Takamoyung 7:14 - Fanawbuid tagsibaliwas Fakayabian

¹⁴ Useganani, nu manabayan tua nu mabanwan o. Dewa katanya, nu gidapan way o, amatangani te, Dius wan tagfakamulun tuy fag duak kaugalian. Laman wa tam saful takadasug ban balabag.

Takamoyung 7:14 ပူးပေါင်းရင်းမြစ်များ

1 Fun 8:47

ay kanya ban fagayu nu nafabali tua at amatanganan, ay nu naubun tua at asalanan ay nafainfanyuan glong sa emu te, ‘Anke asalanan ami ay nafakamulun ami at mauri,’

Ub 2:10

Ay Ub gbalus te, “Am ngay longan kata way sik mauri fag mangena at ngay longan. O nunda ban at masine way lang fagayu tam fakaylatun siginans Dius, o ay nunda ban bunwa anggan tua fagidapun?” Ub dewa nadalan takatanya fagayu, kanya di nasalanan ay di nafayud Dius.

Alubad. 119:71

Masine at kindasug sa angku fag fagidapun, aroro siginan takatanya, nasaful ktua am ngay foyungan.

Alubad. 40:3

Ay kanya nafoyung angku sik bagu fag alubad laman famauseganan anya. Ngay taw nu nalag takatanya, gsuyu ay gafanud sas Yawi.

Takamoyung 10:14

ay wa gfaragang nu garingang. We taw nasaful takadasug ban, nu katanya, we mainto te, setain ban takadasug nu nbul tam.

Takamoyung 11:9

Am at mabaguama yay, mabayani tua kaduge am mabaguama. Fakamuluni ay fakaylatun gfakamulun, dewa katanya, amatangani te, Dius ban gfaurianan ayu kata ay nafakamulun.

Takamoyung 12:13

Katsi, natap wo fagayu, ay kata ya tuy ku fangatulun taguyan: Alimui Dius ay faningi at ngay suguan, aroro katanya galay sik taw at fakamulun.

Takamoyung 12:8

Takamoyung nalong te, we masuad! Matuyan wan fagayu we masuad!

Takamoyung 3:22

Nu katanya, namatangan au te, at masine taw at fakamulun useganani yakman lang sat ngay nainlufuyan, aroro kanya at fagagbilugun wan. Nusnga sinu fag taw we malong te, nataw ban takadasug nu nbul wan.

Takamoyung 3:4

E buknga galiasun, ay e buknga kase, ay e buknga kabalu ay e buknga guseganan.

Takamoyung 5:17

Kaduge tam gleleg ngayu tam fagidapun, fagmauriun, fakasaitun ay tam fakauriun.

Takamoyung 8:7

Aroro nusnga sinu we saful takadasug, ay we malong te, katanya takadasug.

Takamoyung 9:7

Useganani, fangoni, ay mamami fanlangu, aroro kanya Dius at fakaylatun am fakamulun.

Isayas 26:11

Yawi, nafalganan wo laman namauri anya, ay dewa katanya, wa nasaful. Yawi, foyungi anya. Faplani anya laman lumag te, se aksvn nu kesug o am ngay taw. Famini wan am ngay tagfawayan siginans afuy.

Isayas 42:25

Nu katanya, Yawi nafalag sa antam at dotama maksvn, ay nafaidapan antam sa tam ngay fawayan. Kanya nu kadotama kata sik afuy at maligung tagirug antam, aroro wa tam nafandungug ay namatangan.

Eremyas 23:20

Wa ban kalyam ku dotama yakmay kban nafafasludan ku fakaylatun gfakamulun. Ay sa ban taguyan fag ngay menit, sumaful yayam at masuad.

Takabalu 3:38

Tiba Tungud fag Dius at ke algan fagayu takafasludan, at masine ay at mauri.

Mikas 6:9

Dungugani Yawi at longan sas furuan Erusalem, nusnga sinu tagsuyu Yawi e fagsafulun tua. “Uda at ngay kasugfunanan, nangaful am sas furuan Erusalem laman nandungugan am anya.

Mateu 9:13

Amatangani ay asafuli at masuad Dius at Longan te, ‘Ku fakaylatun bunwa ay fanggalangun, nu bunway kaylat au nu kafanyu am ay iba.’ Aroro ku fagnastaeun kwa namaful at matuyan fag ngay taw sa angku, kayu way at ke asalanan.”

Fakamulun 14:22

ay nafaksvn ngay tagafanud at ngay amatanganan, ay nalong te, “Banwani matuyan sa ay fagafanudun.” Ay nalong yangay te, “Dumalan tam ngayuk fagidapun laman Dius gfagtainan tua ban antam.”

Deuterunumyu 26:11

Useganani aroro masine ay Dius Yawi at nafon sa ayu fagayu nusnge wain, ay sa ay ngay talananan. Gina am maful, tabani ngay taw Lebi ay anggan ay ngay betaw tagbanwan si ay talun.

Deuterunumyu 28:47

Aroro wam nauseganan nafakamulun sa ay Dius Yawi gina am maramraman,

Deuterunumyu 8:3

Ay nafasik takamababaun ayu siginan sik fanlunus. Ay sanya ginan nafon ayu mana, am ay anggan ay mangaguyang ay fagyudun toglag fag fakonun. Yawi nafakamulun takatanya laman namoyung ayu te, bundi lang sis fakonun taw nu gleleg nu bunway si tuas Yawi at ngay longan.

Deuterunumyu 8:5

Amatangani te, sik fagtainan nung way gsalag at sisian katanya yangay anggan ay Dius Yawi nu gsalag ayu.

Santiagu 5:13

Nusnga sinu si ayu at ke fagagwantanun, kanya darangini. Ay taguseganan, alubadi fauseganani tam Dius.