Takamoyung 8:5 - Fanawbuid tagsibaliwas Fakayabian

⁵ Ay nusnga sinu tagfaning at ngay suguan di gafaurianan. Sik taw at ke fagsafulun saful way te, ginanya ay setain sik fakamulun nu kafakamulun.

Takamoyung 8:5 ပူးပေါင်းရင်းမြစ်များ

1 Krunika 12:32

Ay siginan Isakar at kasugfunanan: duak sandank tagfangguna galo yangay sanya at ngay kalongan. Kanya fagayu saful nusnga setaw ngay taw Israel at fakamulun, ay nu ginain nu gfakamulun.

Alubad. 119:6

Nu katanya, nu natap kban am ngay suguan, dakdi kapla emu.

Nu Galin 1:17

Ay aroro Sifra ay Pua kalimu tua Dius, wa nafaning fun at suguan, abat ngate, di gfabul ngay ngenge at kinsalug dewa munama.

Fangatulun 12:21

Di e kadasug at mauri sa sik taw at matuyan, dewa katanya, ngayu takafasludan at mauri sat mauri fag taw.

Fangatulun 17:24

At mamatanganan fag taw gugatan tua nangae fagsafulun, dewa katanya, at yud mamatanganan, nusnga setaw way lang at amatanganan.

Takamoyung 10:2

At ke fagsafulun fag taw kaylat tua gfakamulun at masine, dewa katanya, at yud e fagsafulun kaylat way namakamulun at mauri.

Takamoyung 12:13

Katsi, natap wo fagayu, ay kata ya tuy ku fangatulun taguyan: Alimui Dius ay faningi at ngay suguan, aroro katanya galay sik taw at fakamulun.

Takamoyung 2:14

Ke fagsafulun saful tua at fagnangadasugan, ay at yud e fagsafulun nu glao sa ways fagmadulumun. Dewa katanya, nasaful kyangay te, nusnga sinu kabul way.

Takamoyung 8:2

Faningi tua fun at faugali aroro nafatuyanan o sas Dius te, gfakamulun tua ban o takatanya.

Usea 5:11

E gfaidapan ban ay gfamin ngay taw Israel aroro gfaurianan au anya, aroro kanya gfataglayun nu gfaning tibak fagsegan.

Lukas 20:25

Ay Isus nalong anya te, “Nu katanya, foni sas talun Ruma at fun, anya mandi at afud. Ay foni sas Dius, Dius mandi at afud.”

Fakamulun 4:19

Dewa katanya, Pedru ay Uan nabalus te, “Amatangani, inday at matuyan sas Dius at daga salubangan, tagfaning ay fakaylatun, o ay tagfaning Dius?

Fakamulun 5:29

Pedru ay at ngay ufud nabalus te, “Dius tua em fagfaningun, bundi nusnga sinu fag taw.

Kulusas 1:9

Nu katanya, nu nadungug ami sabaliwa ayu, gfataglayun ami gdarangin ayu. Get ami sas Dius te, kanya nangus gfon ayu fagsafulun ay fagmayamagun siginan at Masine fag Falad at gubuk, laman sumaful am at fakaylatun.

Ebreu 5:14

Ay at matugas fag fakonun kanya sa tua at mafagtainan at nasaful tua at matuyan ay at mauri.