Tap 26:53 - Fanawbuid tagsibaliwas Fakayabian

⁵³ “Afudi kafag talun sas galay kasugfunanan laman at fagagbilugun, ay at kadaulan faaloi galay sik kasugfunanan at kayuan.

Tap 26:53 ပူးပေါင်းရင်းမြစ်များ

Fakasigadan 12:2

Ay namayu kban am kasugfunanan, ay gfadante au emu, ay namasik takadungug au am ngayan. Ay siginan emu gfadante kban ngayuk taw.

Fakasigadan 12:7

Sanya ginan, Yawi ansure sas Abram ay nalong anya te, “Gfon kban sam ngay kasugfunanan ste fag talun.” Ay Abram nawat sik fagirugan fanggalangun laman sas Yawi aroro sat nasurean sa anya.

1 Krunika 16:18

Kanya nalong sas galay at sadi te, “Gfon kban sa ayu ay sa ay ngay kasugfunanan talun Kanaan. Kanya ban fag talun ku fagnamagbilugun sa ayu.”

Alubad. 105:44

Ay kanya nafon sa anya tibak gaban taw at talun. Nu katanya, Israel nagbilug tibak taw at nainlufuyan.

Alubad. 49:14

Kanya fagayu at fagnangadasugan sa ways fagfolian. Ay fakabulun wan tagtabanan anya fagayu sanya sfagfolian, kata sik tagalaga tupa nu gfangguna. Ay umdasug ban sik balabag, at matuyan fag ngay taw gfangguna kafag ngay taw. Kanya fagayu wa si ya at ngay mesa bale, abat ngate, at ngay bilug kadan wan sis fagfolian.

Esekyel 47:22

Am ban ay anggan tagsiginan tibak talun tagbanwan si ayu at kinke sisian at nangagbilug tuy fag daga. Tuyani anya fagayu te, ngay taw Israel, ay foni ban sik afud daga siginan sangay taw Israel at daga.

Daniel 7:27

Sanya ginan, Tiba Tungud fag Dius namon sat ngay taw at yud e malong fag fagmabalyananun laman gfunan sas fagayu fagfagtainanan sas fagdaul daga. Ay at fagfagtainanan ban we fakatabuan, ay fagayu ban tagfangguna gseg ay gfaning anya.

Tap 26:52

Nu ntabu wan, Yawi nalong sas Muisis te,

Tap 26:54

Sik kasugfunanan nu ngayu, at daga falabi yapi tua sat yud ngayu fag kasugfunanan.

Tap 33:54

Afudi kafag talun siginan nu gfafidfilian kata ay ngay gaban at kayuan. Ay fabiai ay fon sa tangayu fag gaban, dewa katanya, sat yud ngayu fag gaban, foni talay fag afud. Ay nusnga setaw at nabul siginan nu gfafidfilian, kanya wan at afud. Nu katanya, namae afud am kafag talun sa ay ngay kasugfunanan.

Mateu 5:5

Mauseganan ngay takamababaun tua, aroro kanya gbul ban Dius at nafatuyanan.

Uswe 1:6

Maksvni tua ay maseganamai, aroro o wan at nanfunan ngay taw, laman ban kanya fagayu magbilug ku nafatuyanan sat ngay mangaguyang fag talun.

Uswe 11:23

Nu katanya, Uswe nagbilug fagdaul talun kata Yawi at suguan sas Muisis. Yawi nafon kanya fag talun sa sangay taw Israel laman at fagagbilugun, ay kanya fagayu nafae afud sas galay kasugfunanan. Ay anragang wan nu gawayan sas fagdaul talun.

Uswe 14:1

Katatuy nu gafud Kanaan fag talun sa sangay taw Israel. At nafud, Elyasar fag tagfon fanggalangun, ay Uswe, Nun at baguama, ay taw Israel at ngay tagfangguna.

At Nafasure 21:27

Ay waban e gsakbo ya sanya nusnge wain at masuya, ay nusnga sinu fag taw tagfakamulun at maksvn nu mapla, ay fagayu takamuag. Tagsakbo ban sanya kayu way lang ban at ke ngayan at marirukan sis Tupa Riangan at fafil fagrirukan at ngay ke leleg ban.

At Nafasure 5:10

Nafili o anya fagayu laman sik ngay fagtainan ay sik ngay tagfon fanggalangun laman gfaning tam Dius. Ay kafag ngay taw gfunan sas fagdaul daga.”