Takamoyung 8:8 - Fanawbuid tagsibaliwas Fakayabian

⁸ Nu setain taw nu yud mafaragang tagmara, wa yangay mafaragang nu kabul. Kata nu sis awayan, kanya wa makafoli ya. Ay at fagmauriun wa mafalangfe anya siginans fakabulun.

Takamoyung 8:8 ပူးပေါင်းရင်းမြစ်များ

2 Samwel 14:14

Fagayu taw kabul way, kata at kinkugwag wan fag mamam, at yud e mabul ya. Dewa katanya, Yawi ya vtv gbul taw at leleg, aroro kanya kaylat at ngay taw nu kafoli sa anya.

2 Fun 7:15

Kanya fagayu naguyan ngay taw Aram sitsigons Liskung Urdan ay nalag sad dalan ngay taw Aram at naukas at ngay fagagbilugun ay at ngay lanbung aroro gabanganan glagyu. Ay kafag ngay fagsuguan anfoli ay nafasaful sat fun.

Ub 14:5

Siginans fagsigadan nafalganan wo sik taw at leleg te, kaduge way nya, ay wa glangfe kata am nafalganan.

Ub 34:14

Dius ro nu gbul wan tam leleg,

Alubad. 89:48

Sinu fag taw at yud kabul? O nunda e taw at masaruy fakabulun?

Alubad. 9:17

Fagayu tagasalanan sas fagayu talun tagtalyuyan Dius nangadasug ban sas fakabulun.

Fangatulun 12:3

Sik taw tagfakamulun at mauri wa maksvn at amatanganan, dewa katanya, sik taw at matuyan, maksvn tua at amatanganan, kata sik fun kayu tangabasad at lalid.

Fangatulun 14:32

At mauri fag ngay taw gafaurianan, aroro siginan at fagmauriun, dewa katanya, at matuyan fag taw e fagsarirungan tua gina gakabulun.

Takamoyung 3:21

Sinu at nasaful te, taw at falad sa tua ttungud, ay ngay mela at falad sa ways daga?

Takamoyung 8:13

Sik taw at mauri at yud kalimu Dius wa ngaduge nu gleleg. Kata way sik aninu at masakit kalyam.

Takamoyung 9:12

Dewa katanya, kanya wa saful te, ginanya nu kadasug at mafalganan fag buknga laman sa anya. Kanya kata way sik manuk tungud kinsangdaw, ay kata at kin-gamat sas fanggamat albon. Kadasug way lang masakit sat mauri fag taw at mauri fag buknga kata nu kagamat sas sangdaw.

Isayas 28:15

Aroro kamatungudun wayam ay glong te, “E nasadian wami sas fakabulun te, ‘Lag gfabul emi,’ ay e nasadian yangay ami sat ngay kinbul at talun te, ‘Lag gtaban emi sanya.’ Nu katanya, wa ban mi e fagafanawaun dewa umdasug nusnge wain fag faurianan kata sik lugwak, aroro gseg wami em fakamuaganun ay em fagfandayaun te, kanya mafalangfe emi.”

Isayas 28:18

Dewa katanya, wa ban e tungkul ay nasadian sas fakabulun ay ay nasadian yangay sa sangay kinbul at talun. Aroro gafaurianan ban am gina ngay faurianan andasug kata sik lugwak.

Isayas 47:10

Ay gafanud o te, we faurianan takadasug sa emu dewa o gfakamulun at mauri, aroro gamatangan o te, we glag emu. Am ngay fagsafulun ay am fagmamatanganun nafalyam emu, ay kanya wan am fagnalongun te, ‘We gfasud angku.’

1 Kurintu 15:43

Gina gfoli sik taw dewa yud e fagmasineun ay momuy, kanya ban e fagmasineun tua ay mabitsug gina ban nafadog nafaleleg anya.

2 Kurintu. 13:4

Ay kanya dewa mamomuy gina e gtuktuk anya sas fasulungan kayu, katsi kanya gleleg tua siginans Dius at fagmabalyananun. Aroro siginan em fagmasadiun sa anya mamomuy yangay ami, dewa katanya, katsi lumag am te, gleleg tuami siginans Dius at fagmabalyananun.

Ebreu 9:27

Ay Dius at ke algan te, ngay taw nu kabul sayginan way, ay sanya ginan nanginsaful at ngay nafakamulun.