Takamoyung 3:2 - Fanawbuid tagsibaliwas Fakayabian

² E buknga kasalug ay e buknga kabul, e buknga gtanum ay e buknga ggutlu.

Takamoyung 3:2 ပူးပေါင်းရင်းမြစ်များ

Fakasigadan 17:21

Dewa katanya, namafasludan kban ku nasadian sas Isak. Ay Sara gfasalug ban Isak kata katsi fag buknga, fadogan ban fag banwa.”

Fakasigadan 47:29

Ay kanya nu gamatang wa te, gakabulun wan, kanya nauro yay Use ay nalong te, “Fasai ku daga balangbang am daluap ay fatuyanani te, malukme tua ban o gugat ay matuyan sa angku, ay lag ban o gfoli angku ste sis talun Igiptu.

1 Fun 13:2

Yawi nasugu at fagsuguan laman namauri kafag fagirugan, ay glong te, “Katatuy Yawi at longan: E kasalug ban sik munama at ngayan Usyas, siginans Dabid at kasugfunanan. Ay gina ban an-gurang, kanya nangirug ste fag fagirugan ngay tagfon fanggalangun tagfakamulun si sangay fagnansegan si tangabat fag ngay buknga. Ay at ngay butul ban umkirug sanya.”

2 Fun 4:16

Ay Elisyu nalong sa anya te, “Fadogan ban fag banwa, gina ban kata katsi fag buknga, e faguruganun ban o sik munama.” Ay kanya fag mangena nabalus te, “Fagtainan, Dius at fagsuguan, lag o kamuag sa angku.”

Ub 14:14

O nunda sik taw at kinbul, gdog yay ban gleleg? Dewa katanya, gagwanta kwan ku ngay fagidapun yakmay au anlangfe sas fagmanabayanun.

Ub 14:5

Siginans fagsigadan nafalganan wo sik taw at leleg te, kaduge way nya, ay wa glangfe kata am nafalganan.

Ub 7:1

Taw at leleg ste swa daga maidap, kata sik tagfakamulun tagfaebayad.

Alubad. 113:9

Kanya gfae sisian ngay mangena tagaranas, laman kanya fagayu guseganan, aroro ansik ngay mina tua. Segi Yawi!

Alubad. 52:5

Dewa katanya, Dius ban gfaurianan emu kabavn. Ay gaiyan emu siginan am bale ay gfabul.

Fangatulun 24:27

Falganani yap am gamasun, sanya ginan masine wo nangawat am bale.

Isayas 28:24

O sik taggamas ggamas way lang gugat ay wa gtanum ya?

Isayas 38:1

Ginanya, Esekyas anke fakasaitun ay arvs anbul wan. Ay Dius at taglong Isayas, Amus at baguama, nananlag anya ay nalong te, “Yawi nalong wa te, ‘Fadantei yap am ngay kalongan aroro wa kafia ya am fakasaitun, ay umbul wo.’ ”

Isayas 38:5

“Loi sas Esekyas ay longi anya te, ‘Katatuy am mangaguyang Dabid at Dius, Yawi at longan: Nadungug au am darangin ay nalag au am liasun. Nu katanya, namamut kyay am leleg labi lima yak banwa.

Isayas 54:1

Yawi nalong te, “Erusalem, o takata sik mangena tagaranas, alubadi. Alubadi ay uroi useganani, o at yud batang gidapan gfasalug. Aroro am mangama ban dewa naubun emu, umke sisian ban o ayu yap tua sik mangena ke mangama at sisian.

Eremyas 1:10

Ay katsi gfili au emu laman namoyung o sa sangay talun at ngay taw ay sa sangay fagfagtainanan te, tiba ban si ayu umfaurianan ay umkamin ay umrasras ay e nangaiyan, ay tiba ban umlindug tua ay umkaksvn.”

Eremyas 45:4

“Baruk, katatuy yangay Yawi at longan, ‘Nanrasras kban tuy fag talun ku nawat. Nanggulad kban ku natanum. Ay namakamulun kban takatatuy sas fagdaul talun.

Mateu 13:41

Ay au, Taw at Baguama, gsugu kban ku ngay tagbarita laman namasaman siginan ku fagfagtainanan fagayu tagfae asalanan ay fagayu tagfakamulun at mauri.

Mateu 15:13

Ay Isus nafaydayuanan te, “Fagayu tagtugbung nu bunway ku Mama sas banwa at natanum, e ggulad yay ban.

Lukas 1:13

Ay kafag tagbarita nalong te, “Sakaryas, lag o kalimu, aroro Dius nadungug am darangin. Am bubay Elisabet gfasalug ban sik munama, ay gfangayan ban o anya te, Uan.

Lukas 1:20

Ay aroro wo gafanud, wa ban o maringang yakmay ban anfasludan ku nalong sa emu. Aroro matuyan, umfasludan waban fia nu ndasug tam Dius at nafalganan fag buknga.”

Lukas 1:36

Ay katanya yangay anggan am kalongan Elisabet, dewa mafufuina wan, katsi gfafion. Fagayu taw saful te, sia sik tagaranas way. Ay katsi nu gfafion unum wak magdanun,

Uan 16:21

Sik mangena nu gfasalug, maksvn nu gidapan, ay dewa katanya, nu nafasalug wan, wa gidapan ya, aroro guseganan te, at ngenge ansalug wan ste swa daga.

Uan 7:30

Ay kafag ngay taw gananggamatun anya. Dewa katanya, we mananggamat anya aroro ya ndasug at kasakan fag buknga.

Fakamulun 7:17

“Dius nu ganamafasludanun wan at fatuyanan sas Abrayam, ngay taw Israel gtaglayun nu kayu sis talun Igiptu.

Fakamulun 7:20

“Ginanya, Muisis ansalug, ay kanya sik maylat fag munama sas Dius. Ay at fagtainan nalaga anya kaduge tuluk magdanun.

Galasya 4:4

Dewa katanya, gina andasug at nafalganan fag menit, Dius nasugu at baguama ste swa daga. Kanya ansalug siginan sik mangena, ay gugali gfaning Muisis at Faugali.

Deuterunumyu 34:5

Yawi at fagsuguan Muisis anbul sanya sis talun Muab, kata Yawi at longan.

Ebreu 9:27

Ay Dius at ke algan te, ngay taw nu kabul sayginan way, ay sanya ginan nanginsaful at ngay nafakamulun.

1 Samwel 2:5

At maramraman ebi, katsi grvbvy at fakonun. Ay at yud e kwa ebi, katsi di e fagayudanun ya. Ay fagayu tagaranas anke ngay sisian tua. Dewa katanya, tangayu at sisian katsi we sisian ya.