Takamoyung 9:7 - Fanawbuid tagsibaliwas Fakayabian

⁷ Useganani, fangoni, ay mamami fanlangu, aroro kanya Dius at fakaylatun am fakamulun.

Takamoyung 9:7 ပူးပေါင်းရင်းမြစ်များ

Fakasigadan 12:19

Wain am fagnalongun te, duksay wayam? Ay wain am fagnafabayanun lang nu gbul au anya laman ku bubay? Katsi tuy wan am bubay, tabani wan anya ay loi wan!”

1 Fun 8:66

Balabag di, Sulumun nafauli wan kafag ngay taw. Kafag ngay taw get sas Dius te, “Fadantei em fun.” Ay kanya fagayu guseganan guli ay masine at ngay amatanganan aroro sas Yawi at nafakamulun fagayu at masine sat fagsuguan Dabid ay sat ngay taw Israel.

Takamoyung 10:19

Fakonun ay fanlangu mafae fagusegananun ngay taw, ay salapi mafon nusnga setaw at fagayudanun.

Takamoyung 11:8

Nu katanya, kaduge o gleleg manabayani tua. Dewa katanya, Amatangani te, fakabulun kadasug ay kanya ngaduge. Fagayu takafasludan we masuad.

Takamoyung 5:18

Dius at nafon antam tam leleg ste swa daga wa ngaduge. Nu katanya, namatangan au te, sik taw masine nu gfangon ay nu ginum ay nu guseganan at nainlufuyan, aroro kanya fagayu, anya wan.

Takamoyung 7:14

Useganani, nu manabayan tua nu mabanwan o. Dewa katanya, nu gidapan way o, amatangani te, Dius wan tagfakamulun tuy fag duak kaugalian. Laman wa tam saful takadasug ban balabag.

Takamoyung 8:15

Nu katanya, nu sa way angku, amasine yap sik taw nu guseganan kaduge gleleg. We masine ya laman sa anya stes fagdaul daga nu bunway tagfangon, taginum, ay taguseganan. Siginan takatanya kanya guseganan tua dewa gidapan kaduge gleleg stes fagdaul daga Dius at nafon anya.

Tap 6:20

Ay tagfon fanggalangun gbul kanya fag buyug ay gfabat sis Yawi at daga salubangan laman sik famauseganan fag fanggalangun. Ay kafag fanggalangun yud e malong, kanya wan ngay tagfon fanggalangun at e kwan, ay anggan yangay tupa at dubdub ay at ngay si, gfabat sas Yawi. Sanya ginan, at ke fatuyanan fag taw masine wa ginum fanlangu.

Markus 7:29

Ay Isus glong sa kafag mangena te, “Aroro katanya am famalus, ulii wan, mauri fag falad naubun wan am munina.”

Lukas 11:41

Foni tua sat yud e kwa laman masine tua fagayu tagsi ayu.

Uan 4:50

Isus gbalus te, “Loi wan, anfia wan am munama.” Ay kafag mangama nafanud Isus at longan ay nalo wan.

Fakamulun 10:35

Dius kaylat dewa ndaginan fag talun at taw nu gsuyu tua anya ay gfakamulun at matuyan.

Deuterunumyu 12:12

Ay nu nanguseganan ban am sa tuam ay Dius Yawi at daga salubangan, gasfuan ay ngay sisian, ay ngay fagsuguan, ay anggan ngay taw Lebi tagbanwan si ay ngay furuan, at yud e afud daga.

Deuterunumyu 12:7

Ay nanfangon am gasfuan ay ngay talanan sis Yawi at daga salubangan ay nanguseganan am sas fagayu ay nafakamulun aroro Yawi nafon tua sa ayu nusnga setaw.

Rut 3:7

Buas nu nafangon wan ay nainum, mabayan wan at amatanganan. Ay nataygilidan sis tigyangan fafulan barli ay natiug. Ay Rut garimanan nangakbang sas Buas ay naurug at umut si baliwa at darafa ay natiug yangay sanya.