Takamoyung 6:12 - Fanawbuid tagsibaliwas Fakayabian

¹² We taw nasaful at masine laman sa sik taw yud ngaduge ay at yud e masuad at leleg, kanya kalyam way kata aninu. Ay sinu at malong sa anya takafasludan ban sas fagdaul daga gina kanya anbul?

Takamoyung 6:12 ပူးပေါင်းရင်းမြစ်များ

1 Krunika 29:15

Yawi, nasaful wo te, betaw way mi ste swa daga, kata em ngay mangaguyang. Nu katanya, em leleg kalyam way kata sik aninu.

Ub 14:2

Kata waymi sik barugwak at kinrafad, takalangke way vtv, ay kata yangay mi sik aninu takalyam way vtv.

Ub 14:21

Kanya wa nasaful ya te, o e kesug yay at ngay sisian, ay o mannga gafaplan wan.

Ub 8:9

Aroro kata yay nu yud glugo nu kasalug tam ay kurang yay tam fagsafulun, ay tam ngay menit ste swa daga kata way sik aninu at masakit kalyam.

Alubad. 102:11

Ku leleg kalyam way kata sik aninu nu kalyam galay sfafun, ay kata sik makmak takagong.

Alubad. 109:23

Ku leleg gakalyamun wan, kata sik aninu takalyam nu nyabi, ay kata sik liung taglayug nu e nauig at fagafunan.

Alubad. 144:4

Kanya kata way tagmara, ay at leleg kalyam way kata sik aninu.

Alubad. 16:5

Yawi, aroro si tuo angku, kwe fagayudanun ya, ay kabavn gbakvd o sa ku fagunan.

Alubad. 17:15

Ay au, matuyan ktua, ay lumag au emu. Nu nfulo kwan, lumag au am fagmasineun, ay nu katanya umke fagmanabayanun au.

Alubad. 4:6

Ngayuk taw taglong te, “We mafon ya sa emi nusnge wain fag famonun.” Yawi, afanyui emi.

Alubad. 47:4

Kanya nafili sik talun laman tam fagagbilugun, Akub, Yawi at fakesugun, at fagfanagsagun.

Alubad. 89:47

Saful way o te, taw at leleg wa ngaduge, ay kabul way masakit. O nunda am nawat fag ngay taw kata way nu yud e tungkul?

Takamoyung 10:14

ay wa gfaragang nu garingang. We taw nasaful takadasug ban, nu katanya, we mainto te, setain ban takadasug nu nbul tam.

Takamoyung 12:13

Katsi, natap wo fagayu, ay kata ya tuy ku fangatulun taguyan: Alimui Dius ay faningi at ngay suguan, aroro katanya galay sik taw at fakamulun.

Takamoyung 2:24

At masine ngay taw at fakamulun gfangon, ginum, ay gfae masuad at ngay nainlufuyan. Nasaful au te, takatanya tua tagsiginans Dius.

Takamoyung 2:3

Ay nafaskud kwan taguseganan ginum fanlangu. Dewa au e fagsafulun, nafakamulun au kata yud e fagsafulun, aroro namatangan au te, katanya tua siring ngay taw at fakamulun at masine dewa yud ngaduge at leleg ste swa daga.

Takamoyung 3:22

Nu katanya, namatangan au te, at masine taw at fakamulun useganani yakman lang sat ngay nainlufuyan, aroro kanya at fagagbilugun wan. Nusnga sinu fag taw we malong te, nataw ban takadasug nu nbul wan.

Takamoyung 6:11

Ay kaduge tam gfabadboan, kayu way tam ngay aringang at yud e masuad. Ay nataw at fanambagun takatanya?

Takamoyung 7:15

Kaduge au gleleg at yud e masuad, nalag au fagayu nusnga setaw. At matuyan fag taw masakit nu kabul dewa matuyan at fakamulun, ay at mauri fag taw ngaduge nu gleleg aroro sat fagmauriun.

Takamoyung 8:13

Sik taw at mauri at yud kalimu Dius wa ngaduge nu gleleg. Kata way sik aninu at masakit kalyam.

Takamoyung 8:7

Aroro nusnga sinu we saful takadasug, ay we malong te, katanya takadasug.

Takamoyung 9:6

ay nalyam wan nu mafangesug, nu kadotama ay nu gfangalabianun, at ugali gina gleleg. Ay wa yangay saful ya fagayu takadasug stes fagdaul daga.

Takamoyung 9:9

Manabayani magamut am mangena, kaduge Dius at nafon emu fag leleg at yud e masuad stes fagdaul daga. Aroro o wan tagagbilug am nainlufuyan kaduge o stes fagdaul daga.

Mikas 6:8

Mikas gbalus te, “Yawi nafoyung wan sa antam at masine. Katatuy at fakaylatun tam fakamulun: Fakamuluni at matuyan, afanyui tam ngay iba, ay ugalii famababauni sas Dius.”

Santiagu 4:14

At matuyan, wam nasaful te, o gleleg yay ban am balabag. Aroro ay leleg wa ngaduge kata way sik sungo, at masakit kalyam.