Takamoyung 5:16 - Fanawbuid tagsibaliwas Fakayabian

¹⁶ Ay katatuy ya at mauri nu kamatang gina tam kasalug wa tam e buba, ay anggan ban gina tam kabul wa tam yangay e buba. Nu katanya, nataw ya ban famangsi tam nainlufuyan? Wa ban e masuad takatanya kata way nu gfafalo tam tagmara.

Takamoyung 5:16 ပူးပေါင်းရင်းမြစ်များ

Fangatulun 11:29

Ngay taw yud e fagsafulun at buba sat bale nu fagyudun way mabayan, wa ban e nabul at masine. Ay kanya ban fagayu ngay taw way lang at ke fagsafulun at fagsuguan.

Takamoyung 1:3

Nataw ban at masuad taw at nainlufuyan kaduge gfakamulun ste swa daga?

Takamoyung 2:11

Dewa katanya, nu namatangan au fia ku ngay nafakamulun ay ku ngay nagdalanan stes fagdaul daga, we masuad.

Takamoyung 3:9

Ay Dius nu nafalganan wan kafag ngay buknga, nataw ya ban at masuad taw at faginkidapanun yay gfakamulun?

Takamoyung 5:13

Nalag au at yud masine ste sfagdaul daga. Taw gfaful ramraman ay kanya gfauri way anya.

Isayas 26:18

Nafandeng ami aroro gidapan ami, ay dewa katanya, wami e nafasalug. Wami e nafakamulun laman gfalangfe ami em talun, ay wami nafasalug tagbanwan ban ste swa daga.

Eremyas 2:8

Ay anggan ngay tagfon fanggalangun wa grvbvy ya angku. Ay ngay tagfoyung ku suguan wa yangay gtoglag ya angku. Ngay tagfangguna gfauri angku. Ay ngay taglong at foyungan sa way baliwas Baal at ngayan ay gseg at yud matuyan fag ngay fagsegan.

Usea 8:7

Kanya fagayu kata way nu gtanum tagmara ay ggutlu tagridribudan fag tagmara. Ay kanya fagayu kata yangay sik trigu at yud e rawvg. Ay kanya nu narawvg di, tiba way ro ktalun takon.

Markus 8:36

O e tungkul ro sa sik taw dewa nagbilug nusnge wain ste swa daga ay at leleg ban sa ways faurianan?

Uan 6:27

Ay fagugatanun gfakamulun dangay sa takadan fag fakonun, nu bunway sa tua at yud kadan fag fakonun tagfon leleg at yud e fakatabuan. Au, Taw at Baguama, gfon au sa ayu takatanya fag fakonun, aroro Dius nafalag sa sangay taw te, ‘Matuyan ku Baguama at fakamulun.’ ”

1 Kurintu 16:16

faningi tua takata kanya fag ngay taw, ay tiba yak taw takata anya taginlufuyan gfakamulun.

1 Samwel 12:21

Lag am nanseg ngay fagsegan, kanya fagayu we tungkul. Ay we fanggubukun ay wa yangay mafalangfe ayu.