Takamoyung 6:11 - Fanawbuid tagsibaliwas Fakayabian

¹¹ Ay kaduge tam gfabadboan, kayu way tam ngay aringang at yud e masuad. Ay nataw at fanambagun takatanya?

Takamoyung 6:11 ပူးပေါင်းရင်းမြစ်များ

Alubad. 73:6

Nu katanya, kanya fagayu wa kapla gfalag at fakamatungudunun ay at fagmadotun.

Takamoyung 2:15

Ay nalong au sa ku sadili te, at yud e fagsafulun at nadalan, gdalan kyangay ban. Nu katanya, nataw way ban ku fagsafulun at masuad? Ay gdog kyay nalong sa ku sadili te, “Anud, takatanya we masuad!”

Takamoyung 3:19

Ngay taw at kayaunanan kata yangay ngay mela; kabul way. Ay gsud way e engasan, nu katanya, ngay taw we fagmafanagsagun sa sangay mangilafang. Anud fagayu we masuad ya!

Takamoyung 4:16

Ay dewa ban yud katap ya at fagfunanun, at fadogan ban fag kasugfunanan wa guseganan anya. Ay anggan takatanya we masuad, kata way nu gfafalo o tagmara.

Takamoyung 4:8

E sik taw tagsadilian way kaduge gleleg. Kanya we sisian ay we faduksay. Dewa katanya, kanya wa gfaragang nu gfakamulun ay ya guseganan at ramraman. Ay kanya nalong te, “Kwe buknga ya guseganan aroro maksvn nu gfakamulun au. Dewa katanya, kwa ban e fagfatigwanan ya fagayu ku ngay nainlufuyan.” Ay takatanya we masuad! Ay maksvn nu mabalu takatanya fag leleg.

Takamoyung 5:7

Tangayu fag taginfan ay fag aringang we masuad. At masine, suyui tua Dius.

Takamoyung 6:10

Fagayu takadasug sas fagdaul daga ay sa sik taw, siginan ebi mafalganan wan. Nu katanya, we tungkul tam nafabadbaboan Dius, aroro kanya gtungud tua antam nu mabalyanan.

Takamoyung 6:12

We taw nasaful at masine laman sa sik taw yud ngaduge ay at yud e masuad at leleg, kanya kalyam way kata aninu. Ay sinu at malong sa anya takafasludan ban sas fagdaul daga gina kanya anbul?

Usea 12:1

Ngay taw Israel gseg at yud e masuad. Fagngabak menit kanya fagayu gfafalo nusnge wain tagtaban anya sas faurianan. Kanya fagayu gtungud yay nu mauri ay nu kamuagan, ay nanangasadi sas Asirya ay talun Igiptu, nu katanya, kanya fagayu gfon sas talun Igiptu langis at yud e famayad.