Tap 20:2 - Fanawbuid tagsibaliwas Fakayabian

² We mamam sanya, nu katanya, ngay taw nanangakbang sas Muisis ay Arun.

Tap 20:2 ပူးပေါင်းရင်းမြစ်များ

Alubad. 106:32

Ngay taw Israel gina sis bulbug Meriba nafauri Yawi, nu katanya, sik fagmauriun andasug sas Muisis aroro siginan kafag ngay taw.

Nu Galin 16:12

“Nadungug au ngay taw Israel nu kamayud. Ay longi sa anya fagayu te, ‘Galay ban yabi kon am yamas ay galay ban balabag kon am ay umkapsug am tinapay. Ay sumaful am te, au wan ay Dius Yawi.’ ”

Nu Galin 16:2

Ay gina ngay taw Israel sis talun yud e taw, kanya fagayu nafayud Muisis ay Arun,

Nu Galin 16:7

ay balabag ban sbalabag, lumag am Yawi at fagmabalyananun aroro nadungug nu kamayud am. Wain ay fagfayudun emi, ay wami e nafakamulun?”

Tap 14:2

Kanya fagayu gfayud Muisis ay Arun, ay nalong sas duksay te, “Amasine yap nu kabul tam sis talun Igiptu ay mannga stie fag talun at yud e taw.

Tap 14:9

Lag am kamabo Yawi. Ay lag am kalimu kanya fag ngay taw aroro gbabo waban tam fia. We ggubuk anya fagayu, dewa katanya, Yawi ggubuk tua antam. Nu katanya, lag am kalimu kanya fag ngay taw.”

Tap 16:19

Ay Kura nu namaful wan fagdaul taw Israel at ngay talananan sas Muisis ay Arun at daga salubangan sis Yawi at sakbawan bale, fagdaul taw Israel at ngay talananan nalag Yawi at kamasinean.

Tap 16:3

Kanya fagayu nalao sas Muisis ay Arun ay nalong te, “Maksvn nu maidap ay nafakamulun sa emi! Fagayu taw Israel yud we malong ay Yawi at kamasinean si kafag ngay taw, ay wain ay fagnafabatun ay sadili te, gtungud tuam am emi?”

Tap 16:42

Ay gina ngay taw masadi gfayud Muisis ay Arun, kanya fagayu nabanawan sas Yawi at bale ay nalag linyabu nu gsifig masakit ay Yawi nafalag at kamasuloan.

Tap 21:5

nu katanya, kanya fagayu nafayud Dius ay Muisis. Ay nalong te, “Wain am fagnafaduksunun emi siginans talun Igiptu, laman umbul waymi ste sis talun at yud e taw at yud e mamam ay at yud e fakonun! Wami kaylat ya kon tuy fag mana.”