bagu kasalug ay at ngay sisian we kabul. Ay nusnga sinu ban at kinbul at banwa gina sadik sandan, kanya katap te, mabaguama yay, ay nusnga sinu at kinbul at yud nadasug sadik sandank banwa, tuyani anya te, ku nafaurianan.

Lebitiku 19:32

“Suyui tua at ngay mafagtainan, ay suyui yangay angku ay Dius. Au Yawi.

Markus 5:15

Ay kanya fagayu nu ndasug sas Isus, nalag aro taw at ke mauri fag ngay falad nu malunggung ay galanbungan ay e amatanganan wan. Ay at nananlag maksvn nu kalimu.

Lukas 8:35

Nu katanya, ngay taw nalo sanya, laman nanlag te, nataw at kinfasludan. Ay kanya fag ngay taw andasug sas Isus, ay nalag aro ke mauri fag ngay falad, malunggung sis Isus at daga salubangan ay galanbungan ay e amatanganan wan. Ay at nananlag maksvn nu kalimu.

Fakamulun 24:25

Ay Pablu gfataglayun wa gugat nu gfoyung sabaliwas fagmatuyanun ay nu gfaragang at sadili, ay sabaliwa takadasug ban fag menit Dius nu ginsaful fagayu taw at ngay asalanan, fun Feliks anlimu maksvn ay nalong sas Pablu te, “Sabv yap ro nu gfoyung o! Nu e buknga kyay ban, gdog kyay gfauro emu.”

Ruma 12:3

Aroro Dius nafon tua sa angku tiba tungud fag fagmasineun, glong au sa ayu fagayu te, lag am gamatangan te, gtungud tuam ay iba, nu dway matuyan, nu bunway amatangani fia ay kayaunanan at matuyan, kata ay fagafanudun Dius at nafon sas galay ayu at sadi.

1 Kurintu 15:34

Nu katanya, afolii sat masine fag amatanganan, ay ubuni wan ay asalanan. Am tiba wam natoglag Dius. Nafoyung au sa ayu takatanya laman gfapla au ayu.

1 Kurintu 9:25

At nanggudgunan maksvn nu gfananad ay nu gfaragang at sadili laman mafabul sik sangbo takarasras way. Ay dewa katanya, itam fag ngay tagafanud, tam fagnamulun fag sangbo at yud tua ban karasras kabavn.

2 Kurintu. 5:13

Ay nu nkata ami sik tagfansaful, kanya aroro sas Dius. Ay em amatanganan nu matuyan tua, kanya tagfae fagmasineun ban ayu.

Galasya 5:23

ay malukme, ay gfaragang at sadili. We suguan tagsalag takatanya fagayu.

Filipus 4:8

Ku ngay faduksay, sat fakatabuan, fabanwani si ay amatanganan at matuyan, ay at mauseganan, ay at yud e kalong, ay at masine, ay at maksvn nu maylat.

1 Tesalunika 5:6

Nu katanya, kabavn mafuloani ay mafalganani, ay fasinei ay amatanganan, dangay kata tibak taw tagtiug.

1 Tesalunika 5:8

Ay aroro siwa tam sad mayamag, masine nu mafalganan tua tam. Masine nu gsulun tam tam fagafanudun ay fagmafangesugun kata sik famalabag si tam dubdub. Ay masine yangay nu gsulun tam tam fagsegun fakalangfean, kata sik famalabag si tam alfuyu.

1 Timuteu 1:10

ay sa tagfanugtug, ay sa tagtugtug at usama, ay sa tagfangkamul taw, ay sa takamuag, ay sa tagfoyung at yud matuyan ay sa takamabo at matuyan fag foyungan.

1 Timuteu 1:14

Tam Fun nafon angku at maksvn fag fagmagalangun gasfuan fagafanudun ay fakesugun siginan tam Fun Isus.

1 Timuteu 1:2

Timuteu, ku fakesugun ku sisian sas fagafanudun: siwa nangus fia emu fagmasineun, ay fagmagalangun, ay fagmanabayanun siginans Dius tam Mama ay Isus tam Fun.

1 Timuteu 1:5

Ku foyungan at masuad te, laman kedkesugan tua tam siginan at masine fag amatanganan, ay siginan at matuyan fag fagafanudun.

1 Timuteu 3:11

Ay masine yangay at ngay mangena nu sik ngay fagsuyuun, ay nu ddi glong at yud masine sabaliwa at iba, nu bunway malukme tua ay mafatigwanan sas fagayu at fakamulun.

1 Timuteu 3:2

Katatuy at masine at ugali: di e kalong te, mauri, ay sadi way at mangena, ay saful tua gfaragang at sadili, ay di gfangadotama, ay masuyu tua, ay gfasakbo tua sat bale nusnga sinu fag taw, ay masine tua nu gfoyung,

1 Timuteu 3:4

ay masine tua nu gfagtainan at talnayan, ay at ngay sisian gfaning tua ay gsuyu anya.

1 Timuteu 3:8

Ay katatuy at masine ngay tagtanud at ugali: sik fagsuyuun tua, ay matuyan tua at aringang, ay di glanguan, ay di gfangalabian,

1 Timuteu 5:1

Nu garingang o sat mafagtainan fag ngay mangama, lag mafangagrasan, nu bunway fakamatoani fia masine kata nu am mama. Ay nu gfakamatoan o sik mabaguama, katai tua nu am faduksay fia.

Titu 1:13

Matuyan kafag taglong at longan. Nu katanya, faksvni nu gsalag o anya fagayu, laman gugali tua at masine gfaning at fagafanudun,

Titu 1:8

Nu bunway kanya gfasakbo tua sat bale nusnga sinu fag taw, ay kaylat tua at masine, ay malukme tua, ay matuyan sat ngay iba, ay galo fia Dius ay saful tua gfaragang at sadili.

Titu 2:7

Sas fagayu am fakamulun falagi te, sik fagfaningan o, ay fagayu am foyungan matuyani dangay kata nu alaman.

Filemun 1:9

Dewa katanya, aroro kesug au emu, gfalukmeanan au get sa emu. Au, Pablu, mafufuama kwan ay maubungan au aroro sa tam Fun Isus.

1 Pedru 1:13

Nu katanya, falganani ay ngay amatanganan. Am maksvni ay e fagseguni te, Dius gfon ban ayu at fagmagalangun, gina ban tam Fun Isus andasug.

1 Pedru 4:7

Fagayu nusnga setaw gakatabuun wan. Nu katanya, malukmei tua, ay kabavn famasinei ay amatanganan laman mafalganan tuam gdarangin.

1 Pedru 5:8

Mafuloani ay mafalganani aroro Satanas ay fawayan glo gsubang gugat kata sik liun, gligungan ay grvbvy at fagnangonun.

2 Pedru 1:6

Ay sas fagsafulun famuti fagfaragangun ay sadili, ay sas fagfaragangun ay sadili, famuti fagagwantanun, ay sas fagagwantanun, famuti fagfaningun sas Dius,