Tap 18:2 - Fanawbuid tagsibaliwas Fakayabian

² Ay nu gfakamulun am sis Fagsuadan Nasadian fag Bale, fagubuki yangay am ngay kaiban siginans Lebi at kasugfunanan.

Tap 18:2 ပူးပေါင်းရင်းမြစ်များ

Fakasigadan 29:34

Ay Lia gdog yay fia gfafion ay nafasalug sik munama. Ay kanya nalong te, “Katsi ku indugan kesug wan angku aroro tulu wan em munama.” Ay kanya nafangayan kafag ngenge te, Lebi.

2 Krunika 30:16

Sanya ginan, kanya fagayu nasat mesa fakamulun sis Yawi at bale, kata at marirukan fag Faugali Dius at nafon sat fagsuguan Muisis. Ngay tagfon fanggalangun nafaramsig sas fagirugan fanggalangun ngay taw Lebi at nafon sa anya fagayu fag taguk.

Esekyel 44:11

Kanya ban fag ngay taw manamakamulun sa angku laman galaga ku bale at ngay sakbawan ay gfilas fagnangirugun fag ngay fanggalangun ay tiba yak fanggalangun laman sa sangay taw. Masine yangay kanya fagayu nu gfakamulun si ku bale laman sa sangay taw.

Esekyel 44:15

“ ‘Dewa katanya, e ngay tagfon fanggalangun yay fag ngay taw Lebi tagsiginans Saduk at kasugfunanan tagfataglayun tua gfakamulun at matuyan si ku bale, gina ngay taw Israel nafamabo angku. Kanya fag ngay tagfon fanggalangun at masine gfataglayun gfakamulun sa angku laman at namon sa angku ngay fanggalangun fag taba ay taguk. Au, Fun Dius Yawi taglong tuy.

Malakyas 2:4

Nu katanya, sumaful am te, nafararang kwan sa ayu takatanya laman gfataglayun au ku nasadian sa ay mangaguyang fag ngay taw Lebi.

Tap 1:53

Dewa katanya, ngay taw Lebi maful sis ligung bale ramit nu inda nu mafasakboan ku faugali, laman kdi kadotama ngay taw Israel. Ay ngay taw Lebi tagalaga bale ramit.”

Tap 17:7

Muisis nafoli fagayu at ngay tulag sis Yawi at daga salubangan sanya sas Fagsuadan Nasadian at bale.

Tap 18:4

Kanya ban fagayu ggubuk emu, ay tagalaga ku bale gina gfakamulun fagayu at fakamulun. Ay we masine ggubuk ayu fag talamean, bunway Lebi at kasugfunanan.

Tap 3:5

Yawi nalong sas Muisis te,

Tap 4:15

“Ay Arun talamean nu ntabu gsuklub bale ramit ay fagayu at ngay fagagbilugun, Kuat at ngay kasugfunanan tagbuba tuy fagayu gina glo siginan at fagtungkudan. Dewa katanya, kanya fagayu wa masine gted kafag ngay fagagbilugun at yud e malong laman di kabul. Kanya wan fag ngay fagagbilugun tagsis Yawi at bale, Kuat at ngay kasugfunanan at fagnamubaun ban.

Tap 8:19

Sas fagayu taw Israel, nafili au Lebi at ngay kasugfunanan laman taggubuk Arun talamean. Kanya fagayu gfakamulun si ku bale laman gfalyam ngay taw Israel at ngay asalanan, laman di e kadasug sa anya fagayu ngay malimu, dewa nanangakbang sa ku bale.”

Tap 8:22

Sanya ginan, Lebi at ngay kasugfunanan gfakamulun wan sis Yawi at bale gina Arun talamean at tagfon fanggalangun. Ay kanya fagayu nafakamulun takatanya kata Yawi at suguan sas Muisis.

Ebreu 9:6

Kata kanya nu mafasinean ngay fagagbilugun sis Fagnansegan fag Bale. Ay ngay tagfon fanggalangun gsakbo gugat sa taguna fag suluk laman gfafasludan at fakamulun.