Tap 11:2 - Fanawbuid tagsibaliwas Fakayabian

² Aroro sa at kindasug, ngay taw Israel naet gubuk sas Muisis, ay Muisis nadarangin sas Yawi, ay afuy anrabung wan.

Tap 11:2 ပူးပေါင်းရင်းမြစ်များ

Alubad. 106:23

Dius anke algan gfabul at ngay taw. Dewa katanya, at fagsuguan Muisis nafafanyuan sas Dius te, “Lag gfataglayun am dotama. Lag gfabul.”

Nu Galin 10:18

Ay Muisis nalao ay nadarangin sas Yawi.

Nu Galin 34:9

Ay kanya nalong te, “Kin ku Fun, nu guseganan tuo angku, gfainfanyuan au sa emu te, aloi tua ban emi. Dewa mi kamaogatun em ngay amatanganan, falyami em fagmauriun ay em ngay asalanan. Aylati emi laman am ngay taw ami fia.”

Isayas 37:4

Asirya at fun nasugu at fun tagfawayan laman namalingun tagleleg fag Dius. Malgau ay Dius Yawi nadungug wan kanya fag fun tagfawayan at longan ay kanya umfaurianan aroro nalong takatanya. Nu katanya, darangini tua at kinsawad si antam.’ ”

Eremyas 15:1

Yawi nalong sa angku te, “Dewa yay ro Muisis ay Samwel at namainfanyuan sa angku laman sanya fag ngay taw, kwa kafanyu ya anya fagayu. Nu katanya, namayayu o anya fagayu siginan angku. Nangaiyan wo anya fagayu!

Eremyas 37:3

Nu katanya, fun Sedekya nasugu Yeukal, Selemya at baguama, ay Sefanyas fag tagfon fanggalangun, Maaseya at baguama te, “Loi sas Eremyas ay nanget am sa anya te, darangini emi sa tam Dius Yawi.”

Eremyas 42:2

Ay kanya fagayu glong sas Eremyas te, “Fagayu ami at kinsawad gfainfanyuan ami sa emu te, darangini emi sam Dius. Ebi, ngayu oma mi, dewa katanya katsi, glag wo, wami ngayu ya.

Tap 12:11

kanya nalong sat faduksay Muisis te, “Arian, lag yap gfaurianan emi, dewa ami nafakamulun at yud matuyan sa emu.

Tap 12:13

Nu katanya, Muisis nafainfanyuan sas Yawi te, “Ku Dius, gfainfanyuan au sa emu te, fafiai yap ku faduksay Miryam.”

Tap 21:7

Ngay taw nalo sas Muisis ay nalong te, “Nasalan ami gina ami gfayud Yawi ay emu. Darangini emi sas Yawi, ay fayayui siginan emi tuy fag ngay ule.” Nu katanya, Muisis nadarangin laman sa sangay taw.

Fakamulun 8:24

Nu katanya, Simun nalong te, “Darangini angku sa tam Fun laman ban di mdasug sa angku kata am nalong.”

Ebreu 7:26

Nu katanya, Isus wan tam tiba tungud fag tagfon fanggalangun. Kanya masine, ay we malong, ay di e asalanan, ay masaman tua siginan sangay tagasalanan, ay nafabat anya sa tiba tungud fag banwa.

Santiagu 5:16

Nu katanya, fodfoyungani ay asalanan ay darangini, laman Dius gfafia ayu. Aroro sik taw at matuyan, at darangin e fagmabalyananun ay gbia at fanambagun.

1 Uan 5:16

Sik taw nu nalag at faduksay nu e asalanan, ay at asalanan nu ddi gfadasug anya sas fakabulun, darangini anya, laman Dius gfon anya leleg at yud e fakatabuan. Kanya sabaliwa at ke asalanan at yud gfadasug sas fakabulun. E sik asalanan tagfadasug taw sas fakabulun. Ay bunwa takatanya fag asalanan ku nalong te, darangini.