Ay mangena nafanud ule at nalong, ay kanya nalingaman kafag fun kayu, ay namatangan te, mataba ro siring at rawvg nu kaon. Ay aroro kaylat kae fagsafulun, kanya narabas sadik rawvg ay naon ay sik baltak nafon sat indugan.
“Ida, am fag ngay tagfoyung Muisis at Faugali ay am fag ngay taw Fariseu, ngay takamaningan wayam! Kawat am ngay fagfolian laman sas Dius at ngay taglong, ay gfasine yangay am ngay fagfolian laman sat matuyan fag ngay taw.
“Ay kafag ngay taw gfalagan way lang, laman ngay taw gdama anya. Kanya nafabia fagsuadan Dius at Longan sit alfuyu, ay nafaba at farangfangan sit fungfung lanbung.
Ay arodi Uan Tagfasurung at ngay tagadal nanangakbang sas Isus ay ginto te, “Wain manga ami ay anggan ngay taw Fariseu em fagebukngaun yud gfangon laman gdarangin, ay am ngay tagadal wa gfakamulun takatanya?”
Ku ngay faduksay, kaylat au nu sumaful am tuy fag masuksukan at masuad, laman diam kamatungudun. Wa ban glugo ngay taw Israel nu kamaogatun at ngay amatanganan. Kanya ban fagayu di kamaogatun ya, gina ban ansak at kayuan at yud Udyu fag ngay taw tagafanud sas Dius.
Aroro Dius nafon tua sa angku tiba tungud fag fagmasineun, glong au sa ayu fagayu te, lag am gamatangan te, gtungud tuam ay iba, nu dway matuyan, nu bunway amatangani fia ay kayaunanan at matuyan, kata ay fagafanudun Dius at nafon sas galay ayu at sadi.
Nusnga sinu lag gdaya at sadili. Sik taw nu gamatangan te, e fagmamatanganun au kata tagste swa daga at fagmamatanganun, tapi at sadili te, yud e fagsafulun, laman ban at fagmamatanganun sik matuyan tua fia.
Lag am gatabanan nusnga sinu at yud matuyan nu kamababaun ay tagseg ngay tagbarita. Takatanya fag ngay taw gfoyung sabaliwa at ngay taginfan, ay kamatungudun sabaliwa at ngay amatanganan tagfaning ste swa daga fag ngay ugali.
Ngay taw at amatanganan, kafag ngay foyungan kata tua at mamatanganan fag taw at foyungan, aroro kafag ngay tagfandaya maksvn nu gseg ngay tagbarita, ay wa matuyan nu kamababaun ay gfaidapan at sadili. Dewa katanya, takatanya fag ngay suguan wa mafafaragang tam bilug at fakaylatun.
Kafag ngay taw gfoyung te, mauri way takadadwa, ay gsalag te, “Lag kon tibak fakonun,” dewa Dius at nawat kafag ngay fakonun laman ngay tagafanud ay at nasaful at matuyan gbul guseganan sas Dius.
Ay kanya ban fagayu gwayway ay gfasat alfuyu dafug, fakatoglagan te kabalu, ay guro te, ‘Fangulan, fangulan, o fag furuan takadungug. Fagayu at ke sakayan lino, anramraman siginan am ramraman. Ay am ramraman nu kamin sik buknga way sirut!