Takamoyung 7:25 - Fanawbuid tagsibaliwas Fakayabian

²⁵ Dewa katanya, gfataglayun au gamatangan ay gfanginsaful, laman umke fagsafulun au ay mafabalus au ku ngay fagintoun, ay laman sumaful au te, se aksvn tagfakamulun at mauri nu yud mamatanganan, ay se aksvn nu mauri at yud mamatanganan at amatanganan.

Takamoyung 7:25 ပူးပေါင်းရင်းမြစ်များ

Fakasigadan 34:7

Ay Akub at ngay baguama nu nasaful at kinfakamulun at mauri sas Dina, noli wa vtv siginan at fagfafangonan, ay ankuri sat ngay amatanganan ay maksvn nu kadotama Sekem, aroro nafakamulun at yud masine fag fakamulun tagfapla Akub at talananan.

2 Samwel 13:12

Ay Tamar wa naylat ay nalong anya te, “Lag o gfakamulun sa angku takatatuy aroro duksay way ta! Lag o gfae fakaplaun angku! Ay lag o gfakamulun at mauri sa sangay taw Israel at daga salubangan.

Fangatulun 17:12

Amasine yap gfablang sik tagfangagat fag mela, nu gamut sik taw at yud mamatanganan tagfakamulun at mauri.

Fangatulun 26:11

Sik taw tagugali gugat sit fagyudun mamatanganan, kanya kata way sik idu takon yay at fangkok.

Takamoyung 10:13

At yud e fagsafulun nu garingang, siginans fagsigadan mauri wan. Ay nu kaaduge wan, kaugat yay nu mauri kata sik tagfansaful,

Takamoyung 2:12

Nataw ya ban at fadogan fag fun at fagmafakamulunun? O nunda ban bunwa ebi at kinfasludan wan? Nafaskud kyangay gfaladlabian fagsafulun ay at yud e fagsafulun.

Takamoyung 2:15

Ay nalong au sa ku sadili te, at yud e fagsafulun at nadalan, gdalan kyangay ban. Nu katanya, nataw way ban ku fagsafulun at masuad? Ay gdog kyay nalong sa ku sadili te, “Anud, takatanya we masuad!”

Takamoyung 2:20

Nu katanya, namatangan au te, fangulan ku ngay nainlufuyan stes fagdaul daga.

Takamoyung 7:27

Au fag takamoyung glong au te, “Namatangan au fia fagayu nusnge wain, laman grvbvy au famalus ku ngay fagintoun. Dewa katanya, kwa nasaful at famalus ku ngay fagintoun. Ay nasaful au sik mafanud, nalag au sadik libuk mangama, ay kayu kanya sadi way at matuyan, ay si sik libuk mangena nusdi sadi we matuyan.

Uswe 7:13

“Malindugi wan, ay nanlong o sa sangay taw te, ‘Fasinei ay ngay sadili laman ban balabag mafalganan tuam, aroro au Yawi, Israel at Dius, glong au te, e nafasuksuk am sik ngay ramraman at mafalganan laman sik fanggalangun sa angku. Wa ban am makatu gfawayan ay ngay fawayan kaduge nu si ayu kanya fag ngay ramraman.