Takamoyung 3:4 - Fanawbuid tagsibaliwas Fakayabian

⁴ E buknga galiasun, ay e buknga kase, ay e buknga kabalu ay e buknga guseganan.

Takamoyung 3:4 ပူးပေါင်းရင်းမြစ်များ

Fakasigadan 21:6

Ay Sara nalong te, “Dius nafauseganan angku, ay nusnga sinu at nadungug sabaliwa at kinfasludan sa angku, kanya guseganan yangay.

2 Samwel 6:16

Ay tagbuba Fagsuadan Yawi at Nasadian gina gsakbo sas Dabid at furuan, Mikal, Saul at baguina, gbanawan sis fagbanawanan. Ay nu nalag fun Dabid nu gfalelegan at ngay afud bilug sis Yawi at daga salubangan, kanya ankuri.

Alubad. 30:11

Nafalyam tuo ku fakabaluun, ay natubus o sik fagusegananun. Nu katanya, gfauigan au ku bilug. Dewa maksvn ku fakabaluun, nafasun tuo angku, ay nafae lanbung tuo angku sik fagusegananun.

Alubad. 30:5

Aroro kanya dewa ndotama wa glugo, ay di e fakatabuan at fagmasineun sat nafili fag ngay taw. Ay sisad yabi dewa e gwayway, balabag di manabayan tua.

Nu Galin 15:20

Miryam fag taglong, Arun at faduksay, nanamul sik fagfawangun ay nafangguna ngay mangena nu gfawang ay nu gfalelegan at ngay bilug.

Takamoyung 3:5

E buknga grapyag ngay gang ay e buknga gfaful, ay e buknga gadgaloan ay e buknga gsaruayan.

Takamoyung 7:14

Useganani, nu manabayan tua nu mabanwan o. Dewa katanya, nu gidapan way o, amatangani te, Dius wan tagfakamulun tuy fag duak kaugalian. Laman wa tam saful takadasug ban balabag.

Isayas 40:1

Dius nalong te, “Fasuni ku ngay taw.

Isayas 40:2

Malukmei tua nu garingang am sa sangay taw Erusalem. Foyungi anya te, antabu wan at fagidapun, ay nafalyam kwan at ngay asalanan. Nafaurianan au anya fagayu maksvn aroro sat ngay asalanan.”

Mateu 11:17

‘Dewami gfawang tulali laman gfauseganan ayu, wam gfalelegan ay bilug. Ay dewami galubad kata nu gwayway, wam gawaywayun.’

Mateu 9:15

Ay Isus nabalus anya fagayu te, “O sik bagu kadadwa fag mangama gina gfadgaloan at ngay fagadgalangan, o ginanya ro at ngay fagadgalangan kabalu? Duan. Ay sa ban tibak menit e gtaban wan kafag mangama, ay ginanya ya ban at ngay iba nu e buknga nu yud gfangon laman gdarangin.

Lukas 1:58

Elisabet at ngay fasabale, anggan at ngay kalongan, nadungug te, tam Fun maksvn nu ggubuk Elisabet. Ay kanya fagayu gfasfuan Elisabet guseganan.

Ruma 12:15

Useganani gasfuan ngay taguseganan, ay waywayi gasfuan ngay tagwayway.

2 Kurintu. 7:10

Aroro siginans Dius fag fakabaluun kanya gtaban tua ayu laman gubun am ay asalanan, ay gfosuk ayu sas fakalangfean, ay di e kafayud takatanya fag fakabaluun. Dewa katanya, siginans fagdaul daga fag fakabaluun gtaban way antam sas fakabulun.

Santiagu 4:9

Abalui ay waywayi. Abat ngate am kase, abalui way. Ay abat ngate am guseganan, afanawai way.