Tap 14:3 - Fanawbuid tagsibaliwas Fakayabian

³ Wain Yawi at fagnatabanun antam stae fag talun? O laman nangabul tam sas awayan ay e nantaban tam ngay mangena ay tam ngay sisian? Kafoli yap tam siring sas talun Igiptu.”

Tap 14:3 ပူးပေါင်းရင်းမြစ်များ

Nemyas 9:17

Kanya fagayu wa nafaning am ngay longan, ay wa namatang am ngay nafakamulun at madulo. Kanya fagayu nafamaogatun, ay nafamabo siginan nu gfili at ngay tagfangguna laman gdog nangasik fagsuguan sas talun Igiptu. Dewa katanya, o wan Dius at mafalganan gfalyam ngay asalanan, at mafangafanyu, at yud gfangalyam, at yud masakit gfangadotama, ay at mafangesug. Nu katanya, di o nafabayan anya fagayu,

Alubad. 78:40

Kanya fagayu gina sis talun at yud e taw, malayun nu gfae fakabaluun Dius siginan nu kamabo anya.

Nu Galin 16:3

ay nalong te, “Amasine yap Yawi nu nafabul di emi sis talun Igiptu, nu inda nu kon ami gugat yamas ay tiba yak fakonun em fakaylatun. Ay natabanan am emi stae sat yud e taw fag talun laman namabul sas lunus.”

Nu Galin 5:21

Ay kanya fagayu nalong sas duksay te, “Yawi nangus gfaurianan ayu. Aroro siginan ayu Igiptu at fun ay at ngay tiba tungud fag ngay tagfakamulun nu gdama emi kata waymi lang sik nakaurian, ay kanya fagayu e fagmafanlonganun wan laman gfabul emi.”

Eremyas 42:14

ay glao ban mi sas talun Igiptu ay namanwan ami sanya, aroro sanya we awayan ay di malunus,’

Eremyas 42:19

“Am fag ngay taw Uda at kinsawad, Yawi glong sa ayu te, ‘Lag am glao sas talun Igiptu.’ Amatangi fia ku ngay famararang sa ayu katsi.

Eremyas 9:3

Yawi nalong te, “Kanya fagayu mafalganan kamuag kata at matonan fag godun. Fakamuagun way lang ste fag furuan takadungug ay we fagmatuyanun ya. Maksvn wan kanya fagayu nu gfakamulun at mauri ay wa gtoglag ya angku.

Tap 11:20

nu bunway sik magdanun tua, yakmay ban kanya fagayu napsug ay ansuya. Aroro kanya fagayu nafamayud angku am tagalaga, siginan nu glong te, Wami nangus nalao siginans talun Igiptu.’ ”

Tap 16:13

O nunda ya kasakan sa emu, am natabanan emi siginans talun Igiptu, sanya at masine ay maramraman fag talun, laman nangabul ami stie fag talun at yud e taw? Ay katsi, kaylat o namagtainan emi.

Tap 20:3

Ay kanya fagayu nafayud Muisis ay nalong te, “Masine yay nung ami anbul gasfuan em ngay kaiban sanya yay sis Yawi at daga salubangan.

Tap 21:5

nu katanya, kanya fagayu nafayud Dius ay Muisis. Ay nalong te, “Wain am fagnafaduksunun emi siginans talun Igiptu, laman umbul waymi ste sis talun at yud e taw at yud e mamam ay at yud e fakonun! Wami kaylat ya kon tuy fag mana.”

Fakamulun 7:39

“Ay tam ngay mangaguyang wa gfaning Muisis at foyungan. Abat ngate, kauri way, ay at fakaylatun kafoli way sas talun Igiptu.

Deuterunumyu 1:39

Sanya ginan, Yawi nalong te, “Ay ngay sisian ban at yud yay e fagsafulun at madasug sanya fag daga, ay kalimu am te, kanya ban fagayu manatabanan, dewa katanya, gfon kban sa anya fagayu kanya fag daga, laman at fagagbilugun.