Takamoyung 7:2 - Fanawbuid tagsibaliwas Fakayabian

² Amasine yap at nanlag at kinbul nu gamut sa sik tagbia fag ngay falganan, aroro fagayu ban kabul way. Ay fagayu nangus tagleleg yay gamatangan tua gugat takatanya.

Takamoyung 7:2 ပူးပေါင်းရင်းမြစ်များ

Alubad. 90:12

Fasafuli emi te, em leleg wa ngaduge, laman gugali tuami kata at ke fagsafulun.

Takamoyung 2:14

Ke fagsafulun saful tua at fagnangadasugan, ay at yud e fagsafulun nu glao sa ways fagmadulumun. Dewa katanya, nasaful kyangay te, nusnga sinu kabul way.

Takamoyung 2:16

Fagayu tam at ke fagsafulun ay at yud e fagsafulun gsud way ban tam kabul ay kalyam.

Takamoyung 3:19

Ngay taw at kayaunanan kata yangay ngay mela; kabul way. Ay gsud way e engasan, nu katanya, ngay taw we fagmafanagsagun sa sangay mangilafang. Anud fagayu we masuad ya!

Takamoyung 3:20

Katanya yay kanya fagayu at fakadasugan. Fagayu siginan ways daga ay kafoli way ban sas daga.

Takamoyung 6:6

at yud e fagmabayanun sat nabul nusnga setaw ay dewa duak libuk banwa nu gleleg. At mafanud sadi way fagayu taw at fakadasugan.

Takamoyung 9:2

Nusnga sinu fag gaban taw sadi way at fakadasugan, ngay taw at masine ay mauri, at matuyan ay at yud matuyan, at masine ay tagasalanan ay tagfon at fanggalangun ay at yud gfon at fanggalangun. Gsud way at matuyan ay at yud matuyan ay tagfauri ay yud gfauri.

Takamoyung 9:3

Katatuy at yud masine takafasludan stes fagdaul daga, katanya yay ban fagayu at fakatabuan. Ay bundi lang takatanya; ngay taw at fagamatanganun kaduge gleleg fagmauriun way lang ay fagyudun mamatanganan, ay sanya ginan kanya kabul yangay.

Takamoyung 9:5

At mafanud, fagayu taw saful way te, kabul. Dewa katanya, at kinbul wa saful ya, ay we fagmabulun ya at fagnamulun, ay wa yangay e gamatang ya anya fagayu,

Isayas 47:7

Ebi glong o te, ‘Sik mangena au fag fun ay kdi e fakatabuan.’ Ay wo namatangan am ngay nafakamulun takatanya, ay wo namatangan ya te, setain ban takafasludan sa emu.

Eremyas 16:8

Lag yangay gsakbo sa sik bale at ke ngay falganan laman nanfangon ay nanginum.

Agay 1:5

Amatangani nu mabanwan am katsi.

Tap 23:10

We mafatap Akub at ngay kasugfunanan aroro kanya fagayu ngayu, kayu lukbu. Nu kabul au nangus kata tua at matuyan fag taw, ay ku fakatabuan nangus umkata yangay anya fagayu.”

Mateu 5:4

Mauseganan ngay taw takabalu, aroro kanya gbul ban Dius at nafatuyanan.

Deuterunumyu 32:29

Kanya fagayu nu e fagsafulun di, nasaful tua ro takafasludan sa anya.

Deuterunumyu 32:46

Muisis nalong sa sangay taw Israel te, “Amatangi fia fagayu ku longan sa ayu katsi fag menit. Ay foyungi yangay ban sa ay ngay sisian laman ban mafafaning yangay.

Filipus 3:19

Kanya ban at fungfung fakaminun way, aroro gseg at bilug at fakaylatun. At fagusegananun at mapla way, ay at fagamatanganun tagste way swa daga.

Ebreu 9:27

Ay Dius at ke algan te, ngay taw nu kabul sayginan way, ay sanya ginan nanginsaful at ngay nafakamulun.