Takamoyung 5:8 - Fanawbuid tagsibaliwas Fakayabian

⁸ Lag o kadulo dewa o e nalag si ay furuan ngay yud e kwa nu gafalingunan, ay nu yud gfon fagmabayanun ay fagmakatuun. Aroro tagfaidapan kanya fag ngay yud e kwa, sik tagfangguna, ay e gfadiuganan yangay kafag tagfangguna tiba yak tagfangguna tagtungud tua anya.

Takamoyung 5:8 ပူးပေါင်းရင်းမြစ်များ

2 Krunika 26:10

Ay anggan sis talun at yud e taw, kanya nafawat yangay ngay bale ngabat ay nafaali ngay bubun laman fagfungsuan mamam, aroro ngayu at ngay fagbaugun sa sangay buksul tagsibaliwas fakayabian, ay tagsi sangay datag. Kanya e ngay fagsuguan laman galaga at gamasun, at ngay tanum ubas, tagsi sangay buksul ay tagsisad datag, aroro kanya kaylat gfananumun.

Ub 24:23

Dius kaylat way kanya fagayu nu gbanwan manabayan, ay aroro mangaro gulit way at ngay fakamulun.

Alubad. 12:5

Yawi nalong te, “Kadasug kwan, aroro ngay yud e kwa gafalingunan, ay ngay tagidapan gurungan get sa angku. Ay namae fagmanabayanun au anya fagayu kata at fagetun.”

Alubad. 55:9

Ku Fun, fasayuani anya fagayu gina gkamatoanan. Ay nalag au sanya fag furuan daul nu mauri ay nu yud mabayan.

Alubad. 82:1

Dius gfangguna at ngay taw nu maful. Sis wabilug ngay tagfangguna, kanya wan taginsaful.

Alubad. 83:18

laman ngay taw sumaful te, o wan, Yawi, Tiba Tungud fag Dius sas fagdaul daga.

Alubad. 95:3

Aroro Yawi wan at mabalyanan fag Dius. Ay sia tua at mabalyanan fag Fun sas fagayu fagsegan.

Fangatulun 22:16

Nusnga sinu fag taw tagfon sat maramraman, ay tagfalingun at maidap fag ngay taw laman kaylat kae ramraman, kanya ban umsik yud e kwa.

Fangatulun 24:12

Lag o glong te, “Kwa nasaful at kinfasludan,” aroro Dius saful way am nalong nu matuyan tua ay duan, ay saful way am amatanganan. Ay namon ban sa emu kata am nafakamulun.

Fangatulun 8:17

Kesug au fagayu takesug angku, ay fagayu tagrvbvy angku lumag angku.

Takamoyung 3:16

Ay nalag kyangay te, fagmauriun way takafasludan stes fagdaul daga abat ngate fagmatuyanun ay fagmasineun.

Takamoyung 4:1

Nadog au nalag ngay nu e kamalingun stes fagdaul daga. Nalag au ngay tagafalingunan nu gwayway ay at yud ya e gfasun, aroro tagfalingun mabalyanan.

Takamoyung 5:9

Dewa katanya, funan tua tangayu at fagmabulun nusnga setaw siginan at yud e kwa fag ngay taw at ngay daga.

Takamoyung 7:7

Sik taw ke fagsafulun nu nafamuag way, kanya kata way sik yud e fagsafulun. Nu nabul wo famaylatanun, nafauri wo am fagmasineun.

Takamoyung 8:9

Nalingaman au fagayu nusnge wain tagstes fagdaul daga, nalag au ngay taw ke fagmakatuun gfauri at iba.

Isayas 10:12

Dewa katanya, tam Fun Dius nalong te, “Gina ban antabu nu gagbilug au Asirya at fun nu namafasludan ku algan fag faurianan sas Buksul Siun ay sas furuan Erusalem, namaurianan kyangay ban anya, aroro kanya kamatungudun ay kamanagsag!”

Isayas 3:15

Wain ay fagnafauriananun ku ngay taw, ay ay fagnabulun at yud e kwa fag ngay taw at ngay fagagbilugun, kata nu natigna am at ngay alfuyu sas daga?” Katanya tam Fun, Yawi at Mabalyanan at longan.

Isayas 37:36

Ay Yawi at tagbarita nalao sas Asirya at fagmafulan ay nafabul sadik sandan waluk safulu e limak libuk tagfawayan. Gina sis balabag sirut, at ngay tagleleg nu nfulo, nalag kafag ngay mabulan.

Isayas 5:7

Yawi at Mabalyanan at tanuman wat ubas, ngay taw Israel wan. Ay at fagusegananun fag ngay wat ubas at bagu gtugbung, ngay taw Uda wan. Yawi at fagsegun at tanuman namasure nangus fagmatuyanun, dewa katanya, kanya fagayu nafamabul way. Ay kanya gseg yangay te, at tanuman namasure at fagyudun e malong, dewa katanya, at fakamulun, kamalingun way.

Isayas 57:15

Ay Tiba Tungud fag Dius at yud e malong ay tagleleg kabavn, glong yay fia te, “Gbanwan au sa tangabat ay yud e malong fag buknga, dewa katanya, gbanwan kyangay maful si sangay taw takamababaun ay at naubun at asalanan, laman gfabitsug au anya fagayu.

Esekyel 18:18

Dewa katanya, at mama ban umbul, aroro kanya gfangalabian way salapi, gfangkamul ay gfakamulun at mauri sat ngay iba.

Amus 5:12

Aroro saful kway at kayuan ay nu se aksvn ay ngay asalanan. Gfalingun am ngay taw at yud e asalanan ay gbul at ngay salapi. Ay wa gsud nu gfawabilugan am sat yud e kwa.

Amus 6:12

O ay nunda sik kabayu manantarung sas wa gang? O ay nunda sik baka maali sanya? Duan! Dewa katanya, nafalingun am ngay taw siginan nu gfawabilugan am, ay wam gfae masuad at matuyan.

Mikas 2:9

Naiyan am at ngay mangena siginan at ngay bale. Ay naago am at ngay sisian ku ngay famonun sa anya, nu katanya, kanya fag ngay sisian wa manangafoli ya sat ngay fagtainan kabavn.

Sakaryas 8:6

Yawi at Mabalyanan nalong yay fia te, “At sawad ban fag ngay taw umke amatanganan te, maidap way ban takatanya nu kafasludan. Dewa katanya, wa maidap sa angku.

Malakyas 3:5

Yawi at Mabalyanan glong te, “Kadasug kban laman nanginsaful ayu. Ay gfatuyan kban vtv te, mauri ngay tagfangabalo, takamuagan fag tagwabilug, at yud gfakasakan at famayad sat ngay fagsuguan, tagfauri ngay fagbubayun ay at yud e fagtainan ya, ay at yud matuyan sat ngay betaw. Namakamulun kban takatanya sa ayu, at yud gsuyu angku.”

Lukas 1:32

Kanya ban mabalyanan ay gfangayan ban te, Tiba Tungud at Baguama. Ay Dius tam Fun namon ban anya at mangaguyang Dabid at fagmafunanun.

Lukas 1:35

Ay tagbarita nabalus te, “At Masine fag Falad umdasug ban sa emu, ay anggan Tiba Tungud at fagmabalyananun umtayuk ban sa emu, laman ban am fagfasalugun fag sisian yud e malong gfangayan ban anya te, Dius at Baguama.

Lukas 1:76

Ay o, ku munama, gfangayan ban emu te, Tiba Tungud fag Dius at Taglong. Aroro gumuna ban o tam Fun, laman ban namasine o at dalan,

Fakamulun 12:23

Ay arodi vtv tam Fun at tagbarita at sadi nafaurianan Erudes, aroro kafag fun nu kamatungudun wa sas Dius. Ay ulud naon anya ay anbul wan.

Ruma 11:33

Maksvn tua Dius at fagmagalangun ay at fagmamatanganun ay at fagsafulun. We taw nasaful Dius nu gfili, ay we taw matogdungug at ngay balyawvtan.

Santiagu 2:13

Aroro sik taw at yud kafanyu at iba, Dius ban we afanyu gfaurianan anya. Ay dewa katanya, takafanyu at iba wa kalimu dewa andasug nu gfaurianan fag buknga.

1 Pedru 4:12

Ku ngay fakesugun ku ngay faduksay, lag am kadulo dewa am gdalan at maksvn fag famaskud, ay lag am gamatangan te, wa nangus katatuy at kindasug sa antam.

1 Uan 3:13

Ku ngay faduksay, lag kadulo tagste swa daga fag ngay taw nu kauri ayu.