Tap 9:8 - Fanawbuid tagsibaliwas Fakayabian

⁸ Muisis nabalus anya fagayu te, “Fanyai yap Yawi nu gfoyung sa angku ku fakamulun laman sa ayu.”

Tap 9:8 ပူးပေါင်းရင်းမြစ်များ

2 Krunika 20:17

Wa ban am gfawayan ya. Falganani ay maksvni, ay lumag ban am Yawi nu gfalangfe ayu. Nu katanya, am fag ngay taw Uda ay taw Erusalem, lag am kalimu ay kamomuy. Balabag ban namablang am kanya fag ngay tagfawayan ay Yawi ban gufud ayu.’ ”

Alubad. 25:14

Yawi, kabavn munakbang tuo sa sangay taw tagsuyu emu, ay gfamatang o gugat sanya fagayu am nasadian.

Alubad. 85:8

Nandungugan au Dius at longan. Kanya namatuyanan fagmanabayanun sa antam at nafili ay at matuyan fag ngay taw. Nu katanya, lag ban tam kafoli ya sa tam fagyudun mamatanganan.

Nu Galin 14:13

Ay Muisis nabalus ngay taw te, “Lag am kalimu. Faksvni ay amatanganan ay lumag ro am Yawi nu gfalangfe ayu katsi fag menit. Ay wa ro am lumag ya ay nalag katsi fag ngay taw Igiptu.

Nu Galin 18:15

Ay Muisis gbalus anya te, “Gfakamulun au takatatuy aroro ngay taw kakbang sa angku laman gyasafulun nu setain Dius at fakaylatun.

Esekyel 2:7

Kanya fagayu gdungugan man ay duan, namadungug o fia ku nalong emu.

Esekyel 3:17

“Taw at baguama, nafili au emu laman tagulit ngay taw tagbanwan sis talun Israel. Nu katanya, nusnga setaw am nadungug siginan angku fag ngay famararang, nanlong o fia sa anya fagayu.

Lebitiku 24:12

ay naubung yakmay nainsaful sas Yawi te tain ro at fakamulun sanya fag taw.

Tap 15:34

Ay naubung anya, aroro kanya fagayu wa nasaful te, setain ro at fakamulun sa anya.

Tap 27:5

Nu katanya, Muisis nalong sas Yawi kafag ngay baguina at fagetun.

Tap 9:7

ay kanya fagayu glong te, “Nated ami at kinbul ay ansik masuya ami, dewa katanya, wain am fagyudun kaylat nu nangaful ami, laman namon ami em fanggalangun sas Yawi kata em iba fag ngay taw Israel sit mafalganan fag buknga?”

Tap 9:9

Yawi nalong sas Muisis te,

Uan 17:8

aroro nafoyung kwa sanya fag ngay taw am nafon angku fag ngay longan, ay kanya nafaning tua. Ay kanya antuyan wa te, siginan au emu, ay gafanud yangay te, o wan at nasugu angku.

Uan 7:17

Nusnga sinu takaylat gfaning Dius at fakaylatun, sumaful te, ku foyungan siginans Dius ay mannga siginan way ku sadili.

Fakamulun 20:27

aroro kwa nadgaragun gfoyung sa ayu Dius at ngay algan.

1 Kurintu 11:23

Gfoyung au sa ayu ku nadungug siginan tam Fun te, tam Fun Isus nabul sik tinapay gina fag yabi nu e namoyung anya sat mauri fag ngay taw.

1 Kurintu 4:4

Ay kin, matuyan tua ku amatanganan. Dewa katanya bunwa te, kwe asalanan. Tam Fun wan tagsaful sabaliwa angku.