Takamoyung 3:14 - Fanawbuid tagsibaliwas Fakayabian

¹⁴ Saful au te, Dius at nawat fagayu wa ban kalyam kabavn ay wa tam e fagmafamutun ay e fagmabuinun ya. Dius gfakamulun takatanya laman gsuyu tua tam anya.

Takamoyung 3:14 ပူးပေါင်းရင်းမြစ်များ

2 Samwel 22:31

Dius at balyawvtan kasakan. Ay at longan matuyan. Dius wan taggubuk ngay taw taget gubuk sa anya.

Alubad. 33:11

Dewa katanya, Dius at ngay algan di ginbalian kabavn, ay at fakaylatun umfasludan sa sangay kasugfunanan.

Alubad. 64:9

Ngay taw sas fagdaul daga umlimu ban, ay gamatangan Dius at ngay nafakamulun ay gfoyung sat ngay iba.

Alubad. 76:10

Dius, nu kadotama o ngay taw dewa maksvn, takatanya, gfaksvn way laman ngay taw gfauseganan emu! Ay nagbilug o kafag ngay taw at dotama laman am famawayan.

Fangatulun 19:21

Ngayu tam algan, dewa katanya, Yawi tua at fakaylatun takafaning.

Fangatulun 21:30

We mafasud Yawi at fagsafulun ay at fagmamatanganun.

Fangatulun 30:6

Lag o gfamut at ngay longan, aroro nu nafamut way o, kanya ro gaiyan emu ay gfasaful te, sik takamuag o.

Takamoyung 12:13

Katsi, natap wo fagayu, ay kata ya tuy ku fangatulun taguyan: Alimui Dius ay faningi at ngay suguan, aroro katanya galay sik taw at fakamulun.

Takamoyung 5:6

Lag o gasalanan siginan am aringang, ay lag o nanlong sa tagfon fanggalangun tagsis Yawi at bale te, bunwa am algan. Aroro Dius kauri nu nafakamulun way o takatanya ay gfayud e tungkul fagayu am ngay nainlufuyan.

Takamoyung 5:7

Tangayu fag taginfan ay fag aringang we masuad. At masine, suyui tua Dius.

Takamoyung 7:18

Lag o gfasawe siginan nu gfakamulun o takatanya, fakasakani tua, aroro fagayu tagsuyu Dius wa gfasawe fagayu nusnga setaw.

Isayas 46:10

Siginan ngay sfagsigadan nalong kwan takafasludan ban. Ay fagayu ban ku ngay nalong umfasludan, ay namakamulun kban nusnga setaw ku fagyafakamulunun.

Daniel 8:8

Kafag kambing ankaksvn nu mabalyanan. Ay gina at fagmabalyananun gakatabuun at sunge an-gatvng. Dewa katanya, nalag au ufatk sunge daul masakit natugbung ay galay at sadi gtiu sas ufatk fugungan daga.

Fakamulun 2:23

Dius nafon sa ayu kanya fag taw kata at algan, dewa katanya, nafabul am anya siginan nu gsugu am at mauri fag ngay taw laman nantuktuk anya sas fasulungan kayu.

Fakamulun 4:28

Ay kanya fagayu nafakamulun kata am algan siginan am fagmabalyananun sabaliwa takadasug ban.

Fakamulun 5:39

Dewa katanya, nu siginan tuas Dius, wam mafaragang anya fagayu. Aroro nu nasalag way ban am anya, tam fagfawayanun Dius wan.”

Ruma 11:36

Aroro fagayu nusnge wain ankawat wan siginan anya, ay sia wan tagagbilug fagayu nusnge wain. Si wa anya famauseganan kabavn! Anud.

Efesu 3:11

Katanya Dius at algan siginans fagsigadan, ay kanya nafafasludan at algan siginan tam Fun Isus.

Deuterunumyu 32:4

Kanya ku fagsarigan fag gang, ay at fakamulun matuyan, ay fagayu at balyawvtan mafanud. Sia wan at matuyan fag Dius ay di gfakamulun at mauri; kanya matuyan tua ay di e fagfili.

Titu 1:2

Tuy fag fagsafulun ay fag fagafanudun tagfon antam fagsegun te, e leleg ban tam at yud e fakatabuan. Kanya fag leleg Dius at nafatuyanan gina yay yud e fagdaul daga, ay kanya di kamuag.

Santiagu 1:17

Fagayu famonun at masine ay at matuyan, kanya siginans banwa, siginan tam Mama, takawat nusnge wain at masulo sis banwa. Dius di gbadbalian kata kafag ngay tagyamag at lanbung nu gadgalinan.

At Nafasure 15:4

Sinu ban at yud kalimu ay gfauseganan emu, em Fun? Aroro o way lang at yud e malong. Fagayu talun at taw nangakbang ban sa emu gseg, aroro fagayu taw nalag wan am ngay nafakamulun at maksvn nu matuyan.”