Takamoyung 8:13 - Fanawbuid tagsibaliwas Fakayabian

¹³ Sik taw at mauri at yud kalimu Dius wa ngaduge nu gleleg. Kata way sik aninu at masakit kalyam.

Takamoyung 8:13 ပူးပေါင်းရင်းမြစ်များ

Ub 14:2

Kata waymi sik barugwak at kinrafad, takalangke way vtv, ay kata yangay mi sik aninu takalyam way vtv.

Ub 18:5

At mauri fag ngay taw umbul. Kanya fagayu kata way sik salung tagakarabungun.

Ub 20:5

at mauri fag taw wa ngaduge nu manabayan, ay sik taw at yud gafanud sas Dius wa ngaduge nu e fagusegananun.

Ub 21:30

O nunda glong te, ‘At mauri ban fag taw umlangfe gina Dius gfaurianan fag menit.’

Alubad. 11:5

Kanya ginsaful at matuyan ay at mauri. Ay kanya kadotama at takamabul fag taw.

Alubad. 144:4

Kanya kata way tagmara, ay at leleg kalyam way kata sik aninu.

Alubad. 37:1

Lag o galabian ngay taw tagfakamulun at mauri, ay lag o gafanawa anya fagayu.

Alubad. 39:5

Am nafon angku fag leleg wa ngaduge. Nu sa emu kata way sik buknga sirut, ay kata way sik tagmara nu gdalan,

Alubad. 55:23

Dius, dewa katanya, gfatong o sa tangabasad fag alian ngay taw takamabul ay tagfandaya, gina yay mabaguama. Dewa katanya au, gafanud ktua sa emu.

Takamoyung 3:14

Saful au te, Dius at nawat fagayu wa ban kalyam kabavn ay wa tam e fagmafamutun ay e fagmabuinun ya. Dius gfakamulun takatanya laman gsuyu tua tam anya.

Takamoyung 5:7

Tangayu fag taginfan ay fag aringang we masuad. At masine, suyui tua Dius.

Takamoyung 6:12

We taw nasaful at masine laman sa sik taw yud ngaduge ay at yud e masuad at leleg, kanya kalyam way kata aninu. Ay sinu at malong sa anya takafasludan ban sas fagdaul daga gina kanya anbul?

Takamoyung 7:15

Kaduge au gleleg at yud e masuad, nalag au fagayu nusnga setaw. At matuyan fag taw masakit nu kabul dewa matuyan at fakamulun, ay at mauri fag taw ngaduge nu gleleg aroro sat fagmauriun.

Takamoyung 7:18

Lag o gfasawe siginan nu gfakamulun o takatanya, fakasakani tua, aroro fagayu tagsuyu Dius wa gfasawe fagayu nusnga setaw.

Takamoyung 8:8

Nu setain taw nu yud mafaragang tagmara, wa yangay mafaragang nu kabul. Kata nu sis awayan, kanya wa makafoli ya. Ay at fagmauriun wa mafalangfe anya siginans fakabulun.

Isayas 3:11

Dewa katanya, longi sat mauri fag ngay taw te, “Ida! Afanyuan wayam, aroro umdasug ban sa ayu faurianan. Namasud sa ayu kata ay nafakamulun sa ay iba.”

Isayas 30:13

umkamin ban am, ay ay asalanan kata karang si tangabat fag alad, ay masakit way nu kasuak.

Isayas 57:21

Sik taw at mauri wa ban mabayan nu gbanwan.” Katanya ku Dius at nalong angku.

Isayas 65:20

Ay sanya ban fag furuan at bagu kasalug ay at ngay sisian we kabul. Ay nusnga sinu ban at kinbul at banwa gina sadik sandan, kanya katap te, mabaguama yay, ay nusnga sinu at kinbul at yud nadasug sadik sandank banwa, tuyani anya te, ku nafaurianan.

Eremyas 44:10

Dasug katsi, yam kamababaun ay yam kalimu angku. Ay wam gfaning ku ngay suguan ay ku ngay faugali ku nafon sa ayu ay sa ay ngay mangaguyang.

Malakyas 3:18

Ay fagayu ban taw sumaful at matuyan ay at mauri fag ngay taw at fagsamanun, ay tagfakamulun sa angku ay at yud gfakamulun at fagsamanun.”

Uan 5:29

Ay kanya ban fagayu mesa gduksun siginan at fagmafolianan. Fagayu at nafakamulun at masine gdog yay ban kafulo ay e leleg at yud e fakatabuan kabavn. Ay fagayu at nafakamulun mauri gdog yangay ban kafulo ay gafaurianan.

Santiagu 4:14

At matuyan, wam nasaful te, o gleleg yay ban am balabag. Aroro ay leleg wa ngaduge kata way sik sungo, at masakit kalyam.

2 Pedru 2:3

Ay kafag ngay taw gdaya ban ayu siginan at ngay fakamuagun, aroro galabian salapi. Ngaduge wan faurianan nu mafalganan sa kafag ngay taw, ay munakbang wan kanya fagayu nu kamin.