Takamoyung 8:1 - Fanawbuid tagsibaliwas Fakayabian

¹ We mafasud sik taw at ke fagsafulun at mafayamag tua nusnge wain. Taw at ke fagsafulun mafauseganan tua ngay kamatan ay mafalyam tua nu kabalu.

Takamoyung 8:1 ပူးပေါင်းရင်းမြစ်များ

Fakasigadan 40:8

Ay duama gbalus anya te, “Nataginfan ami ay we gfayamag sa emi at masuad.” Use glong te, “Dius tagfon fagsafulun laman gfayamag ngay taginfan at masuad.”

Ub 33:23

Ay nu e sik libu di ktagbarita, ay at sadi nu mananwabilug di sas taw ay sas Dius, kanya ro nanlong sanya fag taw te, Kata tua tuy at matuyan.

Nu Galin 34:35

Muisis at fagnatabunun at kamatan laman ngay taw Israel di kasulo. Ay kanya nu gdog yay nanakbo sas Bale Ramit nabul yay fia at fantabun at kamatan laman gfakamatoan Yawi.

Fangatulun 1:6

ay umyamag yangay ngay fangatulun ay faydayuanan at masuad, ay at ngay ke fagsafulun at ngay fagintoun at masuksuk.

Fangatulun 12:8

Ngay taw gfauseganan tua sik taw ke fagsafulun, dewa katanya, sik taw at amatanganan nung way kamalingun, mauri way.

Fangatulun 17:24

At mamatanganan fag taw gugatan tua nangae fagsafulun, dewa katanya, at yud mamatanganan, nusnga setaw way lang at amatanganan.

Fangatulun 21:29

At mauri fag taw wa gamatangan ya nusnga setaw at fagnamakamulunun, dewa katanya, at matuyan fag taw gamatangan tua.

Fangatulun 24:5

Sik taw at ke fagsafulun, e fanambagun tua, laman ro ngay tagfawayan gina gfawayan kaugat yay nu kabitsug,

Daniel 2:22

Kanya wan tagfayamag at ngay masuksukan ay at maidap. Siwa anya famayamag ay nasaful nusnge wain tagsisad dulum.

Daniel 2:47

Kanya nalong sas Daniel te, “Aroro nafayamag tuo ku taginfan at masuad, gafanud au te, am Dius amabalyanan yap tua sas fagayu. Kanya tua nangus fag Fun ngay fun at fagtoglagun. Aroro kanya way lang at mafafayamag at ngay madulo.”

Mateu 17:2

Ay Isus at kawalungan anbali gina sit ibama at salubangan, ay at mata masulo kata menit. Ay anggan at lanbung at kalaksian, ganinag kata menit nu gyamag.

Fakamulun 4:13

Ay kanya fagayu andulo nu nalag Pedru ay Uan nu maseganama kamoyung, ay nu nasaful te, duama wa nadal ay we fagsafulun. Ay nasaful yangay te, duama Isus at ngay nasugu.

Fakamulun 4:29

Em Fun, saful way o kafag ngay taw mauri at algan sa emi. Nu katanya, fabitsugi emi laman maseganama nu gfoyung ami am longan.

Fakamulun 6:15

Ay kafag ngay tagfangguna nadama Esteban at kamatan ay nu glag, kata sik tagbarita at kamatan nu masulo.

Ruma 13:5

Nu katanya, masine nu gfaning tua tam fia tam ngay fun ste swa daga. Tam fagfakamulunun takatanya, di tam lang gsaruy Dius at fandotaman nu bunway aroro nasaful tua tam te, katanya tua at matuyan.

Efesu 6:19

Darangini yangay angku laman Dius gfon angku at matuyan fag longan laman maseganama nu gfoyung au Dius at algan at masuksukan sabaliwa at Masine fag Barita.

Deuterunumyu 28:50

Kanya fagayu madot ay wa ban kafanyu ya ayu dewa am at mafagtainan ay at masisian.

2 Timuteu 4:17

Dewa katanya, tam Fun naufud tua angku ay nafon angku fagmabitsugun laman mananfamoyung au at Masine fag Barita sas yud Udyu fag ngay taw. Tam Fun nafalangfe angku siginans fakabulun.

2 Pedru 1:20

Tagtungud sas fagayu, amatangani te, sis Dius at Longan we foyungan tagsiginan sik taglong at sadili famayamag.