Takamoyung 7:1 - Fanawbuid tagsibaliwas Fakayabian

¹ At matuyan fag ngayan gtungud yay at mabyat fag ngay famaebebanglu nu kabayad, ay fakabulun fag menit amasine yap gina kasalug fag menit.

Takamoyung 7:1 ပူးပေါင်းရင်းမြစ်များ

Ub 3:17

Ngay taw mauri at kinbul wan wa mafakamulun ya at mauri sis fagfolian, ay takalufuy fag ngay taw at kinbul wan, gfiangalay wan.

Alubad. 133:2

At fagmasadiun kata sik mabebanglu fag langis at mabyat nu kabayad, kata at naugwag fag langis sas Arun at alfuyu at nataribisan sat umi ay sat lanbung.

Fangatulun 15:30

Sik taw nu manabayan tua, guseganan, ay sik barita nu masine tua nu kadungug, mauseganan.

Fangatulun 22:1

Amasine yap sik ngayan at yud e malong, nu gamut nangae ramraman. Ngay taw nu gsuyu emu, amasine yap tuas sanbung salapi ay gintu.

Fangatulun 25:10

Aroro ngay taw ro nu nasaful way, gafaplan ro wo.

Fangatulun 27:9

Sik langis ay sik famaebebanglu gfae fagusegananun ngay taw, kata kanya at matuyan fag fagadgalangan at fangatulun nu gfae fagmanabayanun.

Takamoyung 10:1

Nu setain sik lango at kinbul nu mafabasung sik bubug famaebebanglu, katanya yangay fagyudun mamatanganan, marasras way fagsafulun ay fagmatuyanun.

Takamoyung 4:2

Nu katanya, nalong au te, amasine yap at kinbul nu gamut tagleleg.

Takamoyung 7:8

Amasine yap tagfatabu wan nu gamut tagfasigad yay. At magwanta amasine yap tua takamatungudun.

Sulumun at Alubad 1:3

Am famaebebanglu maksvn nu mabebanglu, ay am ngayan maylat tua, nu katanya, wa madulo ngay baguina nu galabian emu.

Sulumun at Alubad 4:10

Ku fakesugun fag baguina, nu kesug o we gfasud; dewa at matamis fag fanlangu. Am famaebebanglu nu kayuk amabebanglu yap tua tibak famaebebanglu.

Isayas 56:5

masakbo tua ban sa ku bale, ay gfae fagusegananun kban anya gtungud tua nu nke sisian, laman ban ngay taw gamatang tua gugat anya fagayu.

Unas 4:3

Yawi, fabuli wan angku, aroro kaylat kwan nu gfabul o angku nu gamut nu gleleg au.”

Lukas 10:20

Dewa katanya, lag guseganan te, at mauri fag ngay falad gfaning ayu. Useganani way aroro ay ngayan anriruk wan sas banwa.”

Uan 13:2

Ginanya fag yabi, Isus ay at ngay tagadal gasfuan gfangon. Ay Satanas nafae amatanganan wan Udas Iskariute, Simun at baguama, laman namoyung ban Isus sat mauri fag ngay taw.

2 Kurintu. 5:1

Nasaful tam te, dewa ban anrasras wan tam fagbanwanan ste swa daga, at masuad tam bilug, tam Dius e nafalganan tua sik fagbanwanan at yud karasras kabavn, ay kanya fag fagbanwanan bunwa taw at nawat.

2 Kurintu. 5:8

Guseganan wami, ay gamatangan wami te, masine wami gubun tuy fag bilug laman namanwan tuami sa tam Fun at day tigyangan.

Ebreu 11:2

Dius maksvn nu guseganan ebi taguna fag ngay taw, aroro gafanud tua sa anya.

Ebreu 11:39

Aroro kafag ngay taw gafanud tua, Dius gtoglag tua ban anya fagayu kabavn. Dewa katanya, Dius at fatuyanan ya nfasludan gina kafag ngay taw gleleg.

At Nafasure 14:13

Ay nadungug au sik aringang siginans banwa nu glong te, “Riruki takatatuy, Siginan katsi, mauseganan at kinbul tagafanud sa tam Fun.” Ay at Masine fag Falad glong te, “Sabv ngaro. Kanya fagayu gfiangalay ban siginan at nainlufuyan, aroro Dius gfon ban sa kafag ngay taw kata at nafakamulun.”

Rut 3:14

Ay Rut natiug wan sis Buas at day darafa. Ay nu gakamenitun wan, Rut anfulo, aroro Buas wa kaylat nu e nasaful te, Rut siginans fagruyusan.