Tap 15:4 - Fanawbuid tagsibaliwas Fakayabian

^4-5 Nusnga sinu tagfon sik riangan tupa laman at fanggalangun fagirugun sa angku, masine yangay anya nu gfon duak fabudbungguan fangawat tinapay nafae suglat langis laman sik fanggalangun nu gfauseganan angku. Famuti yangay sik baringan fanginum fag fanggalangun.

Tap 15:4 ပူးပေါင်းရင်းမြစ်များ

Esra 7:17

Tuyani fia te, kanya fag ngay salapi kanya wan ay famul ngay baka tama, tama tupa ay tama tupa riangan, ngay rawvg, ay ngay fanlangu laman ay fanggalangun sa ay Dius at bale sis Erusalem.

Nu Galin 29:40

Ay gina o namon sbalabag, foni yangay at masine fag fangawat tinapay, at kayuan duak fabudbungguan. Ay fae suglati sik baringan langis at naturis siginans ulibu at rawvg. Ay foni yangay sik fagsuadan fanlangu sik fanginum fag fanggalangun.

Isayas 66:20

Ay kanya ban fagayu gina guli siginan sangay talun gtaban ban ay ngay kalongan. Kanya ban fagayu gsakay sit ngay kabayu, sit ngay mola, sit ngay kamelyu, ay sit ngay faguyudan. Ay gtaban ban sa ku nafili fag buksul at yud e malong tagsis Erusalem laman sik fanggalangun sa angku, kata ebi ngay taw Israel nu gfon at ngay fanggalangun si ku bale, fanggalangun fag ngay fakonun masuadan sit masine fag fagsuadan.

Esekyel 46:14

Fasfuani foni ay fanggalangun tuluk fabudbungguan fangawat tinapay, ay sik wabilug baringan ulibu at langis famasuglat sas fangawat tinapay. Kabavn ban foni sa angku takatanya fag fanggalangun.

Lebitiku 1:13

Sanya ginan, kanya masine nu gfegus kafag fanggalangun at funa ay at ngay bitis, ay arodi gfon sa sangay tagfon fanggalangun laman sik fagirugun fag fanggalangun. Ay kafag ngay fanggalangun at ayuk at mabebanglu sik famauseganan Yawi.

Lebitiku 14:10

Sis fawaluk menit, masine kanya nu gbuba duak tama tupa ay sik tina tupa, tagsadik banwa ay at yud e malong. Ay kanya gbuba yangay unumk fabudbungguan fangawat tinapay at ke famasuglat langis, laman sik fanggalangun famauseganan Yawi. Ay kanya gbuba yangay sik taya langis.

Lebitiku 2:1

“Ay sik taw nu namon at fanggalangun laman famauseganan Yawi, at fanggalangun at masinei tua fag fangawat tinapay, ay fasuglati langis ulibu ay famaebebanglu.

Lebitiku 2:15

Ay fasuglati sik langis ay sik famaebebanglu. Kanya ay fanggalangun laman gfauseganan am Yawi.

Lebitiku 23:13

Ay foni yangay ufatk fabudbungguan at masine fag fangawat tinapay at ke suglat langis sa nu gfauseganan am Yawi, ay sik baringan wat ubas at mamam laman sik fanginum fag fanggalangun. Kanya fagayu sik ngay fagirugun fag ngay fanggalangun, ay Yawi kaylat kanya fag ngay fanggalangun at ayuk at mabebanglu.

Lebitiku 3:7

Ay at fanggalangun sas Yawi nu sik tupa,

Lebitiku 6:14

Katatuy ngay faugali sabaliwa famauseganan fag fanggalangun: Arun at ngay kasugfunanan fag ngay tagfon fanggalangun at namuba kafag ngay fanggalangun sas Yawi, sa salubangan fagirugan.

Malakyas 1:11

Ngay taw ban tagsis fakamenitan anggan tagsis fakayabian gfauseganan angku. Ay nusnga nday ban kanya fagayu girug famaebebanglu ay gfon fanggalangun sa angku.

Tap 28:12

Fasfuani foni sik fanggalangun famauseganan Yawi at masine fag fangawat tinapay mafasuglatan langis; unumk fabudbungguan fangawat tinapay sas galay sik tama baka, ufatk fabudbungguan fangawat tinapay galay sik tama tupa,

Tap 28:4

Foni at sadi sis balabag ay at sadi sis fafun,

Tap 29:6

Foni takatanya fag ngay fanggalangun saman ya ngay fagirugun fag fanggalangun ay gutluan fag fanggalangun ay ngay fanginum fag fanggalangun galay menit. Kanya wan at ngay fagirugun fag ngay fanggalangun, ay at mabebanglu fag ayuk gfauseganan Yawi.

Ruma 15:16

sik fagsuguan au fia aroro siginans Isus tam Fun laman sa sangay yud Udyu fag ngay taw. Kata au sik tagfon fanggalangun gina au kamoyung Dius at Masine fag Barita, laman at yud Udyu fag ngay taw umsik maylat fag fanggalangun sas Dius, aroro at Masine fag Falad nafayud tua e malong anya fagayu.

Ebreu 13:16

Ay lag tam kalyam gfakamulun at masine ay ggubuk tam iba aroro kanya wan tam Dius at fagusegananun fag fanggalangun.

Tagfangguna 9:9

“Fun ulibu gbalus te, ‘O nunda amasine yap nu nanfunan au ayu, abat ngate, gfon au sa ayu langis laman fagnangagbilugun nu gfauseganan ngay fagsegan ay ngay taw? Duan!’