Titu 1:2 - Fanawbuid tagsibaliwas Fakayabian

² Tuy fag fagsafulun ay fag fagafanudun tagfon antam fagsegun te, e leleg ban tam at yud e fakatabuan. Kanya fag leleg Dius at nafatuyanan gina yay yud e fagdaul daga, ay kanya di kamuag.

Titu 1:2 ပူးပေါင်းရင်းမြစ်များ

Isayas 1:20

Dewa katanya, nu gfataglayun way ban am kamabo angku, matuyan kabul ban am. Umfasludan takatatuy, aroro au Yawi taglong tuy.”

Tap 23:19

Dius wa kata taw takamuag ay di gsalan sat amatanganan. O nunda kanya e nalong ay e nafatuyanan at yud anfasludan?

Mateu 25:34

“Ay arodi au, ay Fun, glong au sa tagsi ku siun te, ‘Ku Mama nafon ayu fagmasineun. Gewan, agbilugi at fagfagtainanan at nafalganan sa ayu siginan ebi fagdaul daga at fakasigadan.

Mateu 25:46

“Ay kafag ngay taw umdasug ban sas faurianan at yud e fakatabuan, ay at matuyan fag ngay taw umdasug tua ban sas leleg at yud e fakatabuan.”

Markus 10:17

Isus gina galoun, sik mangama masakit nu kakbang sa anya ay natudan sit daga salubangan, ay nainto anya te, “At matuyan fag Takamoyung, setain manga ku fakamulun, laman magbilug ktua leleg at yud e fakatabuan?”

Markus 10:30

kanya ban namul ayu yap tua at naubun: ngay bale, ngay faduksay, ngay mina, ngay sisian, ngay daga, anggan ngay faurianan, ay abandi ban kanya mul tua leleg at yud e fakatabuan.

Uan 10:28

Gfon au anya leleg at yud e fakatabuan, ay kanya ban kabavn di gafaurianan, ay nusnga sinu we maago anya siginan ku daluap.

Uan 17:2

Ay nafon wo sa angku fagmabalyananun sas fagayu taw, laman gfon au leleg at yud e fakatabuan sam nafon angku fag ngay taw.

Uan 17:24

“Mama, kaylat au am nafon angku fag ngay taw nu magamut ban si angku sa ku fagnangadasugan, laman ban kanya fagayu lumag am nafon angku fag fagmasineun, aroro kesug o angku siginan ngay nu yud e daga.

Uan 5:39

Gadal am Dius at Longan aroro sanya ginan gamatangan am te, siginan takatanya magbilug am leleg at yud e fakatabuan kabavn. Ay kanya fag ngay Longan tagfatuyan sabaliwa angku.

Uan 6:54

Ay nusnga sinu ban takon ku bilug ay taginum ku taguk e leleg tua ban at yud e fakatabuan, ay gdog kyay ban gfaleleg anya sa taguyan fag menit.

Uan 6:68

Ay Simun Pedru gbalus te, “Em Fun, dada ban em fagnangakbangan? Ay si wa emu ngay longan tagfon leleg yud e fakatabuan.

Fakamulun 15:18

Ay nu gfoyung kafag longan siginan wa ebi.’

Ruma 1:2

At Masine fag Barita kanya wan Dius at nafatuyanan siginan ngay ebi at nafoyung sat ngay taglong ay at kinriruk sit Longan.

Ruma 16:25

Ay katsi segi tam Dius, tagfaksvn ay fagafanudun, gfaning ku foyungan ayu fag Masine fag Barita sabaliwas Isus tam Fun. Kanya fag Barita ngaduge wan nu masuksukan,

Ruma 2:7

Ay Dius ban gfon leleg at yud e fakatabuan, sa sangay taw tagfakamulun tua gugat at masine, laman grvbvy fagmasineun, ay famauseganan, ay fagyudun kabul.

Ruma 5:2

Aroro siginan anya nabul watam tuy fag fanggalangun ay guseganan tam aroro e fagsegun tua tam te, namaudgufudan ban tam Dius sat fagmasineun.

Ruma 5:21

Nu katanya, asalanan gfunan sas fagayu taw ay nafadasug sas fakabulun. Ay siginan Dius at fagmagalangun, kanya gtap fagayu taw kata nu yud e asalanan ay gfadasug sas leleg at yud e fakatabuan siginan tam Fun Isus.

Ruma 5:4

ay nu gagwanta tua tam, kaksvn tam, ay nu nkaksvn tua tam, e fagsegun tam.

Ruma 6:23

Aroro asalanan at famayad, fakabulun, ay dewa katanya, Dius at famonun leleg tua at yud e fakatabuan siginans Isus tam Fun.

Kulusas 1:27

Dius kaylat gfasaful sa anya fagayu sabaliwa at algan at maksvn nu madulo, ay kaylat yangay gfasaful sa ayu, yud Udyu fag ngay taw. At masuad, siwa ayu tam Fun Isus, ay siginan anya nabul am ay fagsegun gfaudgufudan anya sat fagmasineun.

1 Tesalunika 2:15

Kafag ngay taw yangay at nafabul tam Fun Isus ay Dius at ngay taglong ebi, ay kanya yangay fagayu at naiyan emi. Dius wa guseganan kafag ngay taw, ay kanya fagayu gfawayan fagayu taw.

1 Tesalunika 5:8

Ay aroro siwa tam sad mayamag, masine nu mafalganan tua tam. Masine nu gsulun tam tam fagafanudun ay fagmafangesugun kata sik famalabag si tam dubdub. Ay masine yangay nu gsulun tam tam fagsegun fakalangfean, kata sik famalabag si tam alfuyu.

1 Timuteu 6:12

Fabadbaboani sabaliwa am fagafanudun. Ay bakvdi leleg at yud e fakatabuan. Kanya wan Dius at fagnauroun emu gina o maseganama gfoyung sa sangay taw sabaliwa am fagafanudun.

1 Timuteu 6:19

Nu katanya tua at fakamulun, kanya gfaful at yud katabu fag ramraman at mogat fag fagsarigan sa takadasug ban, laman ban kanya magbilug at matuyan fag leleg.

2 Timuteu 1:1

Au, Pablu, tam Fun Isus at nasugu, kata Dius at fakaylatun, laman namoyung au sabaliwa at nafatuyanan sa antam fag leleg, tam fagnamulun nu masadi tua tam sa tam Fun Isus.

2 Timuteu 1:9

Kanya nafalangfe ay nauro antam laman di tam e malong, bunwa siginan tam ngay fakamulun nu bunway siginan tuas Dius at algan ay at fagmagalangun sa antam, at nafon sa antam sa tam fagmasadiun sa tam Fun Isus, siginan ngay nu yud ankawat fagdaul daga.

2 Timuteu 2:10

Ay nu katanya, gagwantan au fagayu nusnge wain laman sas Dius at nafili fag ngay taw, laman siginan tam Fun Isus kanya fagayu umlangfe ay mul at yud e fakatabuan fag fagmasineun.

2 Timuteu 2:13

Itam deyud tam matuyan, kanya matuyan tua kabavn, aroro kanya wa mafamuag sabaliwa at sadili.

2 Timuteu 2:15

Ugatani fia fauseganani Dius ay lag o kapla kamoyung. Fafoyunguni tua fia at matuyan.

Titu 2:13

Katanya tam fakamulun kaduge tam gfanya tam fagsegun, nu kafoli tam tiba tungud tam Dius ay tam Tagfalangfe, tam Fun Isus at fagmasineun.

Titu 2:7

Sas fagayu am fakamulun falagi te, sik fagfaningan o, ay fagayu am foyungan matuyani dangay kata nu alaman.

Titu 3:7

laman siginan Dius at fagmagalangun kanya gtap antam kata nu yud tam e asalanan, laman magbilug tam tam fagsegun fag leleg at yud e fakatabuan.

1 Uan 2:25

Nu katanya, mul tua ban am at fatuyanan fag leleg at yud e fakatabuan.

1 Uan 5:20

Ay nasaful yangay tam te, Dius at Baguama andasug ay nafon sa antam fagsafulun, laman sumaful tam at Matuyan. Ay katsi gbanwan tua tam sit Matuyan aroro gbanwan tua tam sit Baguama Isus tam Fun, aroro sia wan at matuyan fag Dius ay leleg at yud e fakatabuan.

Udas 1:21

Kabavn banwani sis Dius at fakesugun kaduge am gfanya tam Fun Isus at fakafanyun tagfosuk ayu sat yud e fakatabuan fag leleg.

At Nafasure 13:8

Ay fagayu taw ste sfagdaul daga gseg ban anya. Ay siginan ngay fagdaul daga nu kafasigad, kanya fagayu at ngayan wa marirukan sis fafil fagrirukan at ngay ke leleg ban, kanya fag fafil, at kinbul fag Tupa Riangan at fagbakvdun.

At Nafasure 17:8

Am nalag ebi fag tagfangagat fag mela tagleleg, katsi anbul wan, dewa katanya, kanya ban gdog yay gleleg ay kasure ban siginan tangabasad fag lusung, ay kadasug way ban vtv sat maksvn fag faurianan. Ngay taw ban at yud anriruk at ngay ngayan sis fafil fagrirukan at ngay ke leleg ban, kanya ban fagayu lumag kafag mela daul. Siginan nu kawat fagdaul daga kafag ngay taw at ngay ngayan wa nriruk sanya fag fafil tagleleg. Ay kanya ban fagayu nu nalag kafag mela umdulo maksvn, aroro ebi gleleg ay anbul, dewa katanya nadog yay naleleg.

1 Samwel 15:29

Israel at Dius di kata sik taw takamuag ay at amatanganan di gbadbalian.”