Tap 1:4 - Fanawbuid tagsibaliwas Fakayabian

⁴ Ay taggubuk ayu, labi duak mangama, sadi siginan sik kasugfunanan. Ay kanya yangay fagayu tagfangguna at mesa talananan.

Tap 1:4 ပူးပေါင်းရင်းမြစ်များ

1 Fun 8:1

Sulumun nafaful sas Erusalem taw Israel at ngay fagtainan, tagfangguna ngay kasugfunanan, laman namul Fagsuadan Yawi at Nasadian siginans Dabid at furuan, at masuad te, Siun.

Nu Galin 18:21

Nu katanya, nanfili yap o sik ngay taggubuk emu at ke fagmakatuun tua gfawabilugan, ay kalimu Dius, ay at masine fagfatigwanan, ay wa gbul ngay famayad. Ay nanfili o kanya fagayu ngay tagfakamulun sa sangay gaban taw, at kayuan tagsadik libu, tagsadik sandan, taglimak safulu, ay tagsafuluk taw.

Nu Galin 18:25

Ay kanya nafili sik ngay taw at ke fagmakatuun gfangguna, ay nafafatigwanan tiba laman gfangguna sas sadik libuk taw ay tiba sas sadik sandank taw, ay tiba sas limak safuluk taw, ay tiba sas safuluk taw.

Tap 1:16

Kanya fagayu, galay sik kasugfunanan at ngay tagfangguna, at nafili siginan sangay taw Israel.

Tap 1:44

Kayunya Muisis ay Arun anggan labi duak fagtainan at nariruk. Galay sik tagfangguna, gfangguna sas galay sik talanan. Kanya fagayu ngay taw Israel at ngay mangama tagduak safuluk banwa sat tungud baliwa ay at makatu gfawayan.

Tap 17:3

Sas Lebi at tulag, riruki Arun at ngayan, aroro masine nu e sik tulag sas galay tagfangguna at ngay kasugfunanan.

Tap 25:14

Ay kafag taw Israel at nataban kafag mangena tagsiginans Midyan at ngayan Simri, Salu at baguama, kanya sik tagfangguna sik talanan sis Simyun at kasugfunanan.

Tap 25:4

Yawi nalong sas Muisis te, “Fafuli kafag ngay taw at ngay tagfangguna ay fabuli anya fagayu si ku daga salubangan gina mamenit, laman umkalyam wan nu kadotama au sas Israel.”

Tap 30:1

Muisis nalong sa sangay tagfangguna taw Israel at ngay kasugfunanan te, “Katatuy Yawi at ngay suguan:

Tap 4:34

Kata Yawi at suguan, Muisis, Arun ay Israel at ngay tagfangguna nariruk Kuat, Gersun ay Merari at ngay gaban galay sik talanan. Nariruk yangay ngay mangama tagtuluk safuluk banwa sitsigon limak safulu at banwa, at makatu gfakamulun sas Yawi at bale, kayu tuy at kayuan: Gaban At kayuan Kuat 2,750 Gersun 2,630 Merari 3,200 Nu fagayu wan, 8,580.

Tap 7:2

Sanya ginan, ngay taw Israel at ngay tagfangguna sas galay sik kasugfunanan, namon ngay fanggalangun sas Yawi. Kanya fag ngay tagfangguna at nafili laman griruk ngay taw Israel at ngay ngayan.

Deuterunumyu 1:15

Nu katanya, nafafatigwanan au ayu sa ay nafili ay ay fagsuyuun fag ngay taw at ke fagsafulun laman gfagtainan ayu, tiba sas sadik libuk taw, ay tiba sas sadik sandank taw, ay tiba sas limak safuluk taw, ay tiba sas safuluk taw.

Uswe 22:14

Ay Finekas e ufud safuluk tagfangguna, sadi siginan galay sik kasugfunanan Israel. Ay kanya fag safulu tagfangguna sat mesa kalongan.