Takamoyung 3:22 - Fanawbuid tagsibaliwas Fakayabian

²² Nu katanya, namatangan au te, at masine taw at fakamulun useganani yakman lang sat ngay nainlufuyan, aroro kanya at fagagbilugun wan. Nusnga sinu fag taw we malong te, nataw ban takadasug nu nbul wan.

Takamoyung 3:22 ပူးပေါင်းရင်းမြစ်များ

Ub 14:21

Kanya wa nasaful ya te, o e kesug yay at ngay sisian, ay o mannga gafaplan wan.

Takamoyung 10:14

ay wa gfaragang nu garingang. We taw nasaful takadasug ban, nu katanya, we mainto te, setain ban takadasug nu nbul tam.

Takamoyung 11:9

Am at mabaguama yay, mabayani tua kaduge am mabaguama. Fakamuluni ay fakaylatun gfakamulun, dewa katanya, amatangani te, Dius ban gfaurianan ayu kata ay nafakamulun.

Takamoyung 2:18

Ankuri au fagayu ku nainkidapan ste sfagdaul daga, aroro tuy ban fagayu kafamato way sa tagtubus angku.

Takamoyung 2:24

At masine ngay taw at fakamulun gfangon, ginum, ay gfae masuad at ngay nainlufuyan. Nasaful au te, takatanya tua tagsiginans Dius.

Takamoyung 6:12

We taw nasaful at masine laman sa sik taw yud ngaduge ay at yud e masuad at leleg, kanya kalyam way kata aninu. Ay sinu at malong sa anya takafasludan ban sas fagdaul daga gina kanya anbul?

Takamoyung 7:14

Useganani, nu manabayan tua nu mabanwan o. Dewa katanya, nu gidapan way o, amatangani te, Dius wan tagfakamulun tuy fag duak kaugalian. Laman wa tam saful takadasug ban balabag.

Takamoyung 8:15

Nu katanya, nu sa way angku, amasine yap sik taw nu guseganan kaduge gleleg. We masine ya laman sa anya stes fagdaul daga nu bunway tagfangon, taginum, ay taguseganan. Siginan takatanya kanya guseganan tua dewa gidapan kaduge gleleg stes fagdaul daga Dius at nafon anya.

Takamoyung 8:7

Aroro nusnga sinu we saful takadasug, ay we malong te, katanya takadasug.

Takamoyung 9:12

Dewa katanya, kanya wa saful te, ginanya nu kadasug at mafalganan fag buknga laman sa anya. Kanya kata way sik manuk tungud kinsangdaw, ay kata at kin-gamat sas fanggamat albon. Kadasug way lang masakit sat mauri fag taw at mauri fag buknga kata nu kagamat sas sangdaw.

Takamoyung 9:6

ay nalyam wan nu mafangesug, nu kadotama ay nu gfangalabianun, at ugali gina gleleg. Ay wa yangay saful ya fagayu takadasug stes fagdaul daga.

Daniel 12:13

“Daniel, fataglayuni am fakamulun. Kabul ban o, dewa katanya, gfadog kyay ban gfaleleg emu sa taguyan fag menit laman namul o am nainlufuyan at nafalganan laman sa emu.”

Mateu 6:34

Aroro katanya, lag gafanawa katsi te, ‘Tain ban balabag?’ Balabag ya ban nu gamatangan am tiba. Lag gfamut ay fagafanawaun katsi.

Deuterunumyu 12:18

Nu kon ban am takatanya fagayu sa tua ban am ay Dius Yawi at daga salubangan si ban at nafili fag afud talun, gasfuan ay ngay sisian, ay ngay fagsuguan, ay anggan ngay taw Lebi tagbanwan si ay ngay furuan, sanyai yangay ban nu namauseganan am ay Dius Yawi sis fagayu ay fakamulun.

Deuterunumyu 12:7

Ay nanfangon am gasfuan ay ngay talanan sis Yawi at daga salubangan ay nanguseganan am sas fagayu ay nafakamulun aroro Yawi nafon tua sa ayu nusnga setaw.

Deuterunumyu 28:47

Aroro wam nauseganan nafakamulun sa ay Dius Yawi gina am maramraman,