Takamoyung 8:16 - Fanawbuid tagsibaliwas Fakayabian

¹⁶ Kaduge au gidapan gamatangan fagayu takafasludan stes fagdaul daga, nasaful au te, kaksvn kanya ngay taw nu gugatan gfakamulun kayu menit ay yabi.

Takamoyung 8:16 ပူးပေါင်းရင်းမြစ်များ

Fakasigadan 31:40

Katatuy nu mabanwan au: galay menit gagwantan au ginroyan, ay galay yabi gagwantan au ginriosan. Ku tiug faggugat wa kasakan.

Alubad. 127:2

Yawi way tagfalganan fakonun sat fakesugun fag ngay taw, dewa kanya fagayu gtiug. Nu katanya, we tungkul at mayabas nu kafulo, ay at mayabi wan nu nantiug laman grvbvy at fakonun.

Takamoyung 1:13

Nafon au ku leleg laman gamatangan au fia at masine sas fagayu takafasludan ste sfagdaul daga. Ay nalag au te, makalpa fag ngay fakamulun Dius at nafatigwanan sa sangay taw.

Takamoyung 1:14

Nalag au te, taw at fakamulun fagayu ste sfagdaul daga we masuad. Kata way nu gfafalo o tagmara, fagayu nusnge wain we masuad.

Takamoyung 1:17

Namatangan au fia sabaliwas fagsafulun ay at yud e fagsafulun at fagsamanun, ay nasaful au te, tuy wa yangay e masuad. Kata way nu gfafalo o tagmara ay tuy fagayu wa nke masuad.

Takamoyung 2:23

Ay fagayu at nafakamulun kaduge gleleg gfauri way at amatanganan. Nu katanya, dewa sisad yabi kanya wa katiug. Ay takatanya fagayu wa yangay we masuad.

Takamoyung 4:8

E sik taw tagsadilian way kaduge gleleg. Kanya we sisian ay we faduksay. Dewa katanya, kanya wa gfaragang nu gfakamulun ay ya guseganan at ramraman. Ay kanya nalong te, “Kwe buknga ya guseganan aroro maksvn nu gfakamulun au. Dewa katanya, kwa ban e fagfatigwanan ya fagayu ku ngay nainlufuyan.” Ay takatanya we masuad! Ay maksvn nu mabalu takatanya fag leleg.

Takamoyung 5:12

Sik tagfakamulun masine tua nu gtiug, at fakonun dewa alay ay ngayu, dewa katanya, at maramraman wa katiug aroro sat ramraman.

Takamoyung 7:25

Dewa katanya, gfataglayun au gamatangan ay gfanginsaful, laman umke fagsafulun au ay mafabalus au ku ngay fagintoun, ay laman sumaful au te, se aksvn tagfakamulun at mauri nu yud mamatanganan, ay se aksvn nu mauri at yud mamatanganan at amatanganan.

Takamoyung 8:7

Aroro nusnga sinu we saful takadasug, ay we malong te, katanya takadasug.

Takamoyung 8:9

Nalingaman au fagayu nusnge wain tagstes fagdaul daga, nalag au ngay taw ke fagmakatuun gfauri at iba.