Takamoyung 3:13 - Fanawbuid tagsibaliwas Fakayabian

¹³ Dius kaylat nu gfangon tam ay ginum ay guseganan, nu siginan tua tam ngay nainlufuyan, aroro Dius at fon antam kanya fagayu.

Takamoyung 3:13 ပူးပေါင်းရင်းမြစ်များ

Alubad. 128:2

Nu katanya tua nu gbanwan o, o tua ban takon am nainlufuyan, ay umke ramraman ban o, ay e fagmanabayanun.

Alubad. 34:12

Nusnga sinu takaylat at manabayan ay tangaduge fag leleg,

Takamoyung 2:24

At masine ngay taw at fakamulun gfangon, ginum, ay gfae masuad at ngay nainlufuyan. Nasaful au te, takatanya tua tagsiginans Dius.

Takamoyung 2:3

Ay nafaskud kwan taguseganan ginum fanlangu. Dewa au e fagsafulun, nafakamulun au kata yud e fagsafulun, aroro namatangan au te, katanya tua siring ngay taw at fakamulun at masine dewa yud ngaduge at leleg ste swa daga.

Takamoyung 6:2

Dius nafon sa tibak taw at ngay fakaylatun at fakatogdungugun, ngay fagagbilugun ay ngay ramraman. Dewa katanya, Dius wa naylat kafag ngay taw nu gagbilug takatanya fagayu, abat ngate, tiba way ktaw at nagbilug takatanya fagayu. Takatanya wa masine ay we masuad.

Takamoyung 8:15

Nu katanya, nu sa way angku, amasine yap sik taw nu guseganan kaduge gleleg. We masine ya laman sa anya stes fagdaul daga nu bunway tagfangon, taginum, ay taguseganan. Siginan takatanya kanya guseganan tua dewa gidapan kaduge gleleg stes fagdaul daga Dius at nafon anya.

Takamoyung 9:7

Useganani, fangoni, ay mamami fanlangu, aroro kanya Dius at fakaylatun am fakamulun.

Deuterunumyu 12:7

Ay nanfangon am gasfuan ay ngay talanan sis Yawi at daga salubangan ay nanguseganan am sas fagayu ay nafakamulun aroro Yawi nafon tua sa ayu nusnga setaw.

Deuterunumyu 26:11

Useganani aroro masine ay Dius Yawi at nafon sa ayu fagayu nusnge wain, ay sa ay ngay talananan. Gina am maful, tabani ngay taw Lebi ay anggan ay ngay betaw tagbanwan si ay talun.