Takamoyung 7:18 - Fanawbuid tagsibaliwas Fakayabian

¹⁸ Lag o gfasawe siginan nu gfakamulun o takatanya, fakasakani tua, aroro fagayu tagsuyu Dius wa gfasawe fagayu nusnga setaw.

Takamoyung 7:18 ပူးပေါင်းရင်းမြစ်များ

Fangatulun 12:21

Di e kadasug at mauri sa sik taw at matuyan, dewa katanya, ngayu takafasludan at mauri sat mauri fag taw.

Fangatulun 8:20

Glao au sat matuyan ay sat mafanud fag dalan.

Takamoyung 11:6

Tanumi am bvtang siginans balabag anggan anyabi, aroro wo saful te, inda fag bvtang tagtugbung, o ay gtugbung tua fagayu.

Takamoyung 12:13

Katsi, natap wo fagayu, ay kata ya tuy ku fangatulun taguyan: Alimui Dius ay faningi at ngay suguan, aroro katanya galay sik taw at fakamulun.

Takamoyung 3:14

Saful au te, Dius at nawat fagayu wa ban kalyam kabavn ay wa tam e fagmafamutun ay e fagmabuinun ya. Dius gfakamulun takatanya laman gsuyu tua tam anya.

Takamoyung 5:7

Tangayu fag taginfan ay fag aringang we masuad. At masine, suyui tua Dius.

Takamoyung 8:12

Sik taw at nasalan sadik sandan ginan, ay dewa yay ngaduge nu gleleg, nasaful au te, amasine yap ban sik taw takalimu tua Dius at fakadasugan.

Takamoyung 8:13

Sik taw at mauri at yud kalimu Dius wa ngaduge nu gleleg. Kata way sik aninu at masakit kalyam.

Eremyas 32:40

Ay nangawat kban sik nasadian sa anya fagayu te, gfakamulun ktua ban gugat at masine sa anya fagayu. Ay namoyung kban anya fagayu nu setain nu gsuyu angku laman ban kanya fagayu wa kayayu ya siginan angku.

Malakyas 4:2

Dewa katanya, am tagsuyu angku, gfalangfe ktua ban ayu kata menit at yamag nu bagu kasure tagfon fagmafianun. Ay gtudtulbuan ban am guseganan kata sik ngay riangan baka at nalfas siginans fagubungan.

Lukas 1:50

Ay kanya kafanyu fagayu kasugfunanan tagseg anya.

Lukas 11:42

“Ida, am fag ngay taw Fariseu, aroro dewa am gfon at fasafuluk afud sas Dius siginan ay balanuy ay ay banglad ay fagayu ay famaebebanglu ay fakonun, nalyam wayam gfakamulun at matuyan sa ay iba, ay nu kesug am Dius. Nu ddi am nalyam at mafanud fag ngay suguan, dangay kalyam anggan talay fag ngay suguan.