Titu 1:3 - Fanawbuid tagsibaliwas Fakayabian

³ Ay katsi wan Dius at nafalganan fag buknga nu gfasure at foyungan sabaliwa kafag leleg. Ay Dius tam Tagfalangfe nafatigwanan sa angku laman kamoyung au kafag foyungan.

Titu 1:3 ပူးပေါင်းရင်းမြစ်များ

Isayas 12:2

Dius, o wan ku tagfalangfe. Gafanud au sa emu ay kdi e fakalimuun. Yawi, o wan at nafon angku fagmabitsugun, ay galubad au sa emu, aroro nafalangfe tuo angku.”

Isayas 45:15

Dius, o wan Israel at Tagfalangfe, at matuyan wo kalag.

Isayas 45:21

Ngay fagsegan, kamatoani ay longi ay fagkamatoanun. Sinu at nafoyung ebi te, katanya ban at kumfasludan? O nunda bunwa au? Au Yawi, we tibak dius sas day angku, at Matuyan ay Tagfalangfe fag Dius.

Daniel 11:27

“Ay kanya ban fag duak fun kasadi, dewa katanya, gsud ban kamuag ay gamatangan mauri sat iba. Ay wa ban kataglayun at mesa algan aroro ya ndasug Dius at nafalganan fag buknga.

Daniel 8:23

“Ay gina ban kanya fag ngay fun gakatabuun nu gfunan, ay gina ban maksvn at fagmauriun, umke fun ban at madot ay at mauri.

Daniel 9:24

“Dius nafalganan ufatk sandan siamk safuluk banwa sam furuan at yud e malong ay sa sangay taw laman gfaragang nu kamabo Dius, ay laman gfalyam at ngay asalanan, ay laman kae fagmatuyanun kabavn, ay laman gfafasludan ngay taginfan ay ngay foyungan, ay laman gdog namatigwanan Dius at bale.

Abakuk 2:3

Riruki yap lang aroro ya ndasug at buknga nu kafasludan, dewa ban glugo yay, fanyai yap, aroro matuyan umfasludan ban.

Markus 1:15

Ay Isus nalong te, “Siginan katsi fag menit, munakbang wan Dius nu gfagtainan taw. Ubuni ay ngay asalanan ay afanudi sat Masine fag Barita.”

Markus 13:10

Ay nu gakafasludanun wan takatanya, famoyungi yap at Masine fag Barita sas fagayu talun.

Markus 16:15

Ay Isus nalong sat ngay tagadal te, “Loi wan sas fagdaul daga, ay namoyung am at Masine fag Barita sas fagayu taw.

Lukas 1:47

Ay ku falad guseganan sas Dius, ku Tagfalangfe.

Fakamulun 10:36

Ay nasaful wam sabaliwa at Masine fag Barita, Dius at nafoyung sa emi fag ngay taw Israel te, ngay taw umke fagmasadiun sas Dius siginan nu gafanud sas Isus, Dius at nafili fag Fun, kanya wan fagayu taw at Fun.

Fakamulun 17:26

Siginan sik taw, Dius nawat fagayu gaban taw laman nanrapyagan sas fagdaul daga, ay kanya wan at nafalganan sas galay at sadi at buknga ay at ngay taba at daga.

Ruma 15:19

Siginan at ngay madulo ay at mabalyanan fag ngay fakamulun tagsiginan at Masine fag Falad at fagmabalyananun, nafamoyung kwan at Masine fag Barita sabaliwa tam Fun Isus sas fagayu talun siginans Erusalem sitsigons talun Iliriku.

Ruma 16:25

Ay katsi segi tam Dius, tagfaksvn ay fagafanudun, gfaning ku foyungan ayu fag Masine fag Barita sabaliwas Isus tam Fun. Kanya fag Barita ngaduge wan nu masuksukan,

Ruma 16:26

dewa katanya, katsi ansure wan ay ansaful siginan Dius at ngay taglong at Rirukan, ay gfaning at yud e fakatabuan fag Dius at suguan, laman fagayu taw gafanud tua ay galo anya.

Ruma 5:6

Ebi gina tam mamomuy yay, tam Fun Isus anbul sit kasakan fag buknga laman sa sangay tagasalanan.

1 Kurintu 9:17

Ay nu guseganan ktua fia kamoyung at Masine fag Barita, e fagnamulun ktua ban. Ay at matuyan, gfakamulun au Dius at nafatigwanan sa angku fag fakamulun.

Galasya 4:4

Dewa katanya, gina andasug at nafalganan fag menit, Dius nasugu at baguama ste swa daga. Kanya ansalug siginan sik mangena, ay gugali gfaning Muisis at Faugali.

Efesu 1:10

nu ndasug ban at nafalganan fag buknga. Siginan ebi Dius e algan namasadi sa tam Fun Isus fagayu tagsis banwa ay tagsis daga.

Efesu 2:17

Tam Fun Isus andasug ay nafoyung at Masine fag Barita sabaliwas fagmanabayanun laman sas fagayu taw, sa ayu at yud Udyu fag ngay taw at ngayayu sis Dius, ay sas taw Udyu at munakbang si anya.

Filipus 1:13

Aroro fagayu tagulit ay tiba yak taw sis fun at bale daul nasaful te, ku faginkubungun galo au fia tam Fun Isus.

Kulusas 1:23

Katanya ban at kumfasludan nu gbanwan tuam matuyan ay nu gfaksvn tuam ay fagafanudun, ay nu ddi am gubun at Masine fag Barita at nafon sa ayu fag fagsegun. Katanya ay nadungug fag Masine fag Barita, at nafoyung wan sas fagayu taw. Au, Pablu, sik fagsuguan laman kamoyung takatanya.

Kulusas 1:6

at kindasug sa ayu. At Masine fag Barita karapyag sas fagdaul daga, ay ngayuk taw gafanud kata ayu, siginan nu bagu am gdungug ay gtogdungug Dius at kagalangan.

1 Tesalunika 2:4

Dius nafatigwanan sa emi laman gfoyung at Masine fag Barita. Ay em algan bundi sas taw em fagfausegananun, nu bunway sa tua tam Dius tagsaful tam amatanganan.

1 Timuteu 1:1

Au, Pablu, tam Fun Isus at nasugu, gfaning Dius tam tagfalangfe at suguan, ay tam Fun Isus tam fagsegun.

1 Timuteu 1:11

Kanya fag foyungan siginan at Masine fag Barita sabaliwa tam Dius at mabalyanan ay tam fagfausegananun. Dius nafatigwanan sa angku laman gfoyung au sabaliwa kafag Masine fag Barita.

1 Timuteu 2:3

Takatanya at masine ay tagfauseganan Dius tam tagfalangfe.

1 Timuteu 4:10

Siginan takatanya, gugatan tam aroro e fagsegun tua tam sa tagleleg fag Dius tagfalangfe fagayu taw, kaugat wan sa sangay tagafanud.

2 Timuteu 4:17

Dewa katanya, tam Fun naufud tua angku ay nafon angku fagmabitsugun laman mananfamoyung au at Masine fag Barita sas yud Udyu fag ngay taw. Tam Fun nafalangfe angku siginans fakabulun.

Titu 2:10

Ay foyungi yangay anya fagayu te, lag gfangkamul, nu bunway matuyani tua fagayu at fakamulun laman gfalag te, masine tua at foyungan sabaliwas Dius tam Tagfalangfe.

Titu 2:13

Katanya tam fakamulun kaduge tam gfanya tam fagsegun, nu kafoli tam tiba tungud tam Dius ay tam Tagfalangfe, tam Fun Isus at fagmasineun.

At Nafasure 14:16

Ay at malunggung sisad linyabu ggafas wan faggutluun sas fagdaul daga.