Takamoyung 4:8 - Fanawbuid tagsibaliwas Fakayabian

⁸ E sik taw tagsadilian way kaduge gleleg. Kanya we sisian ay we faduksay. Dewa katanya, kanya wa gfaragang nu gfakamulun ay ya guseganan at ramraman. Ay kanya nalong te, “Kwe buknga ya guseganan aroro maksvn nu gfakamulun au. Dewa katanya, kwa ban e fagfatigwanan ya fagayu ku ngay nainlufuyan.” Ay takatanya we masuad! Ay maksvn nu mabalu takatanya fag leleg.

Takamoyung 4:8 ပူးပေါင်းရင်းမြစ်များ

Fakasigadan 2:18

Sanya ginan, Yawi nalong te, “Wa masine taw nu gsesadian way nu gbanwan, nu katanya, nangawat kban at ufud laman at taggubuk ay at masine sa anya.”

Alubad. 39:6

ay kata yangay sik aninu masakit kalyam. Ay gugatan way sas nusnge wain at yud e tungkul. Kanya gfungsu way at ngay ramraman, dewa katanya, nu nbul ban wa saful te, sinu ban at nangagbilug.

Alubad. 39:7

Dius, dada ya ro nu kakbang au? Nu gafanud au sa way lang emu.

Fangatulun 27:20

Faurianan ay fakabulun we fagmanabayanun, katanya yangay taw at algan.

Takamoyung 1:13

Nafon au ku leleg laman gamatangan au fia at masine sas fagayu takafasludan ste sfagdaul daga. Ay nalag au te, makalpa fag ngay fakamulun Dius at nafatigwanan sa sangay taw.

Takamoyung 1:8

Fagayu takatanya maidap nu kamatangan ay we mafafayamag. Tam ngay mata nu gdama ay tam talinga nu gdungugan katanya tua gugat.

Takamoyung 2:21

Aroro dewa o nagwantan nangagbilug fagsafulun sam amatanganan ay am fagmakatuun, kanya ban fagayu gfamato way o sat yud nainlufuyan fag taw. Ay takatanya wa yangay e masuad ay wa matuyan.

Takamoyung 2:23

Ay fagayu at nafakamulun kaduge gleleg gfauri way at amatanganan. Nu katanya, dewa sisad yabi kanya wa katiug. Ay takatanya fagayu wa yangay we masuad.

Takamoyung 4:7

Gdog kyay fia e nalag stes fagdaul daga at yud e masuad.

Takamoyung 5:10

Ngay taw tagfangalabian salapi ay tiba yak ramraman, bunwa ban kabavn nu guseganan. Wa yangay e masuad takatanya.

Takamoyung 5:9

Dewa katanya, funan tua tangayu at fagmabulun nusnga setaw siginan at yud e kwa fag ngay taw at ngay daga.

Isayas 5:8

Ida, afanyuan am! Am takaylat gfayu ay bale ay takaylat gfabia ay daga, yakmay am naiyan fagayu taw tagbanwan sanya, ay am way lang tagbanwan sanya fag talun.

Isayas 55:2

Wain ay fagfangulanun ay ngay salapi sat yud e tungkul fag ngay fakonun? Wain ay fagfaminun ay nalufuyan sat yud mafapsug ayu? Dungugani angku, ay oni at mataba fag ngay fakonun.

Mateu 11:28

“Nusnga sinu am takalufuy ay at ke famubaun mabyat, akbangi sa angku, ay gfafiangalay au ayu.

Lukas 12:20

“Ay Dius nalong anya te, ‘Ida, o nunda wo e amatanganan ya! Katsi ro sad yabi namul kwan am falad. Nu katanya, sinu ban at nangagbilug am nafungsu fag ngay ramraman?’

1 Uan 2:16

Aroro fagdaul daga at ugali, tam bilug ay tam mata at fagfangalabianun, ay fakamatungudunun sabaliwa tam leleg, takatanya bunwa siginan tam Mama, siginan ways fagdaul daga.