Takamoyung 3:17 - Fanawbuid tagsibaliwas Fakayabian

¹⁷ Nalong au sa ku sadili te, “Dius ban ginsaful ngay taw at matuyan ay at mauri, aroro kanya nafalganan wan buknga sas fagayu nusnge wain.”

Takamoyung 3:17 ပူးပေါင်းရင်းမြစ်များ

Fakasigadan 18:25

Gafanud au te, di ro wo nangus gfaurianan at matuyan fag ngay taw gasfuan at mauri fag ngay taw. Ay di ro nangus gsudsudan nu gdama o anya fagayu. O wan tagsaful fagayu taw te, o e asalanan, nu katanya, fakamuluni kata am algan.”

Alubad. 96:13

sis Yawi at daga salubangan, aroro kanya kadasug wan, laman namagtainan ngay taw sas fagdaul daga, kata at fagmatuyanun.

Takamoyung 1:16

Ay glong au sa ku sadili te, “Ku fagsafulun gtungud tua fagayu at kinfunan sis Erusalem. Ku fagsafulun ngayu.”

Takamoyung 11:9

Am at mabaguama yay, mabayani tua kaduge am mabaguama. Fakamuluni ay fakaylatun gfakamulun, dewa katanya, amatangani te, Dius ban gfaurianan ayu kata ay nafakamulun.

Takamoyung 12:14

Aroro Dius ban ginsaful tam ngay nafakamulun, at masine ay at mauri, at masure ay at masuksukan.

Takamoyung 2:1

Nafaskud kwan taguseganan nusnge wain at maylat sa angku. Dewa katanya, nasaful kwa te, takatanya we masuad.

Takamoyung 3:1

Fagayu fakamulun stes fagdaul daga e buknga:

Takamoyung 8:6

Aroro fagayu nusnga setaw mesa tua e buknga ay e mesa balyawvtan nu kafakamulun, dewa maksvn ngay taw at fagsalubangun.

Daniel 11:40

“Sa bans fakatabuan, tagsis fasiunan fag fun namawayan tagsis fawalan fag fun. Dewa katanya, tagsis fawalan fag fun e ngay sakayan famawayan, ay e ngay tagfawayan tagakabayuan ay ngayuk tagfawayan tagsi sangay sakayan lino laman namawayan anya. Kanya fagayu namawayan ngayuk talun kata lugwak nu giklas.

Daniel 12:4

Daniel, faluti yap tuy fag fafil ay lag yap o gfoyung sa sangay taw tuy fag longan yakmay ban andasug at fakatabuan. Kaduge tuy fag longan masuksukan, ngayu bank taw takaylat gyasafulun takafasludan.”

Daniel 12:9

Ay kanya gbalus te, “Fataglayuni, aroro at famalus am fagintoun ya kasaful ay wa masine glong yakmay ban andasug at fakatabuan.

Mateu 16:27

Aroro au, Taw at Baguama, kadasug kban stae at ke fagmasineun siginan ku Mama, gfasfuan at ngay tagbarita. Ay ginanya ban gfon au sas fagayu taw kata at nafakamulun.

Uan 5:22

Bunwa ku Mama taginsaful taw at asalanan. Ku Mama nafon angku fagdaul at fagmabalyananun ginsaful taw at asalanan,

Fakamulun 1:7

Isus gbalus te, “Ku Mama wa kaylat nu sumaful am nu ginain ban nu kafasludan takatanya.

Fakamulun 17:31

Aroro Dius nafalganan wan sik menit laman nanginsaful taw at asalanan, siginan at nafili fag taw. Kanya nafatuyan takatanya sas fagayu taw siginan nu gfadog gfaleleg at nafili fag taw.”

1 Kurintu 4:5

Nu katanya, kaduge tam Fun yud andasug, lag am gamatangan te, sik taw masine ay mauri. Tam Fun waban tagfasure fagayu nusnge wain at masuksukan sisad dulum ay anggan at masuksukan si sik taw at amatanganan. Ay ginanya ban fag menit, galay at sadi gbul famauseganan siginans Dius.

2 Kurintu. 5:10

Aroro galay ban tam at sadi nangalindug tam sa tam Fun Isus at daga salubangan. Ay kanya nanginsaful te, o e asalanan tam, laman mul tam at famayad sas fagayu tam nafakamulun at masine ay at mauri kaduge tam gleleg ste swa daga.

1 Tesalunika 5:1

Em ngay faduksay nu saman baliwa kafag ngay buknga ay kafag ngay menit, wami nangus griruk ya sa ayu takatanya.

At Nafasure 11:18

Ay fagayu talun at ngay taw at yud natoglag emu, maksvn nu kadotama emu. Ay andasug wan at buknga nu gfadasug o am dotama. Ay andasug yangay at buknga nu gtuyan o ngay kinbul at fakamulun te, o masine ay o mauri, ay nu gfon o famonun sas fagayu am taglong am ngay fagsuguan, ay sam ngay taw, ay sas fagayu tagsuyu emu, sa takadungug fag ngay taw ay dewa sat mafalingun fag ngay taw. Ay andasug yangay at buknga nu gfamin o tagfaidapan ngay taw sas fagdaul daga.”

At Nafasure 20:2

Ay kanya nagamat ule daul, tangaduge wan nu gleleg, at ngayan tiba te, Takamuag ay Satanas. Ay nu masiukan sadik libuk banwa.