Takamoyung 9:13 - Fanawbuid tagsibaliwas Fakayabian

¹³ E sadi yak fafaskudanan fag fagsafulun ku naylatan.

Takamoyung 9:13 ပူးပေါင်းရင်းမြစ်များ

2 Samwel 20:22

Nu katanya, kafag mangena nafakamatoan at kaiban ay nalong at algan. Ay kanya fagayu nabul Syeba at alfuyu ay naukas sas Uab. Sanya ginan, Uab nauyup at budyung ay at ngay tagfawayan nalao wan sanya ginan fag furuan ay noli wan sat mesa fagbanwanan. Ay Uab anfoli wan sas fun Dabid sas Erusalem.

Takamoyung 6:1

Ay e nalag au sik yud masine at kindasug sas fagdaul daga tagfaidapan ngay taw.

Takamoyung 7:15

Kaduge au gleleg at yud e masuad, nalag au fagayu nusnga setaw. At matuyan fag taw masakit nu kabul dewa matuyan at fakamulun, ay at mauri fag taw ngaduge nu gleleg aroro sat fagmauriun.

Takamoyung 7:19

At ke fagsafulun fag taw at fagmafakamulunun gtungud yay safuluk tagfangguna sis furuan daul.

Takamoyung 8:16

Kaduge au gidapan gamatangan fagayu takafasludan stes fagdaul daga, nasaful au te, kaksvn kanya ngay taw nu gugatan gfakamulun kayu menit ay yabi.

Takamoyung 9:11

E nalag kyay fia stes fagdaul daga. Bunwa fagayu at masakit gtarung tagbabo, ay bunwa fagayu at mabitsug tagbabo nu gfawayan. Ay bunwa fagayu at ke fagsafulun at ke fakamulun laman at fagbulan at fagayudanun, ay bunwa fagayu ke fagsafulun at maramraman, ay bunwa fagayu ke fagmakatuun tagbabo. Aroro galay sik taw mesa e kayaunanan.

Takamoyung 9:12

Dewa katanya, kanya wa saful te, ginanya nu kadasug at mafalganan fag buknga laman sa anya. Kanya kata way sik manuk tungud kinsangdaw, ay kata at kin-gamat sas fanggamat albon. Kadasug way lang masakit sat mauri fag taw at mauri fag buknga kata nu kagamat sas sangdaw.

Takamoyung 9:14

E sik furuan sirut at yud ngayu tagbanwan sanya. Ay at mabalyanan fag fun gadgaloan at ngay nanamawayan ay natunglu kanya fag furuan.

Daniel 2:14

Aryuk tagfangguna fun Nabukudunusur at ngay tagulit. Gina kanya glo laman namabul ngay tagfangatulun, Daniel madirianan nu gfakamatoan anya. Ginto te, “Wain fakaksvnun nya fun at suguan?” Nu katanya, Aryuk nalong sas Daniel fagayu at kinfasludan.