Takamoyung 7:7 - Fanawbuid tagsibaliwas Fakayabian

⁷ Sik taw ke fagsafulun nu nafamuag way, kanya kata way sik yud e fagsafulun. Nu nabul wo famaylatanun, nafauri wo am fagmasineun.

Takamoyung 7:7 ပူးပေါင်းရင်းမြစ်များ

Nu Galin 23:8

“Lag am gbul famayad nung way lang sik famaylatan, aroro tuy gfalyam taw siginan at matuyan, ay wa mafafon fagmatuyanun sas taw at yud e asalanan.

Fangatulun 17:23

At mauri fag taw gbul famayad laman fagmatuyanun wa kafasludan.

Fangatulun 17:8

Tagfon sik famaylatan nu gamatangan at fakamulun takatanya, masine, aroro mafafakamulun nusnga setaw.

Takamoyung 4:1

Nadog au nalag ngay nu e kamalingun stes fagdaul daga. Nalag au ngay tagafalingunan nu gwayway ay at yud ya e gfasun, aroro tagfalingun mabalyanan.

Takamoyung 5:8

Lag o kadulo dewa o e nalag si ay furuan ngay yud e kwa nu gafalingunan, ay nu yud gfon fagmabayanun ay fagmakatuun. Aroro tagfaidapan kanya fag ngay yud e kwa, sik tagfangguna, ay e gfadiuganan yangay kafag tagfangguna tiba yak tagfangguna tagtungud tua anya.

Takamoyung 8:9

Nalingaman au fagayu nusnge wain tagstes fagdaul daga, nalag au ngay taw ke fagmakatuun gfauri at iba.

Isayas 1:23

Am nafili fag ngay tagfangguna sik ngay takamabo way, ay ansadi sa sangay tagfangkamul. Ay kanya fagayu kaylat gbul ngay famaylatan fag ngay famayad anggan ngay famonun. Ay wa ggubuk at yud e fagtainan ya, ay wa kasalag ngay fagbubayun nu nke fagidapun.

Isayas 33:15

At manamanwan sas Dius at salubangan, tagfakamulun tua at masine ay at yud kamuag, ay at yud galabian salapi, ay at yud get sik famayad. Ay at yud gfadiuganan tiba nu gfabul tibak taw, ay at yud gfakamulun fagayu nusnge wain at mauri.

Deuterunumyu 16:19

Kanya nangus fagayu nu gfawabilugan di gfainbalian at matuyan, ay di e fagfadiugananun. Ay lag gbul famayad, aroro takatanya gsalag way at ke fagsafulun, ay gfaurianan at matuyan, ay gfaylatan sat ngay algan.

Deuterunumyu 28:65

Ay sanya ban fag talun wam e fagmabayanun ay wa ban e fagtungkudan. Yawi ban gfafanawa ayu ay wa ban am e fagsegun ya, ay mauri way gugat ay amatanganan.

1 Samwel 12:3

Katsi si au ay daga salubangan. Longi angku nu e nafakamulun kway sa ayu at mauri, ste sis Yawi ay at nafili fag fun at daga salubangan. O e nabul au ay ngay baka ay ay ngay asnu? O batang au kamuag ay gfabayan ayu? O ay batang au get sa ayu famayad laman gfae yud e masuad nusnga sinu si ayu at ke asalanan? Nu e nalag wayam ku nafakamulun takatanya fagayu, au waban tagfafasine.”

1 Samwel 21:14

Ay fun Akis nalong sat ngay fagsuguan te, “Damai! Kanya sik tagfansaful way! Wain ay fagnanantabananun stie?

1 Samwel 8:3

dewa katanya, wa kata at mama. Aroro kafag dua gfangalabian salapi, ay gbul ngay taw at famayad siginan nu gfadiuganan dewa yud matuyan, ay gsaruy at matuyan.