Takamoyung 4:1 - Fanawbuid tagsibaliwas Fakayabian

¹ Nadog au nalag ngay nu e kamalingun stes fagdaul daga. Nalag au ngay tagafalingunan nu gwayway ay at yud ya e gfasun, aroro tagfalingun mabalyanan.

Takamoyung 4:1 ပူးပေါင်းရင်းမြစ်များ

Ub 16:4

Anggan am, nu nadalan di am kata ku nadalan fag fagidapun, malong kyangay ro sa ayu kata ay nalong sa angku.

Ub 35:9

Ay am ngay nafalingun get gubuk te, falangfei anya fagayu siginan at mabalyanan fag taw.

Ub 6:29

Faragangi wan nu gfauri am angku aroro kwa ngap e asalanan.

Ub 9:24

Kanya nafatigwanan fagdaul daga sat mauri fag ngay taw, ay kanya nataup ngay tagfawabilugan at ngay mata laman wa matuyan ya nu ginsaful. Nu dway Dius at nafakamulun tuy, sinu tua ro?

Alubad. 12:5

Yawi nalong te, “Kadasug kwan, aroro ngay yud e kwa gafalingunan, ay ngay tagidapan gurungan get sa angku. Ay namae fagmanabayanun au anya fagayu kata at fagetun.”

Alubad. 142:4

Dius, glag wo ngay taw tagsi ku ligung, kanya fagayu we kafanyu ya angku. Ay kwe fagnangakbangan ya taggubuk angku.

Alubad. 142:5

Yawi, nu katanya, guro au sa emu te, “O way lang ku taggubuk ay ku fakaylatun ste sfagdaul daga.”

Alubad. 42:3

Kayu menit ay yabi abat ngate au gfangon gwayway kway, kadugenya ngay taw glong sa angku te, “Dada wan am Dius?”

Alubad. 42:9

Dius o wan at mogat ku fagsarigan, ay ginto au sa emu te, “Wain am fagnalyamun angku? Wain ku fakabaluun gugat siginan ku ngay fawayan at famalingun angku?”

Alubad. 69:20

Anmomuy au ay ankuri kanya fag ngay taw at nafakamulun sa angku. Nafamanyan koma te, o wa ro gayvd e nfanyu ya angku, ay nusdi sadi we nfanyu angku. Gfanya au at namasun angku, dewa katanya, we nanamasun ya angku.

Alubad. 69:21

Ay abat ngate, nafasa ku fakonun sik ganga ay nu ndanum kway, at nafon sa angku at mayat fag sanggvtan.

Alubad. 80:5

Nafaksvn o em fakabaluun, ay arvs ginum wami em liasun.

Nu Galin 1:16

“Nu ggubuk am Ebreu fag ngay mangena nu gfasalug, at ngenge nu munama way, fabuli wan, ay nu munina tua, lag gfabul.”

Nu Galin 1:22

Nu katanya, Igiptu at fun nasugu sat ngay taw te, “Ukasi sasad Liskung Nilu ngay taw Israel at ngay sisian munama at bagu kasalug, dewa katanya, fabayani way nu sik ngay munina tua.”

Fangatulun 19:7

Sik taw nu maidap way, at ngay kalongan wa kasalag ya anya, kaugat wan at ngay fagadgalangan. Ay dewa gfagubuk, we kasalag.

Fangatulun 28:3

Sik taw at yud e kwa tagfaidapan at yud e kwa, kanya kata sik maksvn fag arak tagfamin tanum.

Fangatulun 29:2

Tagfangguna nu matuyan tua, ngay taw guseganan, dewa katanya, tagfangguna nu mauri way, ngay taw gwayway.

Takamoyung 3:16

Ay nalag kyangay te, fagmauriun way takafasludan stes fagdaul daga abat ngate fagmatuyanun ay fagmasineun.

Takamoyung 5:8

Lag o kadulo dewa o e nalag si ay furuan ngay yud e kwa nu gafalingunan, ay nu yud gfon fagmabayanun ay fagmakatuun. Aroro tagfaidapan kanya fag ngay yud e kwa, sik tagfangguna, ay e gfadiuganan yangay kafag tagfangguna tiba yak tagfangguna tagtungud tua anya.

Takamoyung 7:7

Sik taw ke fagsafulun nu nafamuag way, kanya kata way sik yud e fagsafulun. Nu nabul wo famaylatanun, nafauri wo am fagmasineun.

Takamoyung 8:9

Nalingaman au fagayu nusnge wain tagstes fagdaul daga, nalag au ngay taw ke fagmakatuun gfauri at iba.

Isayas 5:7

Yawi at Mabalyanan at tanuman wat ubas, ngay taw Israel wan. Ay at fagusegananun fag ngay wat ubas at bagu gtugbung, ngay taw Uda wan. Yawi at fagsegun at tanuman namasure nangus fagmatuyanun, dewa katanya, kanya fagayu nafamabul way. Ay kanya gseg yangay te, at tanuman namasure at fagyudun e malong, dewa katanya, at fakamulun, kamalingun way.

Isayas 51:23

Namon kban sa sangay tagfaidapan ayu, at nasugu ayu te, ‘Malubi laman nansiad ami ayu.’ Ay kanya nasiad ay ngay guyuy kata nu glao sa sangaba dalan.”

Isayas 59:7

Gabanganan am namakamulun at mauri ay gfabul am at yud e asalanan. Kabavn ay amatanganan mauri way, ay nusnga nday am, wam e nafakamulun masine nu bunway fagmauriun way lang.

Eremyas 16:7

Wa ban e namon fakonun ay fanginum laman namasun ngay takabalu, dewa at mama ay at mina at kinbul.

Takabalu 1:16

Kanya wan ku fagwaywayun. We gfaksvn ya ay gfasun angku. Afanyuan ku ngay taw aroro at ngay fawayan nababo anya fagayu.”

Takabalu 1:17

Furuan Erusalem naet gubuk, dewa katanya, we nagubuk anya. Aroro Yawi naylat Akub at ngay kasugfunanan nu gfawayan ngay talun tagsit ligung. Tibak talun natuyan te, Erusalem maksvn nu mauri.

Takabalu 1:2

Fagngabak yabi kanya maksvn nu gwayway. At ngay liasun glibisan sit fingi. Fagayu takesug anya we gfasun ya anya, ay at ngay fagadgalangan ankuri wa anya, ay kanya fagayu at ngay fawayan wan.

Takabalu 1:9

Erusalem at fagmauriun andungug sas fagayu taw, ay kanya wa nasaful at fakadasugan. Maksvn nu malimu at kindasug sanya fag furuan ay we nagubuk ya anya. Nu katanya, kanya nalong te, “Yawi, damai ku fagidapun aroro ku ngay fawayan nababo wa angku.”

Amus 3:10

Nu katanya, katatuy Fun Dius Yawi at longan sas Samarya: “Kanya fagayu wa gfakamulun at matuyan. Ay at ngay nafangkamul mapnu sat mogat fag ngay afud. Nu katanya, at ngay fawayan ban nangiklas at ngay fagmafulan, ay namul at ngay ramraman.”

Amus 3:9

Longi sa sangay tagfangguna sis furuan Asdud ay sas talun Igiptu te, nanmaful am sa tagligung Samarya fag ngay buksul ay nandama am ngay furuan nu gawayan ay nu gafaidapanan.

Malakyas 2:13

“Ay katatuy ya ay fakamulun, gwayway am maksvn sis Yawi at daga salubangan aroro kanya wa kasalag ya ayu, ay wa kaylat ay ngay fanggalangun.

Malakyas 3:18

Ay fagayu ban taw sumaful at matuyan ay at mauri fag ngay taw at fagsamanun, ay tagfakamulun sa angku ay at yud gfakamulun at fagsamanun.”

Malakyas 3:5

Yawi at Mabalyanan glong te, “Kadasug kban laman nanginsaful ayu. Ay gfatuyan kban vtv te, mauri ngay tagfangabalo, takamuagan fag tagwabilug, at yud gfakasakan at famayad sat ngay fagsuguan, tagfauri ngay fagbubayun ay at yud e fagtainan ya, ay at yud matuyan sat ngay betaw. Namakamulun kban takatanya sa ayu, at yud gsuyu angku.”

Mateu 26:56

Dewa katanya, anfasludan takatanya laman namafasludan Dius at ngay taglong at rirukan.” Ay Isus at ngay tagadal fagayu naubun anya ay nalagyu.

Deuterunumyu 28:33

Ay fagyudun way ban toglag fag ngay taw at nangon ay ngay nainlufuyan, ay kanya ban fagayu gfalingun ay gfaidapan gugat ayu.

Deuterunumyu 28:48

ay kanya ban namataban ayu sa ay ngay fawayan ay kabavn ban gfakamulun am laman sa anya fagayu. Kalunus ban am, ay kadanum, ay gayudan ay ngay lanbung, ay kamin ban fagayu nusnga setaw ay fagagbilugun. Kanya ban fagayu gfaidapan ayu yakmay ban am anbul.

Santiagu 5:4

Damai! Wam nafon famayad sa sangay taw at nagutlu ay fare. Takatanya ay nafakamulun sik famasaful sa ayu te, mauri am. Ay kafag ngay taggutlu at uro andasug sa tam Fun at Mabalyanan.

Tagfangguna 4:3

Sisera e siamk sandank faguyudan fangawayan mawatan sanbung, ay kanya nafaidapan maksvn ngay taw Israel kaduge duak safuluk banwa. Nu katanya, ngay taw Israel gdog yay naet gubuk sas Yawi.