Takamoyung 9:3 - Fanawbuid tagsibaliwas Fakayabian

³ Katatuy at yud masine takafasludan stes fagdaul daga, katanya yay ban fagayu at fakatabuan. Ay bundi lang takatanya; ngay taw at fagamatanganun kaduge gleleg fagmauriun way lang ay fagyudun mamatanganan, ay sanya ginan kanya kabul yangay.

Takamoyung 9:3 ပူးပေါင်းရင်းမြစ်များ

Fakasigadan 6:5

Yawi nu nalag fagdaul daga at ngay taw at fakamulun ay anggan at ngay amatanganan nu mauri,

Fakasigadan 8:21

Ay Yawi nu nayuk kafag fanggalangun at anus, nalong te, “Kwa ban gfadog ya gfaurianan daga aroro sas taw at nafakamulun, dewa au nasaful te, taw at ngay amatanganan kabavn mauri way siginan nu masisian. Kwa ban gfadog ya gfamin fagayu tagleleg, kata ebi ku nafakamulun.

Ub 15:16

kaugat wa ro ngay taw tagasalanan ay tagugali gugat at mauri.

Ub 21:26

Dewa katanya, kanya ban fagayu gsudan way nangafoli sas daga, ay ulud ban kon way at ngay bilug.

Ub 9:22

At masine ay at mauri fag taw gsudan way. Aroro ngap gsud way gafaurianan.

Alubad. 51:5

Siginan yay ku mina nu gfafion angku, mauri kwan, ay gina au kasalug e asalanan kwan.

Alubad. 64:7

Dewa katanya, Dius gfana kanya fag ngay taw mauri, ay kanya fagayu masakit kae fakarukan.

Fangatulun 14:32

At mauri fag ngay taw gafaurianan, aroro siginan at fagmauriun, dewa katanya, at matuyan fag taw e fagsarirungan tua gina gakabulun.

Takamoyung 1:17

Namatangan au fia sabaliwas fagsafulun ay at yud e fagsafulun at fagsamanun, ay nasaful au te, tuy wa yangay e masuad. Kata way nu gfafalo o tagmara ay tuy fagayu wa nke masuad.

Takamoyung 12:7

Ay nu katanya, nangafoli o sas daga, am fakasigadan, ay am falad umfoli wan sat nafon emu fag Dius.

Takamoyung 2:14

Ke fagsafulun saful tua at fagnangadasugan, ay at yud e fagsafulun nu glao sa ways fagmadulumun. Dewa katanya, nasaful kyangay te, nusnga sinu kabul way.

Takamoyung 7:2

Amasine yap at nanlag at kinbul nu gamut sa sik tagbia fag ngay falganan, aroro fagayu ban kabul way. Ay fagayu nangus tagleleg yay gamatangan tua gugat takatanya.

Takamoyung 7:25

Dewa katanya, gfataglayun au gamatangan ay gfanginsaful, laman umke fagsafulun au ay mafabalus au ku ngay fagintoun, ay laman sumaful au te, se aksvn tagfakamulun at mauri nu yud mamatanganan, ay se aksvn nu mauri at yud mamatanganan at amatanganan.

Takamoyung 8:11

Way nafaurianan vtv sik taw at nafakamulun at mauri, at ngay iba gamatangan yangay at nanfakamulun mauri.

Takamoyung 9:11

E nalag kyay fia stes fagdaul daga. Bunwa fagayu at masakit gtarung tagbabo, ay bunwa fagayu at mabitsug tagbabo nu gfawayan. Ay bunwa fagayu at ke fagsafulun at ke fakamulun laman at fagbulan at fagayudanun, ay bunwa fagayu ke fagsafulun at maramraman, ay bunwa fagayu ke fagmakatuun tagbabo. Aroro galay sik taw mesa e kayaunanan.

Takamoyung 9:2

Nusnga sinu fag gaban taw sadi way at fakadasugan, ngay taw at masine ay mauri, at matuyan ay at yud matuyan, at masine ay tagasalanan ay tagfon at fanggalangun ay at yud gfon at fanggalangun. Gsud way at matuyan ay at yud matuyan ay tagfauri ay yud gfauri.

Takamoyung 9:4

Kaduge sik taw gleleg e fagsegun yay. Kata sik faydayuanan te, “Amasine yap sik tagleleg fag idu nu gamut sik mabulan fag liun.”

Eremyas 16:12

Ay fagmauriun aksvn yap tua ay ngay mangaguyang at fagmauriun. Fagayu am nafaning am ay fagmauriun ay ay ngay amatanganan takamaogatun, abat ngate am nafaning angku.

Eremyas 17:10

Dewa katanya, au Yawi, saful kway taw at basad ay at amatanganan. Namakamulun kban sas galay sik taw kata at ugali ay at nafakamulun.

Eremyas 17:9

“Taw at amatanganan kamuag way gugat ay maksvn nu mauri. Sinu tagsaful te, kaksvn kanya nu mauri?

Lukas 15:17

“Kafag baguama namatangan te, ‘Ku mama at fagsuguan dewa ngayu kasakan tua at fakonun, sarokta e sawad yay, ay au umbul au ste sas lunus.

Lukas 6:11

Ay ngay tagfoyung Muisis at Faugali ay ngay taw Fariseu maksvn nu kadotama, ay gkamatoan te, “Tain ban tam fakamulun sas Isus?”

Fakamulun 12:23

Ay arodi vtv tam Fun at tagbarita at sadi nafaurianan Erudes, aroro kafag fun nu kamatungudun wa sas Dius. Ay ulud naon anya ay anbul wan.

Fakamulun 26:11

Ay malayun nu glao au sa sangay bale fakafulan laman namaurianan at maful sanya, ay gfabulun au laman kanya fagayu glong at mauri sas Dius. Ay aroro maksvn nu kadotama au anya fagayu, gugatan au dewa sa tangayayu fag ngay furuan laman namaurianan anya fagayu.

Fakamulun 26:24

Ay kaduge Pablu gfoyung, Festu nauro te, “Pablu, gfansaful wo! Am fagyudun e amatanganan ya, aroro am fagsafulun gsawe wan.”

Titu 3:3

Ebi taguna wa tam mamatanganan, ay kamabo tam, ay gadayan tam, ay nafagsuguanan tam tam bilug at fakaylatun ay fagayu at mauri ste swa daga. Tam ugali mauri, ay gfangalabian tam, ay fagayu taw kadotama antam, ay kadotama yangay tam anya fagayu.

2 Pedru 2:16

Ay Balaam at asnu naringang kata sik taw ay nagras anya, ay nasalag anya sat fagyudun mamatanganan fag fakamulun.