Titu 1:1 - Fanawbuid tagsibaliwas Fakayabian

¹ Au, Pablu, Dius at fagsuguan, ay tam Fun Isus at nasugu. Nasugu angku laman gfaksvn au Dius at nafili fag ngay taw at fagafanudun, ay gfasaful sa anya fagayu at fagmatuyanun sabaliwa nu gugali tua gfaning Dius.

Titu 1:1 ပူးပေါင်းရင်းမြစ်များ

1 Krunika 6:49

Dewa katanya, Arun at gaban tagirug ngay fagirugun fag ngay fanggalangun, ay tagirug ngay famaebebanglu fag lune. Ay kanya yangay fagayu tagfakamulun tibak ngay fakamulun sit Mafasamanan Fia fag Suluk. Kanya fagayu gfon ngay fanggalangun laman famalyam ngay taw Israel at asalanan. Ay kanya fagayu gfakamulun kata Dius at suguan sat fagsuguan Muisis.

Lukas 18:7

Anggan tam Dius ggubuk at filian fag taw nu guro sa anya fagngabak menit ay fagngabak yabi, o kin? O Dius gfadugean nu ggubuk?

Fakamulun 13:48

Ay at yud Udyu fag ngay taw nu nadungug Dius at longan, kanya fagayu guseganan ay gseg Dius. Ay Dius at nafalganan fag ngay taw laman sas leleg at yud e fakatabuan, gafanud tua.

Ruma 1:1

Au, Pablu, tam Fun Isus at fagsuguan, ay at nafili laman sik nasugu ay at nafasaman laman nanfamoyung Dius at Masine fag Barita.

2 Kurintu. 1:1

Au Pablu, tam Fun Isus at nasugu kata Dius at fakaylatun. Ay tam faduksay Timuteu magamut si angku. Griruk ami sa ayu, Dius at ngay taw sis Kurintu, ay at nafili fag ngay taw sis talun Akaya.

Efesu 2:8

Siginan Dius at fagmagalangun anlangfe am aroro gafanud tuam. Ay kafag fakalangfean bunwa siginan ayu, nu bunway siginan tuas Dius at famonun,

Filipus 1:1

Ami fagdua, Pablu ay Timuteu, tam Fun Isus at ngay fagsuguan. Griruk ami sa ayu Dius at nafili fag ngay taw siginan nu nsadi am sa tam Fun Isus, sanya sfuruan Filipus, anggan sa ay ngay fagtainan ay sa ay ngay tagtanud:

Kulusas 2:2

Katanya ku fakamulun laman umkaksvn at ngay amatanganan, ay umsadi sas fakesugun, ay laman kanya fagayu tumogdungug ay sumaful fia sabaliwa Dius at algan at masuksukan, we tiba nu bunway tam Fun Isus.

1 Timuteu 2:4

Dius at fakaylatun fagayu taw umlangfe ay tumoglag at matuyan.

1 Timuteu 3:16

Mayamag te, e nafasure at madulo sabaliwa tam fagafanudun: Kanya nsure, ay ansik taw fia. At Masine fag Falad nafatuyan sabaliwa anya, ay ngay tagbarita nalag anya. Sas fagayu talun e nafamoyung wan sabaliwa anya, ay ngayu tagafanud sa anya sas fagdaul daga, ay Dius nafabat anya sat fagmasineun.

1 Timuteu 6:3

Ay nusnga sinu fag taw tagfoyung tibak foyungan, at yud gfaning tam Fun Isus at longan ay at foyungan sabaliwa nu gfaning Dius,

2 Timuteu 2:10

Ay nu katanya, gagwantan au fagayu nusnge wain laman sas Dius at nafili fag ngay taw, laman siginan tam Fun Isus kanya fagayu umlangfe ay mul at yud e fakatabuan fag fagmasineun.

2 Timuteu 2:23

Saruyi at yud e tungkul fag ngay badbaboan, aroro takatanya gfae fagawayanun way ayu.

2 Timuteu 2:25

Ay masine kanya famafanyuani tua nu gfakamatoan tagfabadbaboan anya, bangaran ban takatanya fag balyawvtan Dius gfon yay sanya fag ngay taw sik buknga laman gubun at ngay asalanan, ay sumaful yay at matuyan.

Santiagu 1:1

Au, Santiagu, Dius ay tam Fun Isus at fagsuguan. Gfadasug au ku longan sas taw Israel at kasugfunanan fag labi dua at nasaruayan sas fagdaul daga.

2 Pedru 1:3

Dius at fagmabalyananun tagfon antam tam fagayudanun fagayu laman gugali tua tam gfaning anya, siginan tam natoglagan anya at nauro antam aroro siginan at fagmabalyananun ay at fagmasineun.

2 Pedru 3:11

Nu katanya way ban at fakatabuan nusnge wain, masine nu gugali tuam at yud e malong, ay nu gfaning tuam Dius.

1 Uan 2:23

Nusnga sinu at yud gtoglag at Baguama, at Mama wa si anya. Ay nusnga sinu tagtoglag tua at Baguama, at Mama gbanwan tua si anya.

At Nafasure 1:1

Katatuy Dius at foyungan sa tam Fun Isus, ay nasugu at tagbarita laman gfoyung yangay sat fagsuguan Uan. Katatuy fag foyungan at algan laman namasaful sas Dius at ngay fagsuguan sabaliwa tagakafasludanun wan.