Takamoyung 3:19 - Fanawbuid tagsibaliwas Fakayabian

¹⁹ Ngay taw at kayaunanan kata yangay ngay mela; kabul way. Ay gsud way e engasan, nu katanya, ngay taw we fagmafanagsagun sa sangay mangilafang. Anud fagayu we masuad ya!

Takamoyung 3:19 ပူးပေါင်းရင်းမြစ်များ

2 Samwel 14:14

Fagayu taw kabul way, kata at kinkugwag wan fag mamam, at yud e mabul ya. Dewa katanya, Yawi ya vtv gbul taw at leleg, aroro kanya kaylat at ngay taw nu kafoli sa anya.

Alubad. 104:29

Ay nu natalyuyan o anya fagayu, maksvn nu gafanawa. Ay nu nabul o at engasan, kanya fagayu kabul wan ay kafoli sas daga.

Alubad. 49:12

Ngay taw, dewa maramraman, wa glugo nu gleleg. Kabul way kata sik fagbaugun.

Alubad. 49:13

Ay katanya yangay ban at kumdasug sa tagseg at sadili, ay anggan ban ngay tagafanud kanya fag ngay taw at longan.

Alubad. 49:20

Sik maramraman fag taw at yud gtogdungug at matuyan, umbul ban kata sik fagbaugun.

Takamoyung 1:14

Nalag au te, taw at fakamulun fagayu ste sfagdaul daga we masuad. Kata way nu gfafalo o tagmara, fagayu nusnge wain we masuad.

Takamoyung 1:17

Namatangan au fia sabaliwas fagsafulun ay at yud e fagsafulun at fagsamanun, ay nasaful au te, tuy wa yangay e masuad. Kata way nu gfafalo o tagmara ay tuy fagayu wa nke masuad.

Takamoyung 2:14

Ke fagsafulun saful tua at fagnangadasugan, ay at yud e fagsafulun nu glao sa ways fagmadulumun. Dewa katanya, nasaful kyangay te, nusnga sinu kabul way.

Takamoyung 2:16

Fagayu tam at ke fagsafulun ay at yud e fagsafulun gsud way ban tam kabul ay kalyam.

Takamoyung 7:2

Amasine yap at nanlag at kinbul nu gamut sa sik tagbia fag ngay falganan, aroro fagayu ban kabul way. Ay fagayu nangus tagleleg yay gamatangan tua gugat takatanya.

Takamoyung 9:12

Dewa katanya, kanya wa saful te, ginanya nu kadasug at mafalganan fag buknga laman sa anya. Kanya kata way sik manuk tungud kinsangdaw, ay kata at kin-gamat sas fanggamat albon. Kadasug way lang masakit sat mauri fag taw at mauri fag buknga kata nu kagamat sas sangdaw.

Takamoyung 9:2

Nusnga sinu fag gaban taw sadi way at fakadasugan, ngay taw at masine ay mauri, at matuyan ay at yud matuyan, at masine ay tagasalanan ay tagfon at fanggalangun ay at yud gfon at fanggalangun. Gsud way at matuyan ay at yud matuyan ay tagfauri ay yud gfauri.

Tap 16:29

Ay kanya ro fag ngay taw nu kabul nu maugali tua, Yawi wa nasugu angku.