Tap 10:1 - Fanawbuid tagsibaliwas Fakayabian

¹ Yawi nalong sas Muisis te,

Tap 10:1 ပူးပေါင်းရင်းမြစ်များ

Fakasigadan 42:13

Ay kanya fagayu nabalus Use te, “Labi dua tuami ami fag duksayan, ay sadi way em mama si ways Kanaan, ay em arian ngaro anfamato way si em mama. Ay at sadi em faduksay nalyam wan.”

Fakasigadan 46:15

Kanya fag tuluk safulu e tuluk sisian Israel at fufu sis Lia at kinsalug sis Padan-Aram, ay ya katap sanya at baguina Dina.

2 Samwel 6:15

Ay Dabid ay ngay taw Israel guro guseganan gbuba Fagsuadan Yawi at Nasadian, ay gfawang ngay budyung.

2 Fun 11:14

Ay kanya nalag at bagu fag fun malindug sis day turuk, kata at ugali nu gfoyung sa sik fun. Ay sis fun at day tigyangan, ngay fun tagfawayan ay ngay tagfawang budyung, ay fagayu taw tagsanya guseganan. Ay Atalya nu nalag takatanya fagayu, kanya nagirat at lanbung at kaksvnan nu kauri, ay nauro te, “Ngay takamabo am! Ngay takamabo am!”

2 Krunika 23:13

Ay kanya nalag at bagu fag fun malindug munakbang sis turuk sis Yawi at bale at sakbawan. Ay sis fun at day tigyangan, ngay fun tagfawayan ay ngay tagfawang budyung, ay fagayu taw tagsanya guseganan. Ay tagsaful galubad gfangguna laman gfauseganan Dius, ay gfawang ngay fagfawangun. Ay Atalya nu nalag takatanya fagayu, kanya nagirat at lanbung at kaksvnan nu kauri, ay nauro te, “Ngay takamabo am! Ngay takamabo am!”

2 Krunika 5:12

Kayu tuy ngay taw Lebi tagfawang ngay fagfawangun: Asaf, Eman, Edutun ay at ngay sisian ay fagayu at kalongan malindug sabaliwas fakamenitan fag fagirugan. Kanya fagayu galanbungan mawatan siginan at masine fag ramit, ay gfawang fagfadkalinganun, ay fagfawangun ke ngay bakyang. Sadik sandan duak safuluk tagfon fanggalangun galo anya fagayu gfawang budyung.

2 Krunika 7:6

Ngay tagfon fanggalangun ay ngay taw Lebi nananmalindug sit mesa fagmalindugan, gbuba ngay fagfawangun ay glong te, “Yawi nu mafangesug di e fakatabuan.” Kafag ngay fagfawangun fun Dabid ebi at nafasaman sas Yawi laman gfawang gina gfauseganan anya. Sis salubangan ngay taw Lebi, ngay tagfon fanggalangun guyup at ngay budyung kaduge ngay taw Israel malindug.

Esra 3:10

Ay ngay tagfakamulun nu ntabu wan nu kawat Yawi at bale at fagtungkudan turuk, ngay tagfon fanggalangun nafalganan laman nanguyup at ngay budyung. Ay kanya fag ngay tagfon fanggalangun nasulun at ngay lanbung. Ay Asaf at ngay kasugfunanan fag ngay taw Lebi nafalganan yangay laman namawang ngay fagfadkalinganun laman gfauseganan Yawi, kata fun Dabid at foyungan sa sangay taw Israel.

Alubad. 47:5

Dius kaduge glao sat fagfagtainanan, ngay taw guro gseg ay gfawang at ngay budyung.

Alubad. 81:3

Uyupi budyung galay fagmafulun sabaliwa Magdanun nu Bagu Kasure, ay gina magdanun mabalulang.

Tap 1:52

Ngay taw Israel maful sat galay kasugfunanan, ay galay sik kasugfunanan gfabat sik famatoglag fag ramit.

Tap 10:2

“Fawati duak budyung mawatan siginans sanbung salapi, ay agbilugi kafag budyung, laman famaful ngay taw ay famafalganan nu glao.

Tap 29:1

“ ‘Gina taguna fag menit sis fafituk magdanun, lag am gfakamulun, abat ngate, afuli laman nu gseg Yawi. Ginanya fag menit, fawangi ngay budyung.

Tap 7:2

Sanya ginan, ngay taw Israel at ngay tagfangguna sas galay sik kasugfunanan, namon ngay fanggalangun sas Yawi. Kanya fag ngay tagfangguna at nafili laman griruk ngay taw Israel at ngay ngayan.

Tap 9:23

Nu katanya, kata Yawi at suguan, ngay taw Israel tibaginan karagang ay gfataglayun nu glao. Ngay taw Israel nafaning Yawi at suguan sas Muisis.

Mateu 24:31

Ay gina ban e gbudyung daul gsugu kban ku ngay tagbarita, laman namaful ku nafili fag ngay taw siginans fagayu talun ay dewa ndaginan fag fungfung daga.

Uswe 6:4

Ay fagunai fituk tagfon fanggalangun sis day Fagsuadan Nasadian ay galay at sadi e buba budyung. Ay sis fafituk menit, fafitu ginani nu gligungan am furuan, gadgaloan ngay tagfon fanggalangun gfawang at budyung.

At Nafasure 8:2

Ay sanya ginan, nalag au tagbarita fag fitu at malindug sis Dius at daga salubangan, ay e nafon sas galay at sadi budyung.

Tagfangguna 7:20

Katanya yangay tibak gaban at nafakamulun. Ay kaduge gbitbitan at ngay salung sit wala fag daluap, ay at budyung sit siun fag daluap, kanya fagayu nauro te, “Gfawayan watam laman sas Yawi ay sas Gidyun!”