Takamoyung 3:11 - Fanawbuid tagsibaliwas Fakayabian

¹¹ Fagayu tuy Dius at nafalganan takafasludan sas fagayu buknga. Ay kanya nafon antam amatanganan laman saful tam takadasug ban, dewa katanya, wa tam saful at ngay fakamulun siginans fagsigadan ay anggan ban sas fakatabuan.

Takamoyung 3:11 ပူးပေါင်းရင်းမြစ်များ

Fakasigadan 1:31

Ay Dius nu nalag fagayu at awatan, nalag te, masine mandi. Yabi nu nlangfe, balabag andasug. Kanya at faunumk menit.

Ub 11:7

O makatu way o kayamag sabaliwas Dius? O mananginsaful o at Mabalyanan fag Dius at fagyudun e kurang?

Ub 37:23

Wa tam manangakbang sat mabalyanan fag Dius, aroro maksvn nu mabalyanan ay nu matuyan.

Ub 5:9

Kanya at nafakamulun nusnga setaw at madulo at yud e mafayamag, ay at yud katap ya nu gfalangfe.

Alubad. 104:24

Yawi, ngayu am nawat! Nawat o kanya fagayu siginan am fagsafulun, ay ankapnu sas fagdaul daga.

Fangatulun 16:4

Yawi e algan sat awatan fagayu, anggan at mauri fag ngay taw, nafalganan wan laman ban sas faurianan.

Takamoyung 1:13

Nafon au ku leleg laman gamatangan au fia at masine sas fagayu takafasludan ste sfagdaul daga. Ay nalag au te, makalpa fag ngay fakamulun Dius at nafatigwanan sa sangay taw.

Takamoyung 11:5

Nu setain nu yud o glag tagmara, ay sik ngenge nu kabia sit mina at ungdan, katanya yangay Dius nu kawat fagayu nusnge wain, wo yangay saful.

Takamoyung 7:13

Amatangani Dius at ngay nafakamulun. Sinu at mafasine at nafasik mauri?

Takamoyung 7:23

Nafaskud kwan gamatangan fagayu takafasludan stes fagdaul daga siginan ku fagsafulun. Nu glong kro saful kway ay aroro mangaro duan.

Takamoyung 7:29

Tagtungud sas fagayu, nasaful au te, Dius nawat ngay taw e fagmatuyanun, dewa katanya, ngay taw gamatangan ngayuk balyawvtan laman umsik mauri.”

Takamoyung 8:17

Nalag kyangay Dius at ngay fakamulun stes fagdaul daga. Ay nusnga sinu wa makatu gamatangan takatanya. Dewa nusnga setain kanya fag taw at fakamulun laman gamatangan, kanya wa sumaful. Dewa tagsaful fag ngay taw glong te, saful way, at matuyan, kanya wa saful.

Mateu 11:27

Ay Isus glong sa sangay taw te, “Ku Mama wan at nafon sa angku fagayu nusnge wain. Au, at Baguama, wa fia e gtoglag angku, ku Mama way lang tagtoglag angku. Ay we taw gtoglag fia ku Mama, nu bunway au way lang, at Baguama. Ay kayu ku fakaylatun gfatoglag ku Mama, anggan kafag taw tumoglag ku Mama.

Mateu 13:22

Ay at kintong fag ngay bvtang sas wa makmak at madugi, kata ngay taw at nadungug Dius at Longan, ay dewa katanya, kanya fagayu gafanawa way at leleg ste swa daga, ay kesug way at fagmaramramanun, ay kanya nafaut at nadungug fag longan, ay wa narawvg.

Markus 7:37

Ay kafag ngay taw andulo maksvn ay glong te, “Madulo tua at ngay nafakamulun, aroro ngay taw at yud gdungug, gdungug wan, ay at yud maringang, maringang wan.”

Ruma 1:28

Aroro kanya fagayu wa kaylat gfaning Dius. Dius nafabayan wan kafag ngay taw sat mauri fag ngay amatanganan, ay sat yud matuyan fag ugali.

Ruma 11:33

Maksvn tua Dius at fagmagalangun ay at fagmamatanganun ay at fagsafulun. We taw nasaful Dius nu gfili, ay we taw matogdungug at ngay balyawvtan.

Deuterunumyu 32:4

Kanya ku fagsarigan fag gang, ay at fakamulun matuyan, ay fagayu at balyawvtan mafanud. Sia wan at matuyan fag Dius ay di gfakamulun at mauri; kanya matuyan tua ay di e fagfili.