Takamoyung 5:17 - Fanawbuid tagsibaliwas Fakayabian

¹⁷ Kaduge tam gleleg ngayu tam fagidapun, fagmauriun, fakasaitun ay tam fakauriun.

Takamoyung 5:17 ပူးပေါင်းရင်းမြစ်များ

Fakasigadan 3:17

Ay Yawi nalong sas Adan te, “Aroro nadungugan o am bubay ay naon o kafag kayu at rawvg ku nalong te, lag kon, namauri kban lutuk. Kaduge ban o gleleg, gidapan o gugat gfakamulun laman e fakonun o.

1 Fun 17:12

Ay kanya fag fagbubayun nabalus te, “Gfatuyanan au sas Yawi, am tagleleg fag Dius te, namin wan em tinapay, at sawad si em fagsuadan sik galumut way lang fangawat tinapay, ay sik langis sirut si em tikung. Katsi ngani gfansarab au laman ku famatama em fakonun. Ay nu naon wa ro mi kafag tinapay nangabul waban mi sas lunus.”

2 Fun 1:2

Sik menit, sis furuan Samarya, Aasya antong siginan tiba tungud fag salug at ke balaba ay naslu. Nu katanya, kanya nasugu ngay tagfosuk longan sas Baal-Sebub, furuan Ekrun at fagsegan, laman nanginto te, o kafia yay ban at aslu.

2 Fun 1:6

Ay kanya fagayu nabalus te, “Sik taw nafablang emi, ay nalong emi te, ‘Afolii wan sa ay fun ay nanlong am sa anya Yawi at longan te, Wain yay am fagnasuguun sik ngay taw laman nangakbang sas Baal-Sebub, furuan Ekrun at fagsegan? O nunda we Dius sis Israel? Aroro sa takatatuy, wa ban o kalunggung ya siginan am fagtiugan. Matuyan kabul ban o!’ ”

2 Fun 5:27

Nu katanya, aroro nafakamulun takatanya, Naaman ro at bangbang umtayuk sa emu, anggan ban sa am ngay kasugfunanan kabavn.” Ay Gekasi nu nalao, kanya anke bangbang ay at balat anlaksi.

Ub 21:25

Ay e ngay taw yangay takabul sat maksvn fag fagidapun yud ya anke fagmanabayanun.

Alubad. 102:9

Kwa gfangon ya, abat ngate, malunggung au gwayway sisad dafug, ay ku liasun ganting ay ansuglat sa ku fanginum.

Alubad. 127:2

Yawi way tagfalganan fakonun sat fakesugun fag ngay taw, dewa kanya fagayu gtiug. Nu katanya, we tungkul at mayabas nu kafulo, ay at mayabi wan nu nantiug laman grvbvy at fakonun.

Alubad. 39:6

ay kata yangay sik aninu masakit kalyam. Ay gugatan way sas nusnge wain at yud e tungkul. Kanya gfungsu way at ngay ramraman, dewa katanya, nu nbul ban wa saful te, sinu ban at nangagbilug.

Alubad. 78:33

Ay ginanya yay, Yawi nafabul ngayuk taw Israel, ay ginanya yangay maksvn nu kalimu ay at leleg we masuad ya.

Takamoyung 2:10

Fagayu at maylat sa angku anfasludan wa fia. Guseganan au ku bulan sas fagayu ku nainlufuyan. Ay fagayu ku nagwantan katanya at famonun sa angku.

Takamoyung 2:23

Ay fagayu at nafakamulun kaduge gleleg gfauri way at amatanganan. Nu katanya, dewa sisad yabi kanya wa katiug. Ay takatanya fagayu wa yangay we masuad.

Takamoyung 2:24

At masine ngay taw at fakamulun gfangon, ginum, ay gfae masuad at ngay nainlufuyan. Nasaful au te, takatanya tua tagsiginans Dius.

Takamoyung 7:14

Useganani, nu manabayan tua nu mabanwan o. Dewa katanya, nu gidapan way o, amatangani te, Dius wan tagfakamulun tuy fag duak kaugalian. Laman wa tam saful takadasug ban balabag.

Fakamulun 12:23

Ay arodi vtv tam Fun at tagbarita at sadi nafaurianan Erudes, aroro kafag fun nu kamatungudun wa sas Dius. Ay ulud naon anya ay anbul wan.