Takamoyung 7:8 - Fanawbuid tagsibaliwas Fakayabian

⁸ Amasine yap tagfatabu wan nu gamut tagfasigad yay. At magwanta amasine yap tua takamatungudun.

Takamoyung 7:8 ပူးပေါင်းရင်းမြစ်များ

Fangatulun 13:10

Fakamatungudunun at fungfung fagawayanun way, ay fagsigadan fagbadbaboanun, dewa katanya, tagdungugan tua ngay foyungan, kanya gfasaful te, kafag taw e fagsafulun.

Fangatulun 14:29

Sik taw at magwanta, e fagsafulun, dewa katanya, tagfangauri fag taw gfalag te, we fagsafulun.

Fangatulun 15:18

Sik taw at masakit gfangauri, fagsigadan awayan, dewa katanya, at magwanta fag taw gfae fagmanabayanun.

Fangatulun 16:32

Amasine yap at magwanta, nu gamut sik taw at mabalyanan. Ay amasine yap sik taw nu saful tua gfaragang at sadili, nu gamut sik taw at nangagbilug sik furuan.

Fangatulun 28:25

Sik taw tagfangalabian, gfasigad awayan, dewa katanya, sik taw nu gafanud tua sas Yawi mul tua fagmaramramanun.

Takamoyung 7:1

At matuyan fag ngayan gtungud yay at mabyat fag ngay famaebebanglu nu kabayad, ay fakabulun fag menit amasine yap gina kasalug fag menit.

Lukas 16:25

“Abrayam nabalus sat maramraman fag taw te, ‘Sama, amatangani gina am gleleg, o manabayan tuo, ay Lasaru gidapan way. Katsi sia masun tua ay o man tagidapan.

Lukas 21:19

Ay nu nagwantan tua ban am, e leleg tua ban am at yud e fakatabuan.

Galasya 5:22

Dewa katanya, katatuy tua takalag si sik taw at leleganan siginan at Masine fag Falad at gubuk: kanya mafangesug tua, ay guseganan, ay manabayan, ay magwanta, ay mafangafanyu, ay e fagmasineun, ay mafamaning,

Efesu 4:2

Am famababauni tua, ay malukmei tua ay magwantai tua, ay maluayani ay mafangesugi.

Ebreu 10:36

Agwantani tua, laman mafafaning tuam Dius at fakaylatun, ay laman ban magbilug tuam at fatuyanan.

Santiagu 5:11

Amatangani. Malong tam te, mauseganan sik tagagwanta. Nadungug am sabaliwa Ub nu gagwanta, ay nasaful am tam Fun at nafakamulun sa anya sa oma taguyan. Tam Fun matuyan ay maksvn nu mafangafanyu.

Santiagu 5:8

Katanyai yangay anggan am. Fanyai ay faksvni ay ngay amatanganan aroro munakbang wan tam Fun nu kafoli.

1 Pedru 1:13

Nu katanya, falganani ay ngay amatanganan. Am maksvni ay e fagseguni te, Dius gfon ban ayu at fagmagalangun, gina ban tam Fun Isus andasug.