Takamoyung 5:4 - Fanawbuid tagsibaliwas Fakayabian

⁴ Nu nafatuyanan o sas Dius, fafasludani tua vtv. Fafasludani am ngay fatuyanan sa anya, aroro kanya wa guseganan at yud e fagsafulun yud gfafasludan at ngay fatuyanan.

Takamoyung 5:4 ပူးပေါင်းရင်းမြစ်များ

Fakasigadan 28:20

Akub nafatuyanan wa vtv ay nalong te, “Yawi, nu galo tuo angku ay gfon angku ku fakonun ay ku lanbung,

Fakasigadan 35:1

Dius nalong sas Akub te, “Falganani, loi sas Betel ay namanwan ban am sanya. Nangawat o sanya sik fagirugan laman sa angku, au Dius at kinsure sa emu ebi gina o glagyu am faduksay Isaw.”

Fakasigadan 35:3

Ay nu nafakamulun tua tam takatanya, glo watam sas Betel ay nangawat au sanya sik fagirugan laman nanseg tam Dius at nagubuk angku gina au sis fagidapun, ay at naufud angku nusnga nday nu glao au.”

Alubad. 116:14

Namafasludan au ku ngay fatuyanan sas Yawi sit ngay taw at daga salubangan.

Alubad. 119:106

Gfafasludan au ku fatuyanan sa emu te, gfaning au am ngay faugali.

Alubad. 22:25

Yawi, aroro sa emu, gfauseganan au emu swabilug ngayuk taw at fagmafulan. Ay sa sangay taw takalimu emu, namafasludan au ku ngay fatuyanan.

Alubad. 50:14

Ku fakaylatun ay fanggalangun sa angku ay fagusegananun tua, ay nu gfafasludan am ay ngay fatuyanan sa angku, Tiba Tungud fag Dius.

Alubad. 76:11

Fafasludani tua ay fatuyanan sa ay Dius Yawi. Ay anggan am tagsis ligung fag ngay talun, foni ngay fanggalangun sas Dius, aroro kanya sik fagsuyuun.

Fangatulun 20:25

Galay o namatuyanan sas Dius, amatangani tua fia, tibaginan ban manga sa taguyan kamayud yay o.

Isayas 19:21

Yawi ban namatoglag at sadili sanya fag ngay taw, ay ginanya yangay ban fag menit kafag ngay taw tumoglag Yawi, ay gseg ban anya ay namon sa anya nusnge wain fag fanggalangun. Ay namatuyanan ban sas Yawi, ay namafasludan at ngay nafatuyanan.

Unas 2:9

Dewa katanya, au ban nangalubad ktua sa emu sik mauseganan fag alubad. Ay namafasludan kban ku ngay fatuyanan te, namon au sa emu fanggalangun. Yawi, o wan ku tagfalangfe.”

Malakyas 1:10

Yawi at Mabalyanan nalong yay fia te, “Am tua ban nangus at sadi tagdingding ku sakbawan bale, laman wam namae afuy sas fagirugan nu dway matuyan! Dewa katanya, kwa guseganan ayu ay kwa kaylat ay ngay fanggalangun sa angku.

Tap 30:2

Sik mangama nu nke fatuyanan laman sas Yawi te, kanya gfakamulun ay duan nusnge wain, masine kanya nu gfafasludan at fatuyanan.

Mateu 5:33

“Ay nadungug wam ebi at foyungan sa tam ngay mangaguyang te, ‘Lag gfatuyanan nu dway am mafafasludan, nu bunway fafasludani tua ay ngay nafatuyanan sa tam Fun.’

Ebreu 10:6

Wo kaylat ngay fagirugun fag famonun ay ngay famalyam asalanan fag fanggalangun.

Tagfangguna 11:35

Efta nu nalag anya, nagirat at lanbung aroro kabalu, ay glong te, “Ku baguina, nafabaluanan o angku maksvn aroro nafatuyanan au sas Yawi te, namon au sa anya nusnga sinu ban taguna gfablang angku, ay kwa mafabali ya tuy fag fatuyanan.”