Takamoyung 5:2 - Fanawbuid tagsibaliwas Fakayabian

² Lag gabanganan nu garingang o. Ay nu namatuyanan o sas Dius amatangani tua. Amatangani te, Dius si tuas banwa ay o ste way o sdaga. Nu katanya, dirii tua nu garingang o.

Takamoyung 5:2 ပူးပေါင်းရင်းမြစ်များ

Fakasigadan 18:27

Abrayam gdog yay nalong te, “Ku Fun, gfakamatoan au emu dewa au sik taw at yud masine glong sa emu takatatuy.

Fakasigadan 18:30

Ay Abrayam nalong te, “Ku Fun, lag yap o kauri angku aroro gdog kyay fia ginto. Ay nu e tuluk safulu ya ro ktaw at matuyan?” Dius nabalus anya te, “Kwa yangay ro gfaurianan nu e lagan kyay tuluk safuluk taw at matuyan.”

Fakasigadan 18:32

Ay Abrayam nalong te, “Ku Fun, lag yap kauri. Tuy wa ro taguyan ku fagintoun. Ay am lagan ro nu safulu way langk taw at matuyan?” Yawi nabalus te, “Kwa yangay ro gfaurianan.”

Fakasigadan 28:20

Akub nafatuyanan wa vtv ay nalong te, “Yawi, nu galo tuo angku ay gfon angku ku fakonun ay ku lanbung,

Fakasigadan 28:22

Tuy fag gang ku nafalindug laman sik famamatang te, ste am bale. Ay gfon kban emu at fasafuluk afud nusnge wain fagayu am fon angku.”

Alubad. 115:3

Dewa katanya, katatuy em famalus: Em Dius sis banwa, ay kanya gfakamulun at fakaylatun.

Fangatulun 10:19

Sik taw at mabarisan, masakit gsalan siginan at longan, ay at ke fagsafulun, saful tua gragangan.

Fangatulun 20:25

Galay o namatuyanan sas Dius, amatangani tua fia, tibaginan ban manga sa taguyan kamayud yay o.

Takamoyung 10:12

At ke fagsafulun fag taw at ngay longan gfae fagmatuyanun anya, dewa katanya, at yud e fagsafulun at ngay longan gtaban way anya sas faurianan.

Takamoyung 10:13

At yud e fagsafulun nu garingang, siginans fagsigadan mauri wan. Ay nu kaaduge wan, kaugat yay nu mauri kata sik tagfansaful,

Takamoyung 5:3

Nu setain sik taw nu masakit gtaginfan gina ngayu at fagamatanganun, katanya yangay nu masakit way nu garingang o, am aringang kata way sik taw at yud e fagsafulun.

Takamoyung 5:7

Tangayu fag taginfan ay fag aringang we masuad. At masine, suyui tua Dius.

Isayas 55:9

Ay nu seyayu banwa ay daga at wabilug, katanya yangay at kayayuan ku amatanganan ay ku balyawvtan siginan ay amatanganan ay ay balyawvtan.

Lebitiku 5:4

Ay sik taw nu nabanganan way nu gfatuyanan, dewa masine ay mauri at fatuyanan, ay nu nasaful at fakamulun takatanya, kanya e asalanan wan.

Mateu 6:7

“Ay gina o gdarangin, lag gfayu am longan nu dway e masuad, kata ngay taw at yud gtoglag Dius. Aroro kanya gamatangan te, ‘Nu nafayu aktua ku longan, e gdungug wa ro fia ku darangin.’

Mateu 6:9

Ay nu gdarangin am longi te, ‘Em Mama sas banwa, Ngay taw nangus sumeg tua am ngayan,

Markus 6:23

Ay Erudes gfafanud te, “Nusnga seyu am fagetun, gfon au emu, dewa sik wabilug ku fagfunanun.”

Santiagu 3:2

Fagayu tam, ngayu tam nasalan. Sik taw nu ddi e nasalan sit longan, kanya sik yud e malong, aroro kanya gfaragang tua at sadili.

Tagfangguna 11:30

Efta nafatuyanan sas Yawi te, “Nu nafababo tua ro wo angku sa sangay taw Amun,