Tap 5:9 - Fanawbuid tagsibaliwas Fakayabian

⁹ Ngay taw Israel at fanggalangun fagayu at yud e malong, kanya wan ngay tagfon fanggalangun at fagagbilugun.

Tap 5:9 ပူးပေါင်းရင်းမြစ်များ

Nu Galin 29:28

Katatuy ban gugat ngay taw Israel nu gfon sas Arun talamean. Kanya siginans taw Israel at ngay fanggalangun sik afud laman sas nasadian sa angku.

Lebitiku 10:13

Nangon am kafag fanggalangun fag tinapay sis Yawi at bale at basad alad, aroro kanya ay afud siginan sangay fagirugun fag fanggalangun. Katanya Yawi at suguan angku.

Lebitiku 10:14

Ay masine way am kon gasfuan ay ngay talnayan, at nafabat fag fanggalangun at dubdub ay at balangbang laman sas Yawi, sit nafili fag buknga. Kanya wan ay afud siginan sangay taw Israel at ngay fanggalangun laman sas fagmanabayanun.

Lebitiku 10:15

Sik taw Israel nu gfon way at fanggalangun, masine nu gfon at fanggalangun fag fagbaugun at dubdub ay at balangbang gasfuan at ngay taba laman sik fagirugun fag fanggalangun. Fabati sis Yawi at daga salubangan kafag fanggalangun at dubdub ay at balangbang. Kanya wan ay ekwan ay anggan sa ay ngay kasugfunanan kabavn ban, kata Yawi at suguan.”

Lebitiku 6:26

Nusnga sinu fag tagfon fanggalangun at nangirug kafag fanggalangun, masine nu kon yangay ay nu nangon sis Yawi at bale at basad alad.

Lebitiku 7:32

Ay kafag fanggalangun at siun fag balangbang foni sa tagfon fanggalangun at nairug kafag fanggalangun at taguk ay at taba.

Lebitiku 7:34

Aroro kanya fag fanggalangun at dubdub, Yawi at fon sas Arun ay sat kasugfunanan. Kanya at mafalganan fag afud laman sa anya fagayu siginan ay fanggalangun kabavn ban.

Tap 18:19

Gfon au sa ayu ngay taw Israel at nafabat fag ngay fanggalangun laman sa angku. Kanya wan am ay am ngay kaiban at ngay afud kabavn ban. Katatuy ku nasadian sa emu ay sam ngay kaiban, ay di ginbalian kabavn ban.”

Tap 31:41

Muisis nafon sas tagfon fanggalangun Elyasar at afud laman sas Yawi kata Yawi at suguan sa anya.

Tap 5:8

Dewa katanya, at nafauri fag taw nu nbul wan ay nu dway e kalongan ya laman tagbul at famayad, kanya fag famayad foni sas Yawi ay fatigwanani sa sangay tagfon fanggalangun gasfuan sik tupa laman sik fanggalangun famalyam kafag taw at asalanan.

Deuterunumyu 12:26

Namuba ban am sas Yawi at nafili fag buknga nusnga setaw ay ngay fanggalangun sa anya, ay anggan ay nafatuyanan sa anya fag fanggalangun.