Takamoyung 9:11 - Fanawbuid tagsibaliwas Fakayabian

¹¹ E nalag kyay fia stes fagdaul daga. Bunwa fagayu at masakit gtarung tagbabo, ay bunwa fagayu at mabitsug tagbabo nu gfawayan. Ay bunwa fagayu at ke fagsafulun at ke fakamulun laman at fagbulan at fagayudanun, ay bunwa fagayu ke fagsafulun at maramraman, ay bunwa fagayu ke fagmakatuun tagbabo. Aroro galay sik taw mesa e kayaunanan.

Takamoyung 9:11 ပူးပေါင်းရင်းမြစ်များ

2 Samwel 17:14

Nu katanya, Absalum ay anggan at ngay tagfakamulun sis Israel glong te, “Kusay at famalun, amasine yap tua sas Akitufel at famalun.” At mafanud, Akitufel tua at famalun at matuyan, dewa katanya, Yawi naylat Absalum nu yud gfaning, laman kanya gababawan.

2 Samwel 17:23

Akitufel nu nasaful te, Absalum wa nafaning at famalun, kanya nasakay wa vtv sat asnu ay noli wan sat furuan. Ay kanya nu nafangatulun wan sat ngay kalongan, narabing wan at sadili. Ay e nanamoli at bilug sat mama at fagfolian.

2 Krunika 20:15

Ay Akasyel nalong te, “Fun Eusafat ay fagayu am tagbanwan sis Uda ay sis Erusalem, dungugani! Katatuy Yawi at longan ayu, ‘Lag am kalimu ay kamomuy kafag ngay tagfawayan ngayu, aroro bunwa ro am at namawayan anya fagayu nu bunway Dius tua.

Ub 34:29

Dewa katanya, Dius dewa maragangan ay gsuksuan ginanya fag buknga, we taw malong te, kanya nasalan. At matuyan, Dius gulit tua gugat fagayu taw,

Alubad. 76:5

At maseganama fag ngay tagfawayan anmomuy ay anbul. Ay nabul tuo siginan anya at ngay nafangkamul.

Fangatulun 1:5

At ke fagsafulun fag taw nu gdungugan tua at ke fagsafulun at foyungan, kafag taw kafamut at fagsafulun, ay at ke nagadalan, kafamut tua at ngay fagsafulun,

Takamoyung 2:12

Nataw ya ban at fadogan fag fun at fagmafakamulunun? O nunda ban bunwa ebi at kinfasludan wan? Nafaskud kyangay gfaladlabian fagsafulun ay at yud e fagsafulun.

Takamoyung 3:14

Saful au te, Dius at nawat fagayu wa ban kalyam kabavn ay wa tam e fagmafamutun ay e fagmabuinun ya. Dius gfakamulun takatanya laman gsuyu tua tam anya.

Takamoyung 3:17

Nalong au sa ku sadili te, “Dius ban ginsaful ngay taw at matuyan ay at mauri, aroro kanya nafalganan wan buknga sas fagayu nusnge wain.”

Takamoyung 4:1

Nadog au nalag ngay nu e kamalingun stes fagdaul daga. Nalag au ngay tagafalingunan nu gwayway ay at yud ya e gfasun, aroro tagfalingun mabalyanan.

Takamoyung 4:4

Nalag kyangay taw nu gugatan gfakamulun fagayu sas fagdaul at fagmakatuun aroro galabian at ngay iba. Fagayu takatanya we masuad, kata way nu gfafalo tagmara.

Takamoyung 7:13

Amatangani Dius at ngay nafakamulun. Sinu at mafasine at nafasik mauri?

Takamoyung 9:2

Nusnga sinu fag gaban taw sadi way at fakadasugan, ngay taw at masine ay mauri, at matuyan ay at yud matuyan, at masine ay tagasalanan ay tagfon at fanggalangun ay at yud gfon at fanggalangun. Gsud way at matuyan ay at yud matuyan ay tagfauri ay yud gfauri.

Takamoyung 9:3

Katatuy at yud masine takafasludan stes fagdaul daga, katanya yay ban fagayu at fakatabuan. Ay bundi lang takatanya; ngay taw at fagamatanganun kaduge gleleg fagmauriun way lang ay fagyudun mamatanganan, ay sanya ginan kanya kabul yangay.

Eremyas 46:6

Dewa am maseganama ay masakit gtarung, wam malagyu ya. Kataygilid ban am ay kabul sis fawalan fag alvngvdan, munakbang sis Liskung Eufrates.

Eremyas 48:14

Ngay taw Muab kamatungudun te, at ngay tagfawayan maseganama nu gfawayan.

Eremyas 9:23

At ke ngay fagsafulun wa masine kamatungudun. Ay at mabalyanan fag taw wa masine kamabatun. Ay at maramraman wa masine kamanagsag sat ngay ramraman.

Daniel 4:35

Nu gfaladlabian sa anya, fagayu taw sas fagdaul daga kata way nu yud e masuad. Kanya gfakamulun kata at fakaylatun sa sangay tagbarita sas banwa ay sa sangay taw sas wa daga. We mafafaragang anya, ay we mafafalong sa anya te, “Wain am fagnafakamulunun takatanya?”

Sakaryas 4:6

Kanya glong sa angku te, “Katatuy Yawi at longan am fagnanlongun sas Serubabel: ‘Serubabel, bunwa ban siginan am fagmabitsugun ay am fagmabalyananun nu gfawat o ku bale, nu bunway siginan tua ban ku Falad.’

Malakyas 3:18

Ay fagayu ban taw sumaful at matuyan ay at mauri fag ngay taw at fagsamanun, ay tagfakamulun sa angku ay at yud gfakamulun at fagsamanun.”

Efesu 1:11

Aroro sa tam Fun Isus, Dius nafili emi laman at furuan, kata at fakaylatun siginan ebi sfakasigadan. Ay kanya nafafasludan takatanya kata at algan,

Deuterunumyu 8:17

Malong ban am sa ay ngay sadili te, “Nagbilug au tuy fag ngay ramraman siginan ku fagmakatuun ay ku fagmabitsugun.”

Deuterunumyu 8:18

Ay amatangani tua te, ay Dius Yawi at nafon ayu fagmakatuun laman karamraman am, kanya nafakamulun katatuy laman gfafasludan at nasadian sa ay ngay mangaguyang kata at nafakamulun katsi.

1 Samwel 17:50

Nu katanya, Dabid nababo Gulyat siginan at aruranggut ay sik gang, dewa yud e fiso.

1 Samwel 6:9

Dewa katanya, uliti fia nu dada ro nu glao. Kanya ro nu glao nu sa tuas Bet-Semes, sa sangay taw Israel at furuan at sadi, sumaful ro tam te, Yawi wan at nafaurianan antam. Ay nu dway ro nasanya, sumaful ro tam te, bunwa Israel at Dius at nafaurianan antam. Antunggu way lang sik faurianan.”