Tap 18:3 - Fanawbuid tagsibaliwas Fakayabian

³ Am wan tagfangguna anya fagayu gina gfakamulun, ay kanya fagayu tagfakamulun fagayu fakamulun. Dewa katanya, kanya fagayu wa masine gted ngay fagagbilugun at yud e malong tagsis bale ay sis fagirugan, aroro kanya fagayu nu nated way, umbul, ay umbul yangay am.

Tap 18:3 ပူးပေါင်းရင်းမြစ်များ

Esekyel 44:13

Siginan ban katsi, kwa kaylat ya kanya fag ngay tagfon fanggalangun nu gfakamulun sa angku. Ay wa ban mananted ya ku ngay fagagbilugun nusnge wain, ay wa ban mananakbo ya sat Mafasamanan Fia fag Suluk. Kafag ngay taw umke fakaplaun maksvn aroro sat nafakamulun mauri.

Tap 1:51

Ngay taw Lebi yangay tagbuba gina gfalin bale ramit. Ay kanya yangay fagayu takawat. Ay nusnga sinu at nananggubuk nu dway sik taw Lebi, fabuli wan.

Tap 1:53

Dewa katanya, ngay taw Lebi maful sis ligung bale ramit nu inda nu mafasakboan ku faugali, laman kdi kadotama ngay taw Israel. Ay ngay taw Lebi tagalaga bale ramit.”

Tap 18:4

Kanya ban fagayu ggubuk emu, ay tagalaga ku bale gina gfakamulun fagayu at fakamulun. Ay we masine ggubuk ayu fag talamean, bunway Lebi at kasugfunanan.

Tap 18:7

Dewa katanya, am way lang fag talamean tagfakamulun laman sik ngay tagfon fanggalangun. O way lang tagfakamulun ngay fakamulun sas fagirugan ay sat Mafasamanan Fia fag Suluk. Ay fakamulun wan ku fon ayu. Fabuli nusnga sinu tagfakamulun takatanya nu bunway sik tagfon fanggalangun.”

Tap 3:25

Nafatigwanan wan sa anya fagayu ngay fakamulun laman galaga Yawi at bale at ngay fagagbilugun: ngay fanuklub, ngay ramit faningding at sakbawan,

Tap 3:31

Kanya fagayu tagalaga Fagsuadan Nasadian, fagfatungkudan tinapay, fagfatungkudan salung, fagirugan, ngay tagfon fanggalangun at ngay fagagbilugun gina gfakamulun ay anggan famalabag fag ramit. Kanya yangay fagayu at ke fakamulun sa kafag ngay fagagbilugun.

Tap 3:36

Kanya fagayu at ke fanambagun tagalaga ngay fagaloan nu kawat bale ramit, ngay famakvd, ngay turuk ay ngay fagfatungkudan. Ay kanya yangay fagayu at ke fakamulun sa kafag ngay fagagbilugun.

Tap 31:30

Siginan sangay taw Israel at afud, fasamani sik afud galay sik limak safuluk natabanan: taw ay mannga baka, asnu, tupa, kambing ay tiba yak fagbaugun. Foni tuy fagayu sa sangay taw Lebi, kanya wan tagalaga ngay fagagbilugun sas Yawi at bale ramit.”

Tap 4:15

“Ay Arun talamean nu ntabu gsuklub bale ramit ay fagayu at ngay fagagbilugun, Kuat at ngay kasugfunanan tagbuba tuy fagayu gina glo siginan at fagtungkudan. Dewa katanya, kanya fagayu wa masine gted kafag ngay fagagbilugun at yud e malong laman di kabul. Kanya wan fag ngay fagagbilugun tagsis Yawi at bale, Kuat at ngay kasugfunanan at fagnamubaun ban.