Takamoyung 9:9 - Fanawbuid tagsibaliwas Fakayabian

⁹ Manabayani magamut am mangena, kaduge Dius at nafon emu fag leleg at yud e masuad stes fagdaul daga. Aroro o wan tagagbilug am nainlufuyan kaduge o stes fagdaul daga.

Takamoyung 9:9 ပူးပေါင်းရင်းမြစ်များ

Fakasigadan 26:8

Ngaduge wan Isak nu sis talun Gerar. Ay sik buknga, fun Abimelek nabanawan sat fagbanawanan ay nalag Isak ay Rebeka nu kedkesugan.

Alubad. 144:4

Kanya kata way tagmara, ay at leleg kalyam way kata sik aninu.

Alubad. 39:5

Am nafon angku fag leleg wa ngaduge. Nu sa emu kata way sik buknga sirut, ay kata way sik tagmara nu gdalan,

Fangatulun 18:22

Nu nafamubay ban o, manabayan tuo, ay kanya tagfatuyan sa emu te, Yawi matuyan.

Fangatulun 19:14

Ngay fagtainan at famonun sat ngay baguama bale way ay ramraman, dewa katanya, sik bubay at mamatanganan siginan tuas Yawi.

Takamoyung 2:10

Fagayu at maylat sa angku anfasludan wa fia. Guseganan au ku bulan sas fagayu ku nainlufuyan. Ay fagayu ku nagwantan katanya at famonun sa angku.

Takamoyung 2:24

At masine ngay taw at fakamulun gfangon, ginum, ay gfae masuad at ngay nainlufuyan. Nasaful au te, takatanya tua tagsiginans Dius.

Takamoyung 3:13

Dius kaylat nu gfangon tam ay ginum ay guseganan, nu siginan tua tam ngay nainlufuyan, aroro Dius at fon antam kanya fagayu.

Takamoyung 3:22

Nu katanya, namatangan au te, at masine taw at fakamulun useganani yakman lang sat ngay nainlufuyan, aroro kanya at fagagbilugun wan. Nusnga sinu fag taw we malong te, nataw ban takadasug nu nbul wan.

Takamoyung 5:18

Dius at nafon antam tam leleg ste swa daga wa ngaduge. Nu katanya, namatangan au te, sik taw masine nu gfangon ay nu ginum ay nu guseganan at nainlufuyan, aroro kanya fagayu, anya wan.

Takamoyung 6:12

We taw nasaful at masine laman sa sik taw yud ngaduge ay at yud e masuad at leleg, kanya kalyam way kata aninu. Ay sinu at malong sa anya takafasludan ban sas fagdaul daga gina kanya anbul?

Takamoyung 7:15

Kaduge au gleleg at yud e masuad, nalag au fagayu nusnga setaw. At matuyan fag taw masakit nu kabul dewa matuyan at fakamulun, ay at mauri fag taw ngaduge nu gleleg aroro sat fagmauriun.

Malakyas 2:15

“O nunda wam nasaful te, Dius nafasadi ayu sis bilug ay sis falad. Wain at fagnafasadiun ayu? Yawi kaylat nu kae ngay sisian am laman tagseg anya. Tuyani fia te, di ban am kalyam ay nasadian sa ay mesa mangena gina am kadadwa.”